Juan 6:7 - Arabela

⁷ Felipeeri na riucuaree: —¡Paa jaara cumaneeca jiitiare doscientos juuca pa poonijiosanojiniji pan pa masetajarani, cuno maara najuhuana secaja quiri puetunu nojoririajanaa!

Juan 6:7 Iomraidhean Croise

Mateo 18:28

’Cuno seru tohuatasacari jiyaniijia tiajiniji, narta seruta naacuneetooreeri. Cuno narta seruuri tarijia masequiaari shiitianiyojua casami cuno jiyanooshano serujiniji. Secaja cumaneecaari quiquiaari na cuenta. Naajaa, cuno jiyanooshano seruuri narta seru quiaree. Cumaatia na riquiajinia na miniriiri. Na sequereeri: “¡Ritia cua niquitiore cumaneeca, tarijia quia masesano janiyajiniji!”

Marcos 6:37

Jesuuri nojori riucuaree saaja: —Niaa mariqui nojori miaquetereja saniya. Nojoriiri na sequeree: —¿Quiaateeri paniya queraatia pan masenuucua canaa quianura puetunu cuno pojoririajanaa? ¡Pa mianuutenura nojori, panishiyari dosciento cumaneeca! Majaari pa jiitianu.

Juan 1:43

Tariqui, Jesuuri Galilea jiyajiniara quiariquiaa. Felipe riuriatamaari. Na sequereeri: —Cua tarajare cua pueyano quia quiniuria.

Juan 1:44

Felipeeri nata quiaaree. Nojuajaari Betsaida tiacajinijinio quiquiaari. Andrésri tarajanu Pedrota cuno tiacajinijinio quiquiaarijiuhuaj.

Juan 1:45

Na nuhuaji, Felipeeri Natanael pajeree. Na riuriatasacari, na sequereeri: —¡Canaa noo pueyano niquiriini, Moisés nojuajiniji naajiotaquiaari tariucuacaanutej! Tariucuacaanu Pueyaso sequesano caminiujiuniaa pueyari nojuajiniji naajionuutaquiaarijiuhuaj. ¡Nojuajaari Nazaret tiacajinijinio Jesu, José niyanu!

Juan 1:46

Natanaelri saa riucuareejaa: —¡Jaj! ¿Na naatate maninia miijia pueyano supuenujuaara cuno sesa miijiaca Nazaret tiacajiniji? Felipeeri na sequeree saaja: —¡Miji! ¡Pa niquishii!

Juan 1:48

Natanaelri na sequeree: —¿Taa quia niishiya janiyarini? Jesuuri na riucuaree: —Felipe sequeyaquishacarijia quiajaniya cucua quia niniuria, janiyari tari quia niquirii coojiatani, higo naana pajama tateyano.

Juan 12:5

—¿Casaara cuno shanohua jaanutaja niquitioyaquishaaree queraatia cumaneecarani, casamiijiuniucua pueya niquitiojosocoriquianoni? ¡Jaara masenu panishaare, maara niquitiosaare juhua niquiriyatu marijiara pueyano poonijionu sami!