Juan 5:23 - Arabela

²³ Nojuajaari naa miiquianu puetunu pueyajanaa quiniuria cua tojitiajaca, naatej, taa cua Que na tojitiatuquiaacuaani. Cante cua ruuretajani, cunoori cua Que ruuretajajuhuaj, nooj, cante mijiria cua jiyaroquiaaricuajani.

Juan 5:23 Iomraidhean Croise

Mateo 10:37

’Cante na queya panijia socua janiyajinijini, jiyano pueyanoori maja maninia cua pueyano na quiniuria. Cante necohua panijia socua janiyajinijini, jiyano pueyanoori maja maninia cua pueyano na quiniuriajuhuaj.

Mateo 11:27

’Cua tojitiare pueyanaa, cua Queeri cua niquitioquiaari puetunu casaajanaa cua jiitiasocoriquiano. Majaari seetanujuanaa tamasaca niishiniu janiya. Saa cua Queja cutaraari cua niishiya. Naajuhuaj, majaari seetanujuanaa tamasaca niishiniu cua Que. Saaja janiya, Neyanuni, na niishiya cutaranijia, naajuhuaj canapue cua niishitiniu paniya cua Quecuajani.

Mateo 12:21

Puetunu tiquiyocuacajinijinio quijiaca pueyajanaari nocua tiuuniutianiya”.

Mateo 15:8

“Nio pueyari saa na rupaataja cua maniniuhuaqueetaquiaa. Nojori jiuujiaari saniniuujia tucuacaanu quiya janiyajiniji.

Mateo 28:19

¡Naaratej, nia quiojore! ¡Puetunu pueyapuejanaa nia pohuatare cua rupaa, cua tojitiajacara nojori quiniuria! Moojinia nia tiuquinijiore cua tojitiajaca Pueyaso sesajinia, nojori rupuesacari pa Que Pueyaso, janiya, na Sohuanunio.

Lucas 10:16

’Cua pueyanaa, cante nia tojitiajacani, nojoriiri cua tojitiajacajuhuaj. Naajuhuaj, cante nia ruuretaa cua rupaa nia pohuatasacarini, nojoriiri cua ruuretaajuhuaj. Cante cua ruuretaani, nojoriiri cua Jiyarona ruuretaajuhuaj.

Juan 14:1

Jesuuri naa canaa sequeree socua: —Maja nia tacaaniu, pueyanaa. Nioojia nia cajitiri. Saaja Pueyasoocua nia tiuuri. Cucua nia tiuurijiuhuaj.

Juan 16:14

Niaari cua shuquiritianutaniya, nojuaja niishitiniuucua niajaniya janiyajiniji.

Juan 17:10

Naaratej, puetunu cua jiitiasano pueyajanaari quia pueyajuhuaj. Mariyata puetunu quia jiitiasano pueyajanaari cua pueyajuhuaj. Nojori tiuuniuucua cucua, nojoriiri jatanishano pueya quiniutianiya. Naacuajitij, queraatia pueyari cua timitianutaniyajuhuaj, naa nojori niquishacari cua cumaaca.

Romanos 1:7

Puetunu Pueyaso panishano pueyajanaa, canapue Pueyaso saquiriojoquiaari saa maniniaja nojori quiniuriacuajani, janiyari niaacuara naajioteyani. Pa Que Pueyaso, pa Jiyaniijia Jesucristojuhuaj, nojori cuaara cumaquiiria niajaniya, maninia na tojijiaca nia quiniuria. Naajuhuaj, nojori cuaara nioojiaca cajitiiria shuquiriaatia nia quiniuria pueyaracaanu.

Romanos 15:12

Supuetana Isaías naajiotasanojinijijiuhuaj, paari niishiyani Pueyasoori taucuaca jiitianu panijia pueyaracaanu, maja saaja Judiocuaca. Naaratej, Isaíasri naa naajiotaquiaari: “Supuetana Isaí niyanujiniji supuenutaniyari pueya Jiitiana. Nojuajaari puetunu mijiria quiniaajanaa jiyaniijia quiriquiano. Puetunu jiyacajinijinio taucuacajanaari nocua tiuujiaca quiniutianiya”.

Romanos 6:22

Naa sesa miyashijiaca nia quishacari quiarijia saniniuujia, niaari Pueyaso tojijiacara jiyatesaaquiaari, saaja na panishano nia miiniuria cutara. Naa Pueyaso tojijiaca nia quishacaritij, nojuajaari nia jiyatenutaniya seetanujuanaa maninia miijiaca nia quiniuria. Naacuajitij, niaari pueyaracaanu shuquiriaatia rishijiaca quiniutianiyajuhuaj.

Romanos 8:9

Niajaniya cutaraari maja nia quiniu juhua cuno pojorijia, tama na cuaqueyajaaja shuquiritiniuria jiaatiajacani. Niaa cutaraari Pueyaso shuquiritijiaca, Pueyaso Sohuanu cumaquishacari niajaniya, nojuaja jaara seetanujuanaa nioojiajinia quiya. Cante Pueyaso Sohuanu jiitiaaquiyani, nojuajaari maja Pueyaso pueyano.

1 Corintios 1:3

Pa Que Pueyaso, pa Jiyaniijia Jesucristo cuaara cumaquiiria niajaniya, juhuajaniya nia quiniuria.

1 Corintios 10:31

Cua tojitiare quenaaja cuarta Pueyaso muerasunaa. Nia miaquesacari, nia ratusacari, casaa nia miishacarinio, pueyaracaanu puetunu maninia nia miirijianaa Pueyaso nia shuquiritiniuria.

1 Corintios 16:22

Cante maja pa Jiyaniijia panijia quiyani, Pueyaso cuaara jataara cuno, saniitiosocoriquiano. ¡Jiyaniijianaa, quia nimiohua!

1 Corintios 6:19

¿Majateeri nia niishiniu, nia cuaqueyari Pueyaso Sohuanu quiquio? Pueyasoori na Sohuanu jiyaroquiaari poojiajinia na quiniuria. Pueyasoori nia masequiaari tama nerajaaja nia quiniuria. ¡Jiyanohua naquiya na miiniutia nia masereeri Neyanu na motesacari pocuara! Naacuajitij, Pueyasoori quiarijia pa camarnu quiya. Naaratej, quiarijia maja pa quiniu tama pa cuaqueya camarujuaaja. Naaratej, pa shuquiritiri pa Pueyaso pa cuaqueyata, pa sohuanutajuhuaj. Nojuacuajaari pa cuaqueya camaru, pa sohuanu camarujuhuaj.

2 Corintios 1:9

Seetanujuanaa, canaari jiyanijiani Pueyaso naasucuaari nareja canaa shanacunutaniya canaa cusonuunura. Naajaa, naacuajitij, Pueyasoori jiyacari canaa niishitiriquiaa maja canaa tiuuniuria tama canaacuajaaja, saaja nocua canaa tiuuniuria cutara. Nojuacuajaari macunucua samiitianijiojua.

2 Corintios 13:14

Pa Jiyaniijia Jesucristo cuaara cumaquiiria niajaniya pueyaracaanu. Niajaniya cuaara quiiria pa Que Pueyaso panishano pueyaracaanujuhuaj. Naajuhuaj, niaa cuaara quiiria Pueyaso Sohuanu rupuesano pueyaracaanu. Puetunu niajaniyajanaa cuaara naa quiiria.

2 Corintios 5:14

Cristo paniniuucua canaa, cuno na paniniuuri canaa shiniujiuquiaa nera canaa poonijionura. Naaratej, canaari pueyaracaanu nojuajiniji pohuataquiaani. Canaacuajaari niishiyani, nojuajaari puetunu pueyacuarajanaa cusoquiaari. Naa na cusonuucua puetunu pueya nitijianaatej, Pueyasora, puetunu pueyajanaari tari cusonuuquiaari Cristota. Naacuajitij, Pueyasoori na naata jiyanooniu puetunu Neyanuucua tiuuniaajanaa.

2 Corintios 5:19

Naacuajitij, Pueyasoori mijiria quiniaa jiyanooquiaa saaja Neyanu Cristoocua nojori tiuushacari. Naa na jiyanooshacari pueyatej, majaari quenaaja sesa nojori miishano na saneenu quiniutianiuhua socua. Nojuajaari canaa jiyatequiaari na rupaa pohuatanaa canaa quiniuria, pueya canaa tiuutiniuria Neyanu Jesucristoocua, jiyanooshano nojori quiniuriajuhuaj.

Efesios 6:24

Naajuhuaj, Pueyaso cuaara puetunu pa Jiyaniijia panijiacajanaa cumaquiiria na Sohuanuta, shuquiriaatia nojori quiniuria, cuno pojori, canapuete seetanujuanaa Jesucristo panijiacacuajani.

2 Timoteo 1:12

Naacuajitij, janiyari niya naquiya miya nujuatejojuajiniani. Naajaa, majaari cua caririquiniu. Janiyacuajaari niishiyani canaacua cua tiuuquiaarini. Nojuacuajaari pocuaji Tacuna Jesucristo. Cunora, janiyari seetanujuanaa niishiyani, nojuajaari cumaacaraca na cojuanura janiya, nojuaja cuaara tiuquiriohuajaatijia. Naajuhuaj, nojuacuajaari cumaacaraca na jataniniuria pajaniya, tojetaarucuajanaa quiarinio pueya pa quiniuria na tiuquishacariuhua pocua.

Hebreos 1:6

Tariucuacaanu Pueyaso Rupaajinia, naa naajiotasaaquiaariiri casaa Pueyaso sequenutaniyani, Neyanu na tiuquitishacariuhua mijiria, Jiyaniijiajanaa na quiniuria: “Puetunu cua seyajanaa cuaara Quiyanu tojitiaara, Jiyaniijiajanaa na quiniuucua”.

2 Pedro 1:1

Janiyari Simón Pedroni, Jesucristo seru, na jiyaramiquishanojuhuaj. Janiyari cunora niaacuara naajiyani. Pa Que Pueyasoori nia tiuutiquiaari pocuaji Tacuna Jesucristoocua, taa nocua canaa tiuuquiaaricuaani. Nocua nia tiuuniuni, cunoori jiyanohua panishano. Naacuajitij, Pueyasoori nia jiyanooquiaa juhua sesa miyashijiaca nia quiniuria na niquiara, taa canaa quiyacuaani.

2 Pedro 3:18

Naajuhuaj, socua pocuaji Tacuna niishiniuucua jiaatiajaca nia quiriquia. Naa maninia nia niishiri pa Jiyaniijia Jesucristo, socua na panijiaca nia quiniuria, socua na cumaaca nia jiitianurajuhuaj. ¡Pa Jiyaniijiaari jiyanohua maninia! ¡Nojuaja cuaara shuquiritiasaaria quiarijia, pueyaracaanujuhuaj! Cuaara naa quiiriatej.

1 Juan 2:23

Cante Pueyaso Niyanu Cristo tamacajani, majaari Pueyaso na jiitianu na Querajuhuaj. Cante Pueyaso Niyanu Cristo jiitiaa cutarani, pa Que Pueyaso jiitiaa na Querajaariuhuaj.

2 Juan 1:9

Cante tama na cuaqueyajaaja jiyateja Pueyaso casaa niishijiara socua Jesucristo jiyaramiquishano pueya niishitiojosanojinijini, cuno shocotajaari Pueyasoojura quiquii, na shocotanuucua Cristo rupaa. Cante saniniuujia seetanu rupaajanaa tojitiaquiaa maniniani, taa pa rootasaaquiaari Cristo rupaacuajani, Pueyasocuajaari na Que, Neyanuuri nocuaji Tacunajuhuaj.