Juan 5:16 - Arabela

¹⁶ Naa Jesu miiniuucua samaatenu juucatej, narta Judiocuaca camarucuaari na quiatunu panijia juucua.

Juan 5:16 Iomraidhean Croise

Mateo 12:13

Na nuhuaji, sesarucojua sequereeri: —Quia juaashiquia quia shiitiore. Na juaashiquia shiitioreeri. Ritia jeequequeeri juhua tanecaraja.

Marcos 3:6

Fariseocuaca niquishacari naa Jesu miishanotej, nojoriiri tohuareetaquee na juaaniutia. Nojoriiri Herodes panijiaca pueyata pocoojoquiaari ritia, taa nojori monutaniya Jesuni.

Lucas 6:11

Cuno pueyari jiyanohua juaaquioree naa Jesu miishacaritij. Nojoriiri naa pocoojoquiaari tamajaaja: “¿Taa pa miiniutianiya socua cuno Jesuurini?”

Juan 1:19

Jerusalén tiacajinijinio canaa Judiocuaca camarucuaari na pueya jiyaramiquiquiaari Tiuquinijiona Juancua, nojori nequesoreenura Juan cante nojuajani. Nojori jiyaramiquishano pueyari quiquiaari supuetana Leví niquiohuacuajinio supueno pueya. Noojiaqueya cuno pojorijinijinioori quiquiaarijiuhua pueyacuara secojonaa pueya.

Juan 10:39

Jiyacaritij, nojoriiri socua Jesu quiatunu paniriohuacuhuaj. Jesuuri saaja nojoriicuaji mashiquii.

Juan 15:20

Majaari nio cua sequesano nia niyajetanu: “Seruuri maja socua tojishano na camarnujiniji”. Naaratej, Pueyaso niishiyashijiaca jaara naquiya cua miiquiaacuaa, niaari naquiya miishaanutaniyajuhuaj. Naajuhuaj, nojori jaara cua rootasano tojiquiaacuaa, nojoriiri nia rootasano tojijiaca quiniutianiyajuhuaj.

Juan 5:10

Canaa Judiocuaca camarucua jaara cusosu niquiquiaari na matu pataano, na juaatiuriiri. Naa na sequetureeri: —¿Majateeri quia niishiniu, quiarijiaari Sábado? ¡Maja quia matu quia patanujuaj!

Juan 5:13

Nojori riucuareeri: —Johuaj. Maja cua niishiniu canaquitijia cua naataniriitij. Jesu naatanishacari cuno pueyano, queraatia pueyari namitia tii quiriquiaa. Naacuajitij, Jesuuri ritia tajiniocuareequiaari pueya tajinia, na naatanishano pueyanoocuaji.

Juan 5:15

Naacuajitij, cuno pueyanoori Jesu niishirii. Cunora, canaa Judiocuaca camarucuaacua quiaareeri. Nojori sequeseeri: —Jesuqui cunocuaja cua naataniriini.

Juan 5:17

Jesuuri saaja nojori sequeree: —Cua Queeri pueyaracaanu poonijiya. Janiyari cunora poonijiyajaacuhuaj.

Juan 5:18

Naa Jesu sequesacari nojoritij, narta Judiocuaca camarucuaari jiyanohua na monu paniriquiaa. Nojoriiri maja na monu paniniu quiriquiaa saaja samaatenu juuca na poonijionuucua. Socua jiyanohua na motunu paniriquiaari Jesu jiyatenuucua tama na cuaqueyajaaja juhua Pueyaso, Pueyaso na jiyaniquishacari na Queta.

Juan 7:21

Jesuuri nojori sequeree: —Puetunu niajaniyajanaari shiriiquitiuquianu samaatenu juuca cua miishacari niquiriyatu casaaniyojua cua cumaacata.

Juan 7:25

Jiyacaritij, noojiaqueya Jerusalén tiacajinijinio pueyari tama sequetooreejaaja: —¿Majate nio pueyano pa camarucua pajesanocuaja na mosocoriquianotej?