Juan 5:10 - Arabela

¹⁰ Canaa Judiocuaca camarucua jaara cusosu niquiquiaari na matu pataano, na juaatiuriiri. Naa na sequetureeri: —¿Majateeri quia niishiniu, quiarijiaari Sábado? ¡Maja quia matu quia patanujuaj!

Juan 5:10 Iomraidhean Croise

Mateo 12:10

Pueyanoori tii quiriquiaa cuseetucojuara joojequetano na juaashiquia. Taa canaa Judiocuaca camarucua Jesuucuara saquiriojotanu paniriquiaa juucuacuajani, jiyacaritij, na sapojonuta Jesu nequesotaturee naari. —¿Maniniateeri samaatenu juuca cusosu naataniniuria? Paacuajaruhua niishitiojosaaquiaarini maja pa poonijionura samaatenu juuca.

Marcos 2:24

Fariseocuaca jaara na niquiquiaari, Jesu sequetureeri: —¡Quia niquiri! ¿Casaara quia saquiriojosano pueya poonijiya samaatenu juucani? ¡Pueyaso Rupaajinia, paari piriyojoshiyacuajani maja samaatenu juuca pa poonijionura!

Marcos 3:4

Na nuhuaji, Jesuuri pueya nequesotaree: —¿Casaate samaatenu juuca miishiyani? ¿Paate maninia miyani, paate sesa miya soj? ¿Pueyanote naatanishiya, moshiyajanaa soj? Nojoriiri sanaa niquitiariquiaa saaja, Jesu sequesacari naatej.

Lucas 13:14

Pueyaso secojojua tiajinia jiyaniijiaari juaarii naa Jesu miiniuucua samaatenu juuca. Naaratej, tii quiniaa pueya sequeree Jesu niquiaraari: —¡Seis juucacuajaari quiya puetunu semaanajiniajanaa pa poonijionura! ¡Niocua cuno juuca nijioriquia nia naatanijiosaanura, maja samaatenu juuca!

Lucas 23:56

Nojori riujiuushacariuhua na tiajiniohua, nojoriiri juhuataja shanohua jaanutaja cojitijiosuhua, macuucua nojori niojosocoriquiano. Na nuhuaji, nojoriiri pootia quiriohua samaatenu juuca, taa Moisés rootaquiaaricuajani.

Lucas 6:2

Fariseocuacaari na niquitiariquiaa. Nojoriiri Jesu pueya juaarii: —¿Casaara nia tojitiaaquiya Moisés Rootasanoni, taa na sequequiaaricuajani maja pa poonijionura samaatenu juuca?

Juan 1:19

Jerusalén tiacajinijinio canaa Judiocuaca camarucuaari na pueya jiyaramiquiquiaari Tiuquinijiona Juancua, nojori nequesoreenura Juan cante nojuajani. Nojori jiyaramiquishano pueyari quiquiaari supuetana Leví niquiohuacuajinio supueno pueya. Noojiaqueya cuno pojorijinijinioori quiquiaarijiuhua pueyacuara secojonaa pueya.

Juan 5:11

Cusosu naatanohuari nojori riucuaree: —Cua naataniniacuaja cua sequereeno: “Quia matu quia pataarohua”. Janiyari cunora na pataani.

Juan 5:15

Naacuajitij, cuno pueyanoori Jesu niishirii. Cunora, canaa Judiocuaca camarucuaacua quiaareeri. Nojori sequeseeri: —Jesuqui cunocuaja cua naataniriini.

Juan 5:16

Naa Jesu miiniuucua samaatenu juucatej, narta Judiocuaca camarucuaari na quiatunu panijia juucua.

Juan 7:23

Naa nia miishacari samaatenu juucatej Moisés Rootasano nia tojiniuria, ¿casaara nia juaya janiyani, cua naataniniuucua cusosu samaatenu juucani? Niaari saaja shiitianiyojua miatejiya, maninia nia niquiohua quiniuria Pueyaso niquiara. Janiya cutaraari puetunu cuno cusosu cuaqueyajanaa jeecacanuni.

Juan 9:16

Noojiaqueya cuno Fariseocuacajinijinioori saa sequereejaa: —Cuno pueyano, nio pueyano namijia jeecarucuaani, nojuaja maja Pueyaso Jiyarosano. ¡Nojuajaari Moisés Rootasano tojiyashijia, naa na miiniuucua samaatenu juuca! Tamasacaari saniniuujia sequeriquiaacujua: —Jaara sesa miijia quiri, ¿maatucua casaara poonijiore Pueyaso cumaacatacuaraarini? Naa nojori juayonuutanuucuatej, nojoriiri juhua raquitiirii.