Juan 4:9 - Arabela

⁹ Cuno maajiiri Jesu sequeree: —Pueyanonaa, ¿casaara quia sequeya Samaria jiyajinijinio maaji raatenura quiajaniyani? Quiaacuajaari Judio. Cuno maajiiri naa sequeree Jesutej, na niishiniuucua Judiocuacacuajaari maja na niquiniu paniniu quijia Samaria jiyajinijinio pueya.

Juan 4:9 Iomraidhean Croise

Mateo 10:5

Jesuuri nio na doce pueya jiyaramiquiquiaari Pueyaso rupaa canaa pohuatanura. Coteenu, canaa rootaquiaariiri, canaa na jiyaramiquiyaquishacarijia. Naa canaa sequequiaariiri: —Majaari taucuacaacua nia quiojonu. Naajuhuaj, majaari nia tiuquiniu Samaria pueya tiacajinia.

Lucas 10:33

Na nuhuaji, Samaria jiyajinijinio tahueri cuno nucuaco quiariquiaajuhuaj. Na niquishacari parta Judio pueyano mataano, Samaria jiyajinijinio tahueri nocua taraajeree.

Juan 4:27

Jiyacaritij, canaari Jesuucua tiuquiijiorohuani. Canaari jiuujiatequiaarini canaa niquishacari Jesu pocoojiyano cuno maajitia. Majaari quenaaja canaa nequesotanu quirii Jesu, casaa cuno maaji paniriquiaani, mariyata casaajiniji nojori pocoojoriquiaani.

Juan 8:48

Narta Judiocuacaari naa Jesu juaarii: —¡Canaacuajaquiiri maninia sequeriquiaa quiajaniyajinijini, quiaari Samaria jiyajinijinio tahue, samaruraca pueyanotuhuaj!

Hechos 1:8

Naajaa, niaari Pueyaso cumaaca masenutaniyacuaja, Pueyaso Sohuanu jaara nioojiajinia tiuquiri. Niaari janiyajiniji pohuatanutaniya pueya niquiara Jerusalén tiacajinia, puetunu Judea jiyajiniajanaanio, Samaria jiyajiniajuhuaj. Naa pohuatasaanutaniyajaariuhua puetunu jiyacajiniajanaa, socua tucuacaanu jiya puequeetujinianio.

Hechos 10:28

Pedroori nojori sequeree: —Taucuacanaa, niaacuajaari niishiya canaari Judiocuacani. Judiocuacaari rootasaaquiaari maja canaa rupuenura taucuaca, maja quenaaja tahue tiajinia canaa tiuquiniuriajuhuaj. Saniniuujia, Pueyasoori quiarijia cua niishitiorucuaa cutara maja cua soonura tamasaca. Taucuacaari maja sacuaraatia quiarijia quiria.

Hechos 10:32

Naaratej, quia seya quia jiyaramiquiri Jope tiacajinia, cuaara Simón masuunuucua quiatuura. Na sesaari Pedrojuhuaj. Nojuajaari na sesaanucua tiajinia quiya, shoniniacu caminia casaqueyaji. Tia camaruuri piiquiajinia shoqueya majeetejonu poonijiojua. Simón Pedro jaara nimia quia tiajinia, quiata pocoojonutaniyari”. Pueyaso seruuri naa cua sequerucuaaqui Simónnaa.