Juan 4:19 - Arabela

¹⁹ Naa cuno maaji tojishacari Jesu sequesanotej, Jesu sequereeri: —Jiyaniijianaa, ¡quiaaqui Pueyaso sequenu panishano caminiujiunia!

Juan 4:19 Iomraidhean Croise

Juan 6:14

Pueya niquishacari naa Jesu miishano na cumaacatatej, nojoriiri sequeturiquiaa: —¡Nio pueyanoqui seetanujuanaa Pueyaso sequenu panishano caminiujiunia, nooj, tariucuacaanu sequesaaquiaari pocua niriquianotej!

Lucas 7:39

Cuno Fariseo pueyano niquishacari naa cuno maaji miishanotej, noojiajinia niishiriojoriquiaari: “Jesu jaara seetanujuanaa Pueyaso sequenu panishano caminiujiunia quiri, mariqui niishiri cante na coyani, taamueca maajitijianojoni”.

Juan 9:17

Nocuaji tarijia quijia cariyojuaru nequesotaturohuariuhuaj: —Niquijia quia quishacari quiarijia, ¿taa quia sequeya Jesuni? ¿Maninia miijiatee? Nojuajaari saaja Fariseocuaca riucuaree: —Janiyara, nojuajaari Pueyaso sequesano caminiujiunia.

Lucas 7:16

Puetunu pueyajanaa jaara naa Jesu miishano niquiquiaari, jiyanohua pueretureeri. Nojoriiri Pueyaso shuquiritiaree jiyanohua. Na puerenuta sequetureeri: —¡Pueyaso sequenu panishano caminiujiuniaqui niya supueree pa tajinia! ¡Jiyanohua cumaacaraca! Nojoriiri naa sequetureejuhuaj: —¡Pueyasoori shusha quiarijia na saquiriojosano Israel pueya niishiriohuacuhuaj, na cumaquiniuria pajaniya!

Juan 7:40

Jesu jaara pohuatanu puecaquiaari, tii quiniaa pueyari tama pocoojoriquiaajaaja. Noojiaqueya nojorijinijinioori sequeree: —¡Nio pueyanoqui seetanujuanaa Pueyaso sequenu panishano caminiujiunia, nooj, tarijia sequesaaquiaari pocua niriquianotej!

Mateo 21:11

Jesuta tiuquiijionaari nojori riucuaree: —Nojuacuajaari Jesu, Pueyaso sequenu panishano caminiujiunia, Nazaret tiacajinijinio pueyano, Galilea jiyajinijinio.

Lucas 24:19

Jesuuri nojori nequesotaree: —¿Casaate tii miishaarucuaajaarani? Jesu sequereeri: —¡Nazaret tiacajinijinio Jesuuri mosaarucuaajaj! Nojuajaari Pueyaso sequesano caminiujiunia quiquianu. ¡Jiyanohua maninia quijiaari na cumaacata na miijiosano, na niishitiojosanojuhuaj! Pueyaso timitiasano quijiaari, puetunu pueya panishanojuanaanio.

Juan 4:29

—¡Miji pueyanaa, nia niquiquii pueyano! ¡Nojuajaari cua sequeree puetunu cua miishanojuanaa! ¿Majate Cristoni, tariucuacaanu Pueyaso sequesano pocua na jiyarosocoriquianotej?

Deuteronomio 18:15

“Pa Pueyasoori niquiriyatu pajaniyajinijinio mueratenutaniya na rupaa caminiujiuriquiano, niocua na tojirinioj.

Juan 4:18

Seetanujuanaari. Quiaari tari cinco niyacaaraca quiquiaari. Mariyata cuno, quiarijia quiata quiyani, majaari quia niyacajuhuaj.