Juan 3:10 - Arabela

¹⁰ Jesuuri na riucuaree: —¿Majateeri quia niishiniu cua sequesano quiajaniya? Quiaari Pueyaso Rupaa niishitiojonacuaja Israel pueyara.

Juan 3:10 Iomraidhean Croise

Mateo 11:25

Jiyacaritij, Jesuuri na Que Pueyaso sequequiaari: —Quia shuquiritiaanijia cua Quenaa. Quiaari jiya camarnu, jiyocuacaanu camarnunio. ¡Quiaari maninia! Quiaari niishiyashijiaca pueya maninia casaa niishitirii, niishijiaca pueyacuaji quia jamosanoni. Niishijiaca pueyari saaja tama nojori niishishanoocuajaaja tiuujiaca.

Mateo 15:14

Seetanujuanaa Pueyaso niishiyashijiaca nojori quishacari, nojoriiri juhua cariyojuaru quiya. Narta cariyojuaru jaatucuyari. Cariyojuaru jaara narta cariyojuaru jaatucure juucua, nojoriiri mariyata raama totenutaniya.

Mateo 22:29

Jesuuri nojori riucuaree: —¡Niaari jiyanohua jiyajeneya nia niishiyaquishacari Pueyaso Rupaajinia naajiotasano, Pueyaso cumaacanio!

Lucas 2:46

Jiuujianaraca juuca nuhuaji, nojoriiri socua Jesu riuriataquiaari Pueyaso Secojojua tiajinia, Moisés Rootasanojiniji niishitiojonaa pueya tajinia cajiyano. Nojori tojiriquiaari. Nojori nequesoreetariquiaajaariuhuaj.

Lucas 5:17

Tamonu juuca, Jesuuri pueya niquiara niishitiojoriquiaa. Na tojitianaa tajinia cajitiuriquiaajaariuhua Fariseocuaca, Moisés Rootasanojiniji niishitiojonaanio. Nojoriiri nijioquiaari puetunu Galilea jiya tiacajinijijianaa, Judea jiya tiacajiniji, Jerusalén tiacajinijinio. Jesuuri jiyanohua Pueyaso cumaaca jiitiariquiaa cusosuhua na naatanijionura.

Juan 3:9

Nicodemoori Jesu nequesotarohuacuhuaj: —¿Pueyanotucua taa quiarinio pueyanora jatanishaarejaarani?

Hechos 5:34

Jiyacaritij, tamonu pueyanoori narta camarucua tajiniji nujuaquiaari pocuanura. Na sesa quiquiaari Gamaliel, Fariseo pueyano. Nojuajaari Pueyaso tariucuacaanu rootasano niishijia quiquiaari cutara. Naajuhuaj, nojuajaari jiyanohua narta Israel pueya tojishano pueyano quiquiaari. Gamalielri Secojojua tia cojuanaa camarnu sequequiaari Jesu jiyaramiquishano pueya na tohuatanijionura rupaquijia.

Romanos 2:28

Pueyasocuajaari Judiocuaca saquiriojoquiaari na muerasu nojori quiniuria juucua. ¿Cante seetanujuanaa Judio pueyano Pueyasorani? ¿Na cararaatiuuquia co miatesano pueyanotee, Judio pueyacuajinio supueno pueyanotejuhuaj? Maja.

Deuteronomio 30:6

Naajuhuaj, juhuajaniya pueyaracaanu rishijiaca nia quiniuria, nojuajanaari sesoriquia nioojiaseque jataniriquiano. Nojuajaari naa miiriquiano niaacuajinio caneriquiano pueyajuhuaj. Nojuaja jaara naa miiri niajaniyatej, Pueyaso panijiaca nia quiriquia puetunu nioojiatajanaa, puetunu nia sohuanutajuhuaj.

Filipenses 3:3

Paa cutaraari seetanujuanaa Pueyaso pueyani, Pueyaso Sohuanu jiyatenuucua pajaniya Pueyaso tojijiaca pa quiniuria. Paari timiquiaajaaniuhuaj Jesucristo rupuesano pa quishacari. Taa pa cararaatiuuquia casaa quiyani, naajaa. Jesucristoocua pa tiuushacari, paari seetanujuanaa Pueyaso pueyani.

Colosenses 2:11

Cristo nia rupuesacari, niaari seetanujuanaa jatanishaaree maja sesa nia quiniuria socua. Majaari nareja nia cararaatiuuquia co miatesaanu quiquiaari, taa Judiocuaca miiquiaacuaani. Nojoriiri miatesaaquiaa nojori niishiniuria nojori cuaara quiiria saa Pueyasoraja, maja sesa miijia nojori quiniuria socua. Cuno, miatenuni, majaari pueyano na jataniniu sesa na miiniujiniji. Cristo cutaraari sesa nioojia jataquiaari, seetanujuanaa sesa nia quiniu jatasaanura puetunujuanaa.