Juan 2:21 - Arabela

²¹ Jesuuri tama na cuaqueyajaaja pohuatariquiaa, Pueyaso tia na sequesacari.

Juan 2:21 Iomraidhean Croise

Juan 1:14

“Pueyaso Rupaari” seetanujuanaa pueyanora jataquiaari mijiria na quiniuria. Nojuajaari Jesucristo. Canaata quiquiaariiri. Canaari na cumaacata na miijiosano niquiquiaarini. Jiyanohua maninia quiquiaariiri. Na Que Pueyasoori na cumaquijia jiyanohua maninia na miiniuria, Neyanuniyojua na quishacari. Nojuajaari saaja seetanu rupaajanaa sequeja Pueyasojiniji. Jiyanoojia quijiaari.

Juan 2:22

Naacuajitij, Jesu jaara samiitiaquiaariuhua, canaa na pueyari jiyacari shusha niishiquiaari naa Jesu sequesano miriquini. Naaratej, canaari tariucuacaanu Pueyaso Rupaajinia naajiotasanoocua tiuuquiaarini, Jesu sequesanoocuanio.

1 Corintios 3:16

¿Majateeri nia niishiniu pueyanaa? Niaacuajaari Pueyaso quiquio, juhua na tia. Na Sohuanuuri nioojiacajinia quijia.

1 Corintios 6:19

¿Majateeri nia niishiniu, nia cuaqueyari Pueyaso Sohuanu quiquio? Pueyasoori na Sohuanu jiyaroquiaari poojiajinia na quiniuria. Pueyasoori nia masequiaari tama nerajaaja nia quiniuria. ¡Jiyanohua naquiya na miiniutia nia masereeri Neyanu na motesacari pocuara! Naacuajitij, Pueyasoori quiarijia pa camarnu quiya. Naaratej, quiarijia maja pa quiniu tama pa cuaqueya camarujuaaja. Naaratej, pa shuquiritiri pa Pueyaso pa cuaqueyata, pa sohuanutajuhuaj. Nojuacuajaari pa cuaqueya camaru, pa sohuanu camarujuhuaj.

2 Corintios 6:16

Paa jaara Pueyaso quiquio quirini, ¿paateeri Pueyaso quiquiojinia shanacunutaniya samaruhua tiuquitianura tiini? ¡Maja! Paacuajaari pueyaracaanu Quijia Pueyaso quiquioni. Na pueyara na sequesanocuajaari naa naajiotasano quiya: “Janiyari nojorijinia quiriquianoni. Janiyari nojori tajinia rucuanejonutaniyani. Janiyari nojori Jiyaniijiajanaa quiniutianiyani. Nojoriiri cua pueya quiniutianiyacujua”.

Colosenses 1:19

Pueyasoori paniquiaari Neyanu Cristo jiitianura puetunu tama na cumaacajanaa, juhua nojuaja na quiniuriajuhuaj. Naacuajitij, Cristoori maja rimiajata quenaaja na quiniu na Quejiniji.

Colosenses 2:9

Nocuaji saaja Cristo nia tojiri. Tama Cristo cutarajaarijia puetunu Pueyaso cumaacajanaa jiitiaja, puetunu na niishitiajajanaanio.

Hebreos 8:2

Nojuajaari tii na Que secojoquiaa pocuara Pueyaso Quishaquijianaa. Cunoori Pueyasojuanaa shipinishano quiquio, maja pueyano tiasano.