Juan 17:5 - Arabela

⁵ Jiya shipiniyaquishacarijia, janiyari jiyanohua shuquiriaatia quijia quiquiaari quia shuriucuani, jiyaniijiajanaa cua quishacari. Cua Quenaa, naa quijiara cua jiyaterohua quiarijiani, quia shuriucua cua quiniuhuara.

Juan 17:5 Iomraidhean Croise

Mateo 25:34

Na nuhuaji, janiyari cua miaquetajara nujuatiuyano sequenutaniyani: “Miji, cua Que shuquiritiasano pueyanaa. Shusha jiya shipinishacari niaarano cua Que riuriotaca nia masere.

Juan 1:18

Majaari quenaaja tamonu pueyano niquiniu quijia Pueyaso. Neyanu, cante na Que shuriucua quijiacuajani, nojuajaari na Que pa niishitioquiaari.

Juan 10:30

Janiya cua Queta, canaari juhua niquiriyatuni.

Juan 14:9

Jesuuri Felipe riucuaree: —Felipenaa, janiyacuajaruhua pueyaracaanu niaata quiquiaa juucuani. ¿Majateeri juhuanojuaja quia niishiniu janiya? Cante cua niquiquiaani, cua Que niquiquiaajaariuhuaj. ¿Casaara quia sequeya cua niquitiniuria cua Que niajaniyarini?

Juan 17:1

Naa Jesu sequenu nuhuajitij, jiyocuacaanu na mausacari, naa na Que sequereeri: —Cua Quenaa, janiya nio juuca naquiya miishaanutaniyani taa quia sequequiaaricuajani. Cua tojiniuucua quiajaniya, quia Jiyarosano quia jiyatere pueya timitiasano cua quiniuria. Naacuajitij, janiyacua saniniuujia quia jiyatere pueya timitiasano quia quiniuriani, tojetaarucuajanaa maninia miijia quia quiniuucua.

Juan 17:24

’Cua Quenaa, cuno pueya quia niquitiosano janiyani, janiyari paniyani nojori quiniuria cuata quia shuriucua, nojori niquiniuria cua shacantuuca cumaaca. Quiaari cuno cumaaca cua niquitioquiaari pueyaracaanu quia paniniuucua janiya, jiya shipiniyaquishacarijia.

Juan 3:13

Janiyari jiyocuacaanu quijiani. Majaari quenaaja tamonu pueyano tacanu quiquiaari jiyocuacaanu, saaja tijinio roseno cutara. Nojuacuajaari janiya.

Juan 8:58

Jesuuri nojori riucuaree: —Janiya nia sequeya seetanujuanaani, Abraham raaquishacarijia, janiyari tari quijiani.

Filipenses 2:6

Nojuajaari naa miiquiaaritij: tariucuacaanu, nojuacuajaari Pueyaso quijiajuhuanajaj, juhua na Que. Naajaa, nojuajaari maja na cuaqueya na jiyatenu quiquiaari seetanujuanaa juhua na Que Pueyaso na quiniuria.

Hebreos 1:10

Pueyasoori naa sequequiaari Neyanujuhuaj: “Jiyaniijianaa, quiaacuajaari coteenujuanaa casaa shipinijia. Quiaari jiya shipiniquiaari, puetunu jiya cajiniocua niquishano casaajanaanio.

Hebreos 1:3

Neyanuuri tojetaarucuajanaa maninia, juhua na Quejuhuaj, juhua na Que niquishanojuhuaj. Naacuajitij, nojuajaari jiyanohua shacantuuca cumaacaracajuhuaj. Naacuajitij, nojuajaari puetunu na shipinijiosano casaajanaa rucuanetequiaa maninia, saa na rupaa cumaacataja. Nojuaja jaara cusoquiaari puetunu sesa pa miishanojuanaa na tuujunura, na nuhuaji, jiyocuacaanu tacaquiaariuhuari, na Que Pueyaso miaquetajara na cajiniuria Jiyaniijiajanaa quiquiojinia.

1 Pedro 1:20

Jiya shipiniyaquishacarijia, Jesucristoori tariucua pueya niti mosocoriquiano sequesaaquiaari, sesa miijiaca jiyanooshaanura. Saniniuujia quiari naataja, nojuajaari shusha mijiria muetaquiaari pocuara na mosaanura, taa Pueyaso miiniu paniquiaari pajaniyaracuajani.

1 Pedro 1:21

Naa Jesucristo miiniuucua pocuaratej, niaari Pueyasoocua tiuuquiaa. Pueyasocuajaari Neyanu samiitianiquiaariuhua. Na jiyatequiaariiri Jiyaniijiajanaa na quiniuria, shacantuuca cumaacaraca quijia na quiniuria. Naacuajitij, niaari quiarijia Pueyasoocua tiuya, na samiitianiniuria niajaniyajuhuaj. Naaratej, niaari juhuajaniya sashiya, shacantuuca quijiacara nia jatanishaanurajuhuaj.

1 Juan 1:2

Cuno pueyaracaanu Quijiani, nojuajaari pueyanora jataquiaari. Canaari na niquiquiaarini. Naaratej, canaari pueya pohuataquiaarini, nojuajaari seetanujuanaa pa Samiitianijia. Canaari quiarijia cuno pueyaracaanu Rishijiajiniji nia pohuataajaaniuhuaj. Coteenu na Queta quijia jiyocuacaanuuri. Na nuhuaji, canaacua muetaquiaariiri.

Apocalipsis 13:8

Naacuajitij, puetunu mijiria quijiaca pueyajanaari cuno puereeta niquishano Casaacuara jacamaturee na shuquiritianura nojuaja, nojori pueyaso na quiniuucua. Cuno pojoriiri maja Pueyaso saquiriojosano pueya. Naaratej, jiya shipinishaanujiniji, nojori sesacaari maja na naajiotasaanu quiquiaari Borrego Niquiojua jiitiasano naajioneejinia, cante pocuara mosaaquiaaricuajani. Pueyaso muerasu sesaca cutaraari cuno naajioneejinia naajiotasaaquiaari jiya shipinishaacarijiyojua, pueyaracaanu rishijiaca pa quiniuria.

Apocalipsis 3:21

Janiyari cua Paraca shocotaquiaarini cua Que tojijia cua quiniuucua. Naaratej, cua Queeri cua cajitiquiaari na shuriucua, Jiyaniijiajanaa cajitiujinia. Naajuhuaj, janiyari Sesaaca shocotajaca cajitijionutaniya cua shuriucuani, jiyaniijianucua nojori quiniuriajuhuaj.