Juan 15:1 - Arabela

¹ Jesuuri naa pohuataquiaari socua canaa niquiara: —Janiyari juhua uva jiyonani, cua Que natau.

Juan 15:1 Iomraidhean Croise

Mateo 15:13

Jesuuri canaa riucuaree: —Naajaa. Cuaara juaaquioora. Cuno pojoriiri juhua sesa jiyasocua, Sesaaca natasano cua Que cuhuariquiajinia. Nojoriiri juhua sesa jiyasocua jayotasaanutaniya.

Mateo 20:1

’Socua cua tojiri taa Pueyaso miiquiaa na pueyani. Nojuajaari na pueya miiquiaa taa tamonu cuhuariquia camaru miiquiaari na poonitijiosano pueyacuaani. Cuno cuhuariquia camaruuri quiaquiaari tariquiicuaji pueya na pajenura na uva cuhuariquiajinia nojori poonijionura.

Mateo 21:33

’Socua tamonu cua pohuatasano nia tojiri. Tamonu pueyanoori cuhuariquiajinia uva natooquiaari. Maninia matacoquiaari puetunu na shuriuquiocojuanaari maja casaa tiuquitianura nocua. Saajia quejaquiaarijiaariuhuaj uva rapijiojuara, na caaca reratesaanura. Jiyaconajara tiaquiaarijiaariuhuaj, cojuana niquijiara tiji nohuasejojuaacuaji. Na nuhuaji, na camaruuri tamasaca pueya niquitioquiaari na cuhuariquia, nera nojori cojuasocoriquiano. Na nuhuaji, na camaruuri tucuacaanu quiaquiaari pueyaracaanu camueenujunura.

Marcos 12:1

Jiyacaritij, Jesuuri miriqui pohuatanu coteequiaari cuno pojori niquiara. Cuno camarucua sequereeri: —Tamonu pueyanoori cuhuariquiajinia uva natooquiaari. Na nuhuaji, na shuriuquioco matacoreeri. Naajuhuaj, saajia quejaquiaariiri uva rapijiojuara, na caaca reratesaanura. Jiyaconajara tiareejaariuhuaj, tiji na cuhuariquia na cojuajara nohuasejojuaacuaji. ’Na nuhuaji, tamasaca poonijionaa pueya na niquitioreeri nojori cojuasocoriquiano nera. Naacuajitij, uva carojotasacari, nojoriiri nojuaja niquitionutaniya tijijiuhuaj, na camarujuanaa na quiniuucua. Na nuhuaji, nojuajaari tucuacaanu quiaquiaari, tii marijia na shocotejonura.

Lucas 13:6

Jesuuri na nuhuaji pueya niishitiojoquiaari nio miriqui pohuatasanota: —Tamonu pueyanoori higo naana jiitiaquiaari na uva cuhuariquiajinia. Tamacari, na camaruuri nocua quiaquiaari na niquiniuria. Na jajau mianu paniriquiaa juucuaari. Shaanoori quiriquiaa.

Juan 1:17

Pueyasoori supuetana Moisés naajiotequiaari na rootasano pajaniyara. Cunoori maja na cumaquiniu quiquiaari pajaniya. Quiarijia saniniuujia, pa panijia Pueyaso quiniuucua, nojuajaari Neyanujuanaa jiyaroquiaari pocua, pa jiyanooshaanura, naajuhuaj, seetanu rupaajanaa pa niishiniuria nojuajiniji.

Juan 1:9

“Pueyaso Rupaari” seetanu poojia cuhuatanajanaa. Nojuajaari Jesucristo. Jiyocua niquiaariiri puetunu pueyajanaa niishiniuria cante Pueyasoni.

Juan 15:2

Cua pueyari juhua cua cashacucua. Tamonu cua cashacucuajinijinio jaara muetuyashijia quiri, cua Queeri na piyotaja. Teyano cua cashacucuajinijiniote muetujua saniniunijia, cua Queeri na nacareetaja, socua queraatia na muetunura.

Juan 6:32

Jesuuri nojori riucuaree: —Seetanujuanaa nia sequeyanijia, cuno jiyocuacaanuji panni, cunoori maja Moisés tinishano quiquiaari. Majaari seetanujuanaa jiyocuacaanuji pan na quiniu quiquiaarijiuhuaj. Quiarijia cutara, cua Queeri niaacua jiyarorucuaa seetanujuanaa jiyocuacaanuji panjanaa cutara.

Juan 6:55

Cua shuuri seetanujuanaa miaquesano cutara. Naajuhuaj, cua nanacaari seetanujuanaa ratusano cutara. Cunoori maja juhua mijiria nia miaquesano.

Romanos 11:17

Supuetana Abrahamri juhua Pueyaso panishano olivo naana nujuaca. Saniniuujia, na jinianuucuajinio supueno Israel pueyari juhua na cashacucua. Cuno na cashacucuajinijinio jaara Jesucristoocua tiuyaquiquiaari, Pueyasoori na piyotaquiaari. Niajaniya saniniuujia taucuacanaa, niaari panishoo quiquiaari, juhua nacujiniaacoji olivo naana cama, maja natau. Naajaa, Jesucristoocua nia tiuushacari, Pueyasoori nia rupotaquiaari na panishano naanaacua nia moritianura. Naa Pueyaso panishano naanaacua nia moritiasacaritij, cuno naana nujuacaari nia nujuacajuhuaj. Naacuajitij, niaacuajaari puetunu Pueyaso sequesanojuanaa supuetana Abrahamra masequiaa tari.

1 Corintios 3:9

Canaari mariyata Pueyasora poonijionaani. Niaari juhua Pueyaso nataacuaca nera. Niaari na muerasu cutara, maja canaa muerasu. Naajuhuaj, Pueyasoori juhua nia tiaa saitia, na quiquiorano. Saitia tiasacari, sairi coteenu cumaatia niojoshiya na morijiuria, maja tia matanura.

1 Juan 2:8

Naajaa, nio rootasano quiarijia cua naajiosanoni, nioori seetanujuanaa juhua quiarinio niaara. Niaari tari na tojiquiaa, pueya panijiaca nia quishacari, taa Jesucristo quiquiaari pueya panijiacuaani mijiria na quishacari. Na rootasano nia tojishacari, niniquiaari tari quiamacuaa nioojiajiniji. Pueyasoori nioojiajinia cuhuataa nia panitioosacari quiarijia.