Juan 13:34 - Arabela

³⁴ Quiarijia nia niishitiriiria nio quiarinio rootasano. Nia tojiri. ¡Panitioojuaca nia quiri! Naatej, taa cua paniquiaacuaa niajaniyani, naa nia panitioorejuhuaj.

Juan 13:34 Iomraidhean Croise

Efesios 5:2

Puetunu nia miishanojuanaa nia miiri nia paniniutia, taa Jesucristo paniquiaari pajaniyacuaani. Jiyanohua na paniniuucua pajaniya, nojuajaari tama na cuaqueyajaaja tarinitiaquiaari pa niti na mosaanura. Naa na miiniuucuatej, nojuajaari Pueyaso shuquiritiquiaari jiyanohua. Na miishanoori juhua shanohua jaanutaja quiquiaari Pueyasora.

Leviitico 19:18

“Majaari quiarta pueyano naminiujiujia quia quiniu. Majaari quia juaaquiaca racatanu quiarta pueyanoocuara sesa na miiniuucua quiajaniya. Saniniuujia, quiarta pueyano panijia quia quiri taa quia paniquiaa tama quia cuaqueyajacuajani. Janiyari Camarnujuanaani.”

Juan 15:17

Janiyari cunora nia sequeyani: “Pueyaracaanu panitioojuaca nia quiri”.

1 Pedro 1:22

Seetanu rupaajanaa tojitiajaca nia quiniuucua, nioojiaari tari jeequejosaaquiaari, niarta Pueyaso pueya panijiaca nia quiniuria seetanujuanaa. Naaratej, seetanujuanaa panitioojuaca nia quiriquia puetunu nioojiatajanaa, maja sesa nia niishiriojonuta quenaaja.

Gálatas 6:2

Maninia cutaraari nia cumaquitioojonura niarta Pueyaso pueyata, niaa jaara taraatia miishaare. Naa pa cumaquishacari parta Pueyaso pueyatej, paari naa pa Jiyaniijia Cristo rootasano pajaniyarano tohuateenutaniyani.

1 Juan 3:23

Pueyaso sequesano pueraari nio: Neyanu Jesucristoocua pa tiuuniuria, pa panitioonurajuhuaj taa na sequequiaaricuajani.

1 Juan 4:21

Pueyasocuajaari naa pa rootaquiaari: “Cante cua panijiani, cuaara paniiria narta pueyajuhuaj”.

Santiago 2:8

Puetunu Pueyaso rootasanojinijijianaani, nioori socua tojishocoriquiano. Naa naajiotasano quiyari: “Pueya nia paniri taa nia paniya tama nia cuaqueyacuaani”. Pueyanaa, niaa jaara cuno rootasano miijia quiriquia, niaacuajaari maninia miijia.

1 Tesalonicenses 3:12

Pa Jiyaniijia cuaara nia jiyateera socua jiyanohua panitioojuaca nia quiniuria, tamasaca panijiaca nia quiniuriajuhuaj, taa canaa paniya niajaniyacuaani.

Romanos 12:10

Jiyanohua panitioojuaca nia quiri, taa nia paniquiaa nia tarajanucuaani. Niarta Pueyaso muerasu nia jiyatere juhua socua maninia pueya niajaniyajiniji. Majaari nojori nia rerequetenu.

2 Juan 1:5

Quiocuara naajiya quiarijianijia cua panishano cua rimiatucuanaa, cua sequenura quiajaniya: “Jiyanohua pa panitioore”. Majaari quiarinio rootasano nio, cua naajiosano quiocuarani. Nio rootasanocuajaari pa jiitiasano pueyaracaanu Jesucristojiniji.

Gálatas 6:10

Naacuajitij, jaara pa naata quiriquia, maninia pa miiriquia puetunu pueyajanaa. Saniya maninia cutaraari puetunu parta Pueyaso pueyajanaa pa miiniuria maninia.

1 Juan 3:11

Pueyanaa, shushajanaa Pueyaso rupaa nia tojishacari, niaacuajaari naa niishitiojosaaquiaaritij: “Panitioojuaca nia quiri”.

Hebreos 13:1

Majaari panitioonu nia tarinitianu. Naa Pueyaso pueya nia quiniuucuatej, pueyaracaanu panitioojuaca nia quiriquia.

2 Tesalonicenses 1:3

Cuarta Pueyaso pueyanaa, canaari jiyanohua nia timitiaani jiyanohua Pueyasoocua tiuujiaca nia quiniuucua socua, panitioojuaca nia quiniuucua socuajuhuaj. Cunora, canaa secojosacari Pueyaso, canaari pueyaracaanu na sequequiaani, “paacarasho”.

Gálatas 5:22

Saniniuujia, paa jaara Pueyaso Sohuanu shanacure poojiajinia na poonijionurani, nojuajaari parta pueya panijiara pa jiyateja. Poojia jiyateya shuquiriaatia quijiaraari. Poojia cajitijiajaariuhuaj. Jacaria pocuajara pa jiyateyajaariuhuaj, juhuajaniya sashijianio. Pueyaso Sohuanuuri maninia pueyanora pa jiyatequiaa, jiyanoojianio. Pa sequesano miijiara pa jiyatejajaariuhuaj, pueya tiuuniuria pocua.

2 Pedro 1:7

Naa Pueyaso panijiaca nia quishacaritij, jiyanohua nia saniniujiuriquia niarta Pueyaso pueya panijiaca nia quiniuria socua. Naa niarta Pueyaso pueya panijiaca nia quishacaritij, jiyanohua nia saniniujiuriquia tojetaarucuajanaa panijiaca nia quiniuria.

Gálatas 5:6

Quiarijiani, Jesucristo rupuesano pa quishacari nocua pa tiuuniuucua, paa jaara pa cararaatiuuquia co miatesano quirini, maja soj, naajaa. Cunoori najuhuanaj. Socua maninia cutaraari Jesuucua tiuuniu, Pueyaso panijiaca pa quiniuria, parta pueya pa paniniuriajuhuaj.

Juan 17:21

Cucua tiuuriquiano pueyacuara secojiyanijia puetunu cucua tiuuniaajanaa cuaara quiiria jatiqui, juhua rupuetootesano, taa pa quiyacuaani, cua Quenaa. Naatej, taa cua quiya quioojiajiniacuaani, quiaari saniniuujia coojiajinia quiyacujua. Nojori jiuujia cuaara juhua rupuetootesano quiiria poojiatajuhuaj, mijiria quiniaa pueya niishiniuria, quiaari cua jiyaroquiaari mijiria.

Mateo 5:44

Janiya cutaraari nia sequeyani, nia paraa nia paniri. Nia sesacaja pueya nia maniniuhuaqueetare pueya niquiara. Pueyano jaara niaacuara saquiriojotare na sapojonuta, nocuara nia secojore Pueyaso. Sesa nia miiniaacuara nia secojorejuhuaj.

Romanos 13:8

Pueyanaa, majaari najuhuana casami nia poonu, niaa jaara cumaneecaaju quiri. Saniniuujia pueyanaa, maja cutaraari niarta pueya paniniu nia puecanu. Pueyaracaanu nojori panijiaca nia quiri cutara. Naacuajitij, cante narta pueya panijiani, nojuajaari Moisés Rootasano tojijia cutara.

Romanos 13:10

Cante seetanujuanaa pueyano panijiani, nojuajaari maja sesa na miiniu narta pueyano. Naaratej, paa jaara panijia quiriquiani, paari puetunu Moisés Rootasano tojijia cutarani.