Juan 11:11 - Arabela

¹¹ Na nuhuaji, Jesuuri naa canaa sequeree socua: —Pa rupuena Lázaroori tari maquequee. Janiyari na niucuajanuucua quianutaniyani.

Juan 11:11 Iomraidhean Croise

Exodo 33:11

Pueyasoori Moisees rupueja quijia. Nata na pocoojosacari mariyataa catecaji jiriquiotoojuaari taa pa rupuena pueyanota pa pocoojoquiaacuaani. Naa na pocoojonu nuhuajitij, Moiseesri narta pueya suhuortucuajinia tacatejohua. Saniniuujia na jiyaraajia Josueeri pueyaracaanu quijia suhuortujiniaaco tee Moisees pocoojojua Pueyasotacuajani. Cuno mashajaari Nun jiyanishano niyanu quijia.

Daniel 12:2

Queraatia macunucuaari jiyacari samiitiaconutaniya na jamacajiniji; noojiaqueyari pueyaracaanu shuquiriaatia quiriquiano, tamasacaari saniniuujia pueyaracaanu puereeta saniitiosocoriquiano quiniutianiyacujua. Nojori caririquiniuuri pueetaaquiriquiano.

Mateo 27:52

¡Macunucua raacaari riatequequiaari! ¡Queraatia tariucuacaanu Pueyasoocua tiuuniaari samiitiacoquee na raacajinia!

Mateo 9:24

Jesuuri cuno pojori sequeree: —¡Niiquiji nia tohuareetare! Nio maaji samiriuuri maja macu. Nareja maqueyano. Pueyari Jesu saroojotaree saaja, naa na sequesacaritij.

Marcos 5:39

Jesu jaara tiajiniaaco tiuquiquiaari, cuno pojori sequereeri: —¿Casaara puera nia cojuatuneyani? ¿Casaara naa nia nujuqueyani? Maaji samiriu maja macu. Nareja maqueyano.

Juan 11:10

Paa jaara ninishiqui rucuanejore saniniunijia, paari tiuriijiani cuhuashiqui na quiyaquishacari. Jesuuri naa sequeriquiaa miriquitij, nera, maja puereeta na quiniu quiriquiaa Judiocuaca niquiara na rucuanejonura, na mosaanu juuca quiyaquishacarijia.

Juan 11:12

Canaari Jesu sequereeni: —Jiyaniijianaa, nojuaja jaara maqueya, maniniacuajaqui. Naacuajiti paari niishiyani naatanutaniuhuacuajaaqui. ¿Paatucua casaara najuhuana nocua quiaareni?

Juan 11:13

Naa Jesu pohuatasacari canaa Lázarojinijitij, canaa sequeriquiaa juucuaari Lázaro tari macu quiriquiaa. Canaari saniniuujia jiyaniriquiaani Jesu naasucuaari canaa pohuatariquiaa Lázaro nareja maqueriquiaa.

Juan 11:3

Lázaro matasacari cusosu, na rimiatuhuari pueyano jiyarotuquiaari Jesu numootenuucua. Naaratej, cuno pueyano tiuquishacari Jesuucua, nojuajaari naa caminiujiuquiaari Lázaro rimiatuhua sequesano nojuaja: —Jiyaniijianaa, quia panishano pueyanona cusosu mataa.

Juan 3:29

Pueyano rupuena jaara camiya necocuara, quiarijia cutara necocuaari seetanujuanaa saaja nerano. Naajaa, na rupuena quishacari na shuriucua, na timitiaari na tojishacari necota pocoojiyano shuquiriaatia. Naajuhuaj, janiyari cunora shuquiriaatia quiarijia quiyani pueya rupuesacari Jesucristo.

Hechos 7:60

Na nuhuaji, mojoquetareeri. Jiyanohua nacaquiaari na nuhuajiriaari: —¡Jiyaniijianaa, majaari nio pojori saniitionu naa nojori miiniuucua janiyatej! Naa na sequenu nuhuajitij, cusoqueeri.

1 Corintios 15:18

Cristo jaara macu quiriquiaja, tariucua shaajecono nocua tiuuniaa pueya maara taraatia quiriquiaj. Nojori maara taraatia shaajecanu puetunurajanaa, maja quenaaja nojori samiitiaconuhuara.

1 Corintios 15:34

Niishiriojojuara nia quiri. Sesa nia miiniu nia cartere. Noojiaqueya niajaniyajinijinioori Pueyaso niishiyashijiaca quiyajaa. Naa nia sequereenijia pueyanaa, quenaaja nia caririquiniuria.

1 Corintios 15:51

Naajaa, cua tojitiare. Nia pohuatareera pueya niishishoo. Majaari puetunu pajaniyajanaa cusonuuriquianoni. Puetunu pa cuaqueyajanaa cutaraari jatanishaanutaniyani, maninia cuaqueya pa jiitianura, juhua Jesucristo cuaqueyajuhuaj.

Efesios 5:14

Pueyaso Rupaacuajaari nojori jiuujia cuhuataquiaa na cumaacata, cuhuashiqui quijiacara nojori na jataniniuria. Cunora, naa naajiotasano quiyari tariucuacaanu Pueyaso Rupaajinia: “¡Maqueyanonaa, quia niucuare! ¡Macunucua tajiniji quia sanere, Pueyaso Jiyarosano cuhuatanura quiajaniya!”

1 Tesalonicenses 5:10

Neyanucuajaari pocuara cusoquiaari, nata rishijiaca pa quiniuria pueyaracaanu. Naacuajitij, naajaa, paa jaara cusoyareni, paa jaara saminio quiyajuhuaj, pa Jiyaniijia tiuquishacariuhua, puetunu nocua tiuujiacajanaari pueyaracaanu saminio quiniutianiya nata.

Santiago 2:23

Naa Abraham miiniuucuatej, nojuajaari tariucuacaanu Pueyaso rupaajinia nojuajiniji naajiotasano tohuateequiaari. Naa sequeyari: “Abrahamri Pueyasoocua tiuuquiaari. Naa na tiuuniuucua Pueyasoocuatej, Pueyasoori na jiyatequiaari juhua tojetaarucuajanaa sesa miyashijia na quiniuria”. Naa Abraham quiniuucua Pueyaso tojijiatej, nojuajaari sequesaaquiaari Pueyaso rupuenata.