Juan 1:1 - Arabela

¹ Paari Jesucristojiniji niishiyani taamuecateja na Que Pueyasoni. Naaratej, Jesucristoori sesojosaaquiaari “Pueyaso Rupaa”. Nojuajaari tari pueyaracaanu quijia, jiya quiyaquishacarijia. Na Que Pueyasota quijiaari. Pueyaso quijiajaariuhuaj.

Juan 1:1 Iomraidhean Croise

Geenesis 1:1

Shushajanaa mijiria casaa coteesacari, Pueyasoori jiya cajiniocua cortaniquiaari jiyajaajanio.

Mateo 1:23

“Nia tojiri. Niyacoori manajenutaniya. Neyanu ranutaniyari. Na sesojonutaniyari ‘Emanuel’”. Nioori pueyano rupaajinia sequeya “Pueyaso pata quiyani”.

Lucas 24:53

Nojoriiri pueyaracaanu quijia Pueyaso Secojojua tiajinia. Tii Pueyaso maniniuhuaqueetatujua pueyaracaanuuri. Tariucuaja.

Juan 1:14

“Pueyaso Rupaari” seetanujuanaa pueyanora jataquiaari mijiria na quiniuria. Nojuajaari Jesucristo. Canaata quiquiaariiri. Canaari na cumaacata na miijiosano niquiquiaarini. Jiyanohua maninia quiquiaariiri. Na Que Pueyasoori na cumaquijia jiyanohua maninia na miiniuria, Neyanuniyojua na quishacari. Nojuajaari saaja seetanu rupaajanaa sequeja Pueyasojiniji. Jiyanoojia quijiaari.

Juan 1:18

Majaari quenaaja tamonu pueyano niquiniu quijia Pueyaso. Neyanu, cante na Que shuriucua quijiacuajani, nojuajaari na Que pa niishitioquiaari.

Juan 1:2

Jiya coteesacari, nojuajaari na Que Pueyasota quiriquiaa.

Juan 16:28

Niaacuajaari niishiya, janiyari cua Que shuriucuaji niquiaarini pueyanora cua quiniuria mijiria. Quiarijia saniniuujia, janiyari nio jiya tiujianutaniyani, cua Queecua cua quianuhuara.

Juan 17:5

Jiya shipiniyaquishacarijia, janiyari jiyanohua shuquiriaatia quijia quiquiaari quia shuriucuani, jiyaniijiajanaa cua quishacari. Cua Quenaa, naa quijiara cua jiyaterohua quiarijiani, quia shuriucua cua quiniuhuara.

Juan 20:28

Tomásri jiyacari Jesu sequeree: —¡Cua Jiyaniijianaa! ¡Cua Pueyasonaa!

Juan 8:58

Jesuuri nojori riucuaree: —Janiya nia sequeya seetanujuanaani, Abraham raaquishacarijia, janiyari tari quijiani.

Romanos 9:5

Israel pueya supuetanaari quiquiaari Abraham, Isaac, Jacobonio. Pa Jiyaniijia Cristoori cuno pojori niquiohuacuajinio supuequiaari. Nojuajaari tari jiyatesaaquiaari Jiyaniijiajanaa na quiniuria, puetunu casamijianaa jiitiana na quiniuriajuhuaj. Nojuajaari Pueyasojuhuanajaj, juhua na Quejuhuaj. ¡Nojuaja cuaara pueyaracaanu maniniuhuaqueetasano quiiria! ¡Cuaara naa quiiria pueyaracaanutej!

Efesios 3:9

Tariucuacaanu, Pueyasoori puetunu casaajanaa shipiniquiaari. Na shipiniyaquishacarijia, Pueyasoori tari niishiriojoquiaari casaa na miiniutianiya puetunu pajaniyarajanaani. Naajaa, tariucuacaanu, majaari na niishitiniu quiquiaari pueya. Nio pa quishacari saniniuujia, nojuajaari cua seerataquiaari puetunu pueyajanaa cua niishitiniuria jiyasohuaja na miiniu panishano.

Filipenses 2:6

Nojuajaari naa miiquiaaritij: tariucuacaanu, nojuacuajaari Pueyaso quijiajuhuanajaj, juhua na Que. Naajaa, nojuajaari maja na cuaqueya na jiyatenu quiquiaari seetanujuanaa juhua na Que Pueyaso na quiniuria.

Colosenses 1:15

Pueyasoori maja niquishano quijia. Cristo cutaraari niquishano. Nojuajaari mariyata juhua na Que Pueyaso. Nojuaja cutaraari coteenujuanaa quiquiaari Pueyaso shipiniyaquishacarijia puetunu casaajanaa.

Colosenses 1:17

Puetunu shipinishano casaajanaa jaara shipinishoojua quiquiaari, Cristo cutaraari tari quiquiaari. Nojuajaari puetunu na shipinishanojuanaa cojuaa, maninia na quiniuria.

1 Timoteo 3:16

Seetanujuanaa nocuaji jiuujiatesanoori Pueyaso niishitishano Jesucristojiniji pajaniya. Paari nio sequesanoocua tiuujiacani: Pueyaso Niyanuuri pueyanora jataquiaari, na rupuenura pajaniya. Pueyaso Sohuanuuri pa niishitiquiaari, nojuajaari tojetaarucuajanaa sesa miyashijia. Naajuhuaj, Pueyaso seyacuajaari Jesu niquiquiaari na samiitiasacariuhua. Nojuajinijiiri pohuatasaaquiaari Judiocuaca niquiara, taucuaca niquiarajuhuaj. Pueyapueeri nocua tiuuquiaari. Na Queeri na tacaniquiaariuhua Jiyaniijiajanaa na quiniuria.

Tito 2:13

Naa Pueyaso jiyanooshacari pajaniya na muerasu pa quiniuriatej, cunora paari na sequesanoocua tiuuquiaajuhuaj. Nojuacuajaari pa sequequiaari pa Pueyaso Cristoori pocua muetanutaniuhua, shacantuuca na cumaacajinia. Naacuajitij, paari shuquiriaatia sashiya pa Jiyanoni.

Hebreos 13:8

Taa quijia Jesucristo quiquiaari tariucuacaanuni, nojuajaari naa quiyajaa. Naa quiniutianiya pueyaracaanuuri. Majaari na jatanu.

Hebreos 7:3

Majaari tojetaarucuajanaa na niishishaanu, ¿queraca quiquiaaritii, nucuaracajuhuaj, supuetanaaracanio? Majaari quenaaja na pohuatasaanujuhua na rasaanujiniji, na shaajenujinijinio. Naacuajitij, pajaniyara, Melquisedecri juhua pueyaracaanu quijiajuhuanajaj. Majaari na niishishaanujuhuaj, tamonute na niti jiyatesaaquiaari pueyacuara secojona na quiniuria. Maja. Naacuajitij, nojuajaari juhua Pueyaso Niyanu, pueyacuara secojona na quiniuria pueyaracaanura.

2 Pedro 1:1

Janiyari Simón Pedroni, Jesucristo seru, na jiyaramiquishanojuhuaj. Janiyari cunora niaacuara naajiyani. Pa Que Pueyasoori nia tiuutiquiaari pocuaji Tacuna Jesucristoocua, taa nocua canaa tiuuquiaaricuaani. Nocua nia tiuuniuni, cunoori jiyanohua panishano. Naacuajitij, Pueyasoori nia jiyanooquiaa juhua sesa miyashijiaca nia quiniuria na niquiara, taa canaa quiyacuaani.

1 Juan 5:20

Paari niishiyajuhuaj Pueyaso Niyanuuri mijiria pocua niquiaari. Nojuajaari na niishitiaja niquitioquiaari pajaniya, maninia pa niishiniuria na Que, na Que quiniuria pa Quejuhuaj. Nojuajaari Pueyasojuanaa cutara. Paari nata quiya jatiquini, Neyanu Jesucristota pa rupuetoosacari. Nojuajaari Pueyasojuhuanajaj, pa Samiitianijiajaariuhuaj, pueyaracaanu rishijiaca pa quiniuria.

1 Juan 5:7

Jiuujianaraca jiyocuacaanu quijiacaari pa niishitiya Jesucristoori mijiria niquiaari pueyano na quiniuria seetanujuanaa. Cuno pojoriiri nio: Pueyasojuanaa, na Rupaa, na Sohuanunio. Nio jiuujianaraca quijiacani, nojoriiri Pueyasojuhuanajaj.

Apocalipsis 1:11

Cua sequeriquiaari: —Casaa cua niquitiniutianiya quiajaniyani, cuno quia naajiotare nequesoreetuneerano. Quiocua na nuhuaji na jiyarore Asia jiyajinia nio siete cua saquiriojosano pueya maapueecua. Nojoriiri Éfeso tiacajinia quiniaa, Esmirna tiacajinia, Pérgamo tiacajinia, Tiyatira tiacajinia, Sardis tiacajinia, Filadelfia tiacajinia, Laodicea tiacajinianio.

Apocalipsis 1:17

Cua niquishacari nojuaja, janiyari cua puerenuta na pajama pojiyaree juhua macuni. Nojuajaari saaja na miaquetaja niaree cucua. Cua sequereeri: —Maja puerenu. Janiyacuaja Jesuni. Janiyari puetunu casaajanaa coteetejani, na shaajariquianojuhuaj.

Apocalipsis 1:2

Janiyari puetunu na niquitishanojuanaa caminiujiya niajaniya seetanujuanaani. Niocuajaari seetanujuanaa Pueyaso rupaa, Jesucristojiniji cua caminiujiushano niaara.

Apocalipsis 1:8

Pa Jiyaniijia Pueyasoori tama nojuajinijijiaaja sequeya: “Janiyacuajaari puetunu casaajanaa coteetanani, na shaajariquianojuhuaj. Puetunu cumaacaracajanaanijia. Janiyacuajaari pueyaracaanu quijiani. Majaari cua supuenu quiquiaari. Janiyari niaacua tiuquiriquianohuani”.

Apocalipsis 19:13

Na toqueeri nanacatuque quiriquiaa. Nojuajaari tariucuacaanu nio sesaraca quijiacuaja, “Pueyaso Rupaa”.

Apocalipsis 2:8

Jiyaniijia Jesucristoori naa cua sequereejuhuaj: —Esmirna tiacajinia quijia cua seruucuara quia naajiore, Pueyaso pueya maanu jiitianani. Naa quia sequere nojuaja: “Naa sequeyari cante puetunu casaajanaa coteetenacuajani, na tucuatajanio. Nojuacuajaari cusoquiaari, na nuhuaji samiitiaquiaariuhuari. Janiyacuajaari nojuajani.

Apocalipsis 21:6

Cua sequerohuariuhuaj: —Cua sequesano cua miishocoriquianoni, janiyari tari na tucuataree miiniuni. Janiyari quijiajuhuanani. Janiyari pueyaracaanu quiriquianojuhuaj. Janiyari puetunu casaajanaa coretanijiani, na shaajajajuhuaj. Cante jiyamueyani, janiyari pueyaracaanu pacartaja samo nacajiniji na raatenutaniyani, na naatanuhuara. Cuno samiitianijia mohuacani, cunoori cua Sohuanucuaja. Janiyari nareja na niquitioquiaani. Majaari na sami cua masenu quiquiaa na ratuna.

Apocalipsis 22:13

Pueyaso Rupaa cua quiniuucua, janiyari puetunu Pueyaso sequenu panishanojuanaa caminiujiuniani. Janiyari quijiajuhuanani. Majaari cua supuenu quiquiaari. Janiyari puetunu casaajanaa coretanijiani, na shaajariquianojuhuaj.

Apocalipsis 3:14

Jiyaniijia Jesucristoori socua naa cua sequeree: —Laodicea tiacajinia quijia cua seruucuara quia naajiorejuhuaj, Pueyaso pueya maanu jiitianani. Naa quia sequere nojuaja: “Cua tojiri. Naa sequeyari noo pueyano cana sequesanote seetanu rupaajanaacuajani. Puetunu na caminiujiushanojuanaa Pueyasojiniji quiarani, cunoori seetanujuanaa. Pueyasoori na shipinitiquiaari puetunu na shipinishano casaajanaa. Cunocuajaari janiya. Cunora, cua tojiri.