Exodo 3:2 - Arabela

² Tii cuno tuhuananu pajama Moisees quishacari, Pueyasoori taamiya nocua muetaquiaari mani noshiyanojinia. Naa quiquiaariiri: Cuno jiyajinia morijia jocoma teecojua jiohuacacaraca jiyasocuaari noshiriquiaa. Moiseesri jiyacari na niquirii noshiyano. Majaari quenaaja na catenu quiriquiaa. Juhua juhuanojuaari nujuatariquiaa.

Exodo 3:2 Iomraidhean Croise

Marcos 12:26

Niaa macunucua samiitianijionujiniji nequesoreetaate. ¿Majateeri nia serojonu quiquiaacuaja supuetana Moisés naajioneejinia, taa Pueyaso sequequiaari Moiséscuaja nequeru casaja noshiyanojinijini? Pueyasoori naa sequequiaari Moisés: “Janiyari quia supuetana Abraham Jiyaniijiani, quia supuetana Isaac Jiyaniijiajuhuaj, quia supuetana Jacobo Jiyaniijianio”.

Lucas 20:37

Supuetana Moiséscuajaari pa niishitiquiaari, macunucuaari samiitianijiosaanutaniuhua. Moisésri naa naajiotaquiaari Pueyaso sequesano nojuaja nequeru casaja noshiyanojinijitij. Pueyasoori naa sequequiaari Moisés: “Janiyari quia supuetana Abraham Jiyaniijiani, quia supuetana Isaac Jiyaniijianio, quia supuetana Jacobo Jiyaniijiajuhuaj”.

Exodo 3:16

Quia quiaare Moiseesnaa. Quiaa jaara tiuquishii, quiocua puetunu Israelcuajinio caneno pueya jiyaniijianucua rerejotesee. Quiaari naa nojori sequereequij. “Camarnujuanaaniqui, nia supuetanaa Pueyasoni, nojuajaari Abraham Pueyaso, Isaac, Jacob Pueyasonio. Nojuajaari cucua muetarucuani. Cucua na muetasacari, Pueyasojuanaari naa cua sequerucuaani: ‘Cua pueya niquiquiaanijia. Janiyajanaari Egipto jiyajinia naquiya cua pueya miitiasaanu niquiquiaani.’

Daniel 3:27

Cuno jiyacajinijinio tii quianaa jiyaniijianucuaari mashiquioriicua cateconuquiaari nojori shootianura catecaji. Mashiquiori cuaqueyari maja quenaaja na tequenu quirii. Nojori muecacaari maja quenaaja mayojua naata na jaanunu quiriquiaajuhuaj. Nojori toqueyari na quiniutia quiriquiaajaa, maja quenaaja rerequetuqueya. Cuno mashiquioriiri tojetaarucuajanaa maja quenaaja mani naata na jaanunu quiriquiaa.

Geenesis 48:16

naajuhuaj teyano Pueyasotucuaja cua cojuaquiaa puetunu sesa casaacuajijanaani, cuno Pueyasojua cuaara maninia miiria nio caya samijioori. Cucuajinio caneno pueya nojori quiniuucua, cua sesa cuaara pueyaracaanu jiyaniquishaaria cua seera, cua shipininio Abraham seera, cua que Isaac seerajuhuaj maja canaa sesaca rerequetesaanura. Nojori cuaara muetuura jiyanohua queraatiara. Cuaara caneera jiyanohua queraatia nojori quiniuria mijiria.

Romanos 8:3

Moisés Rootasano pa tojishacari juucua, majaari pa naata quiniu jiyanooshano. Cunoori saaja sesa miijiaca pa quiniuucua. Naaratej, Pueyasoori Neyanujuanaa jiyaroquiaari mijiria, pueyano na quiniuria juhua pajaniya, pa niti na mosaanura. Naacuajitij, Jesucristo jiitiasacari juhua pa cuaqueyajuhuaj, Pueyasoori juhua sesa miijiara na jiyatequiaari, pa niti na saniitiosocoriquiano.

Juan 1:14

“Pueyaso Rupaari” seetanujuanaa pueyanora jataquiaari mijiria na quiniuria. Nojuajaari Jesucristo. Canaata quiquiaariiri. Canaari na cumaacata na miijiosano niquiquiaarini. Jiyanohua maninia quiquiaariiri. Na Que Pueyasoori na cumaquijia jiyanohua maninia na miiniuria, Neyanuniyojua na quishacari. Nojuajaari saaja seetanu rupaajanaa sequeja Pueyasojiniji. Jiyanoojia quijiaari.

2 Tesalonicenses 1:7

Niajaniya saniniuujia, naquiya miijiosaaquiaarini, niaari canaata samaraatasaanutaniyajuhuaj, Jesucristo tiuquishacariuhua pocua. Jiyacaritij, nojuajaari niquishaanutaniya mani rimianuqueyano tiuquitiohuano, jiyanohua cumaacaraca na seyata jiyocuacaanuji.

Exodo 24:17

Sinaii tuhuananu quiajaacuani, Pueyaso shacanatuuca cumaacaari jiyanohua rimianacuree puetunu cuno Israelcuajinio caneno pueyapue niquiarajanaa. Juhua puereeta mani noshiyano niquishaariquiaari. Jiyanohua puereeta.