Exodo 2:3 - Arabela

³ Majaari socua na naata na jamonu quiquiaari. Na nucuaari nocuaji jeenucuaquiaari tucuaco canaasatu juhua teeco. Cuno canaasatuuri papiro jiyanishano jiyasocuajiniji shitiasano quiriquiase. Mueya nucuaari cuno canaasatu jiniacuma roshiquioquiaari maninia, maja mohuaca shiitianura mii. Naa na rupanacunu nuhuaji puetunujuanaatej, na nucuaari na mueya niaquiaari mii. Na nuhuaji Nilo jiyanishano moojinia nahua tajinia mueya niataquiaari moo casaqueejiiri.

Exodo 2:3 Iomraidhean Croise

Geenesis 11:3

Jiyacaritij, tama nojorijaarijia naa sequetooquiaaritij: —Mara saariatuu pa majeetejore pa quiquiorano pa tiojotajara.— Naacuatej cuno pueyari nojori majeetejosano saariatuuta tiojoquiaari. Majaari na tiojotunu quiquiaari saitia. Pueya jiitiaaquiniuucua rupueeca casaa, naacuatej nojoriiri roshi tuujutaja na majeetejotusano saariatuu na rupojotujuara. Cuno roshiiri na cajitiajajiniji taquirioosano quijia.

Geenesis 6:14

Naacuatej pajaajinia quia cuatajara quiocuaji quia jeecare puereetuuca bote. Quiocua naana pishujiuneecata maninia na miirinioj. Quiocua mii matacojore sohuacacara. Quiocua maninia mishiquiojore roshitia na soteyacaca, na jiniacumaji na nijinijinio maja mohuacatuhuana na quiniuria.

Exodo 1:22

Camarnu Faraoonjanaa saniniuujia, nojuajaari naa tama narta taucuacajaaja sequequiaari naatej: “Israelcuajinio caneno pueya niquiohuajinijinioni, puetunu shusha roosano canuujuanaa nia quejoore moojinia. Majaari maaji quejootunu cutara. Niocua na jiyanoorinioj.”

Mateo 2:13

Niishijiaca jaara quiaquiaariuhua, Pueyaso seruuri Joseecua muetaquiaari na maquenujinia. José sequereeri: —¡Quia sanere! ¡Conaaja quia mashitiare na nucuata Egipto jiyajiniara! Quiniqui nia quishii, janiya cuaara sequerohua quiajaniyajaatijia. Herodesri Belén tiacajinia na pueya pajetenutaniya conaaja, na motesocoriquiano.

Mateo 2:16

Jiyaniijia Herodes jaara niishiquiaari cuno niishijiacaari na ruuretaquiaari saaja, Herodesri jiyanohua juaaquiaari. Na pueya jiyaroquiaari puetunu naatujoori canuuniyojuajanaa nojori puecoonura Belén tiacajinia, na shocuaqueya tiacajinia quiniaa muerasunio. Naa miiquiaariiri Jesu na monura juucua. Herodesri na pueya sequequiaari cuaara puecoosaaria puetunu shusha roosanojuanaa, mariyata canapuete caapiqui marijia shocoteo quiquiaarijiani. Herodesri naa sequequiaari niishijiaca pohuatanuucua nojuaja, Jesu rijiaari tarijia niquishaaquiaari. Juhuanojuajaari maja caapiqui marijia shocojonu quiquiaari rijia niquishaanujiniji.

Hechos 7:19

Cuno jiyaniijiaari taraatia miiquiaari shusha roosano pa supuetanaa niquiohua. Pa supuetanaa sequequiaariiri shusha roosano cuaara quejoosaaria moojinia. Pa supuetanaari taraatia miiquioquiaari naacuatej.