Daniel 2:3 - Arabela

³ Jiyacari naa nojori sequereeri: —Puereeta maquiyojorucuaanijia. Janiyari naacua jiyanohua tacayani. Jiyanohua jiaatiaa cua maquiyojosano niishiniu paniniuucuanijia casaama cua torenoj.

Daniel 2:3 Iomraidhean Croise

Geenesis 40:8

Nojoriiri naa Josee riucuareequij: —Canaari niucua maquiyojoreeni. Majaari quenaaja niquiriyatu pueyano quiniu canaara na pohuatanura canaa maquiyojosanojiniji. Joseeri saniniuujia naa cuno pojori riucuareequij: —¿Majateeri nio nia niishiniu? Pueyasojuanaacuajaari na naata niaara pohuataniniu maatia nia maquiyojosanojiniji. Quiarijiaja ritia cua pohuatature nia maquiyojosano.

Geenesis 41:15

Camarnu Faraoon jaara Josee niquiquiaari, naa na maqueyojosano na pohuataquiaariiri: —Janiyari naa maquiyojorucuaani, Joseenaa. Majaari quenaaja niquiriyatu pueyano na naata quiria pohuatanu, casaa cua maquiyojosano niishitiniu paniya janiyani. Janiya quiocuara tosaareeni. Quiaa cutarana maatia pohuatanu niishijia maquenujinia niquishano.

Geenesis 41:8

Jaara juhuaquequiaari, camarnu Faraoonri naa na maquiyojonuucua tacaaquiaari. Naacuatej camarnu Faraoonri puetunu Egipto jiyajinijinio shimiacuri, niishijiaca pueyajaajanio numootequiaari nocua nojori nijionura. Jaara nocua tiuquiijioquiaari, Faraoonri nojori niquiara pohuataquiaari na maquiyojosano. Cuno shimiacuri, niishijiaca pueyajaajanio, majaari quenaaja niquiriyatu nojorijinijinio na naata pohuatanu quiquiaari casaa na maquiyojosano niishitiniu paniriquiaa nojuajani.

Daniel 2:1

Querajaa marijia jaara tari shocojoriquiaa camarnu Nabucodonosor quishacari Babilonia jiyajinia, jiyacaritij nojuajaari puereeta maquiyojoquiaari. Jiyanohua tacaatiaree na maquiyojosanoori. Naacuatej, majaari niucuaqueya na maquenu quijia.

Daniel 4:5

Saniniuujia tamonu niucua cua maquesacari, janiya puereeta maquiyojocanuni. Naa cua maquiyojosano cua niishiriojonuucuatej, janiyari jiyanohua puerereeni.