Apocalipsis 7:1 - Arabela

¹ Naa cua niquiniu nuhuajitij, janiyari socua cuatro Pueyaso seya niquirii nio jiya shocua nujuatiuyano tuhuaquini, pananu muetasamaji, na tiuquishocora, na muetasamaji na muenecara, na miaquetajaranio. Nojoriiri na nujuatusaquiji paratu tenujuriquiaa maja na piyarojonura jiya, shoniniacu caminia, nacuhuanio.

Apocalipsis 7:1 Iomraidhean Croise

Daniel 11:4

Puetunu jiyacajinia na jiitiasano pueya jaara tari quiya na tojitiajaca, jiyacaritij nojuajaari na jiitiasano jiyaca jaariutiasaanutaniya. Na jiitiasano pueyari cuatro maanura raquirijitiariquiano. Naa cumaacaraca cuno Grecia jiya camarnu quiniuucuatej, naajaa necohuari maja na shanacusaanu quiniutianiya nojori quiniuria na que niti. Tamasaca cutaraari camarucuara jiyatesaariquiano saa na nitijia. Naacuatej, na jiitiasano jiyacaari maja tari cumaaca na jiitianu quiniutianiya juhua coteenujua. Naa raquirijitiano cuno camarnu jiyaca quiniuucuatej, tamasaca camarucuaari na jiitiariquiano na niti saniniuujia.

Mateo 24:31

Janiyari jiyocuacaanuji cua seyata tiuquiniutianiuhuani, cua jiyaramiquiniuria nojori puetunu cua saquiriojosano pueyacuajanaa. Nojori tojitiasacari trompeta jonenenu jiyanohua, nojoriiri cua saquiriojosano pueya rerejotenutaniya cucua, puetunu nio jiyajinijijianaa.

Marcos 13:27

Jiyacaritij, janiyari cua seya jiyaramiquiniutianiyani nojori rerejotenura puetunu cua saquiriojosano pueyajanaa. Nojoriiri puetunu nio jiyajinijiniojuanaa rerejotesaanutaniya, socua jiyanohua tucuacaanu jiya cajiniocua puequeetujinijinio.

Apocalipsis 20:8

Nojuaja jaara tohuatesaare, quianutaniyari puetunu jiyacajinia quijiaca pueyajanaa na sapojonura, Gog pueya, Magog pueyanio. Nojori na sapojonuta, nojuajaari puetunu jiyaca jiyaniijianucuajanaa rerejotenutaniya, puetunu nojori soldadohuatajanaa, nojori miaquetoojonura pa Jiyaniijiata, puetunu na pueyatajanaanio. Nojori soldadohuari jiyanohua queraatia pueya quiniutianiya, juhua shoniniacu caminia shuriuquioco paajia jaaquia. Majaari na naata serojosaanu.

Apocalipsis 6:6

Jiyacaritij, janiyari cuno cuatro saminio casaa tajiniji rupaa tojirii naa sequeyanoni: —Niquiriyatu juuca poonijionu sami, cuaara niquitiosaaria saaja niquiriyatu kilo trigo jajau. Jaara trigo jajau paniyaquiri, cuaara niquitiosaaria tres kilo cebada jajau. Saniniuujia, majaari shiyocua shanacujunu cutara, vinonio. Cunocuajaari queraatia quiniutianiya cutara.

Apocalipsis 7:3

—¡Cuaara! ¡Maja juhuanojuaja jiya nia sesonu, shoniniacu caminia, nacuhuanio, canaa niojiyaquishacarijia Pueyaso sesa, na pueya jiniji, na niishishaanura nojoriiri Pueyaso pueya!

Apocalipsis 8:7

Jiyacaritij, niquiriyatu cuno Pueyaso serujinijinioori na trompeta jonenenu coteeree. Jiyacaritij, miacanajaa shiniitiujiaacaari, mariyata mani cojitishano nanacata jiyocua jartasaaree. Jiyari quera na cajiniocua cateree, puetunu na nacuhuatajanaa, na jiyasocuatanio.

Apocalipsis 9:14

Cua tojishano rupaani, noo sexto Pueyaso seru sequereeri, na trompeta cacariquiaani: —Cuno cuatro Sesaaca seya quia saacarojore, puereetuuca Eufrates moo shuriucua morojosano quiyani.

Apocalipsis 9:4

Sequeruuri rootasaaree maja nojori miaquenura jiyasocua, nacuhua jaamasujuhuaj, puetunu moritiajaca jaamasunio. Sequeru cutaraari jiyaramiquishaare puetunu pueyapuejanaa na sojonura, canapuete na jiniji jirioyaquishoo quiriquiaa Pueyaso sesatacuajani.