Apocalipsis 2:1 - Arabela

¹ Juhuacatecara naa cua sequereeri: —Éfeso tiacajinia quijia cua seruucuara quia naajiore, Pueyaso pueya maanu jiitianani. Naa quia sequere nojuaja: “Nojuaja, cante siete riya cacaa na miaquetajatacuajani, cante siete samaritiu nujuatacojua tajinia rucuanejojuacuajani, nojuajaari naa quia sequeya:

Apocalipsis 2:1 Iomraidhean Croise

Mateo 18:20

Querajaa niajaniyajinijinio jaara rerejore, cucua tiuujiaca nia quishacari, janiyari tii niaata quiyajaaniuhuaj. Naacuajitij, cua Queeri nia secojosano tojiniutianiya cutara.

Mateo 28:20

Nojori nia niishitiojore puetunu cua rootasanojuanaa niajaniya, nojori tojishocoriquiano. Nia niishiri nio: ¡janiyacuajaari niaata quiniutianiya pueyaracaanuni, jiya cuaara puequerejaatijia!

Juan 5:35

Nojuajaari juhua samaritiu noshitishano nia tajinia na quishacari. Niaari rupaquijia na timitiacanu, juhua na cuhuatasacari niajaniya. Niaari najuhuana tojiquianu na pohuatasano.

Hechos 18:19

Nojori tiuquiijiosacari Éfeso tiacajinia, Pabloori tii jatamaquiaari Priscila, Aquilanio. Nojuajaari tajimiaa Judiocuaca rerejojua tiajinia. Cuniqui rerejono Judiocuaca pohuatasee Jesujinijiiri.

Hechos 18:21

Cuniqui quiniaa sequereeri: —Quiohuanijia pueyanaa. Jerusalén tiacajiniara secohuanijia. Canaari tii rerejonutaniya Jesuucua tiuuniaa pueyatani. Pueyaso jaara paniri, janiyacua nia niquiniuria tacatemohuaraniuhuaj. Cuniquiji tacaquiaariuhua buquejiniaari. Éfeso tiacajiniji quiaarohuari.

Hechos 19:1

Apolo quishacari Corinto tiacajinia, Pabloori saniniuujia Antioquiya tiacajiniji quiaquiaari nucuaco Éfeso tiacajiniara. Na quiasacari, tuhuananuhua shoconujuquiaariiri. Naa tiuquishiiquiaari Éfeso tiacajiniaari. Tii riuriataquiaari Pueyaso pueya maanuuri.

2 Corintios 6:16

Paa jaara Pueyaso quiquio quirini, ¿paateeri Pueyaso quiquiojinia shanacunutaniya samaruhua tiuquitianura tiini? ¡Maja! Paacuajaari pueyaracaanu Quijia Pueyaso quiquioni. Na pueyara na sequesanocuajaari naa naajiotasano quiya: “Janiyari nojorijinia quiriquianoni. Janiyari nojori tajinia rucuanejonutaniyani. Janiyari nojori Jiyaniijiajanaa quiniutianiyani. Nojoriiri cua pueya quiniutianiyacujua”.

Apocalipsis 1:16

Na miaquetajata siete riya muetujuriquiaari. Naajuhuaj, nijiniaquetucuaja mueruuri na rupaamaji mueranacuriquiaa, na rupaa ruuretajaca na puecoonura. Na jiquiocoori jiyanohua shacantuuca quiriquiaa juhua jiyanohua pananu jasacari panacari.

Apocalipsis 1:20

Quiarijia quia pohuatareera maatia quia niishiniuria cua niquitishano quiajaniya. Cuno siete riya quia niquishano cua miaquetajata cua muetujusanoni, cunoori siete cua seya. Nojoriiri siete cua saquiriojosano pueya maapue jiitianaa. Cuno siete samari nujuatacojua orojiniji shipinijiosano quia niquishanojaniuhuaj, cunoori siete cua saquiriojosano pueya maapue.

Apocalipsis 12:1

Na nuhuaji, pueya jiuujiatenura, casaari jiya cajiniocua niquishaaree. Maajiiri quiriquiaa cuno, cua niquishanoni. Juhua toqueta pananujinia cuhuajaatiariquiaari. Racaacua nujuariquiaari. Doce riyari na nacaque quiriquiaa.

Apocalipsis 2:12

Jiyaniijia Jesucristoori socua cua sequeree: —Pérgamo tiacajinia quijia cua seruucuara quia naajiorejuhuaj, Pueyaso pueya maanu jiitianani. Naa quia sequere nojuaja: “Nijiniaquetucuaja mueruu jiitianaari naa sequeya:

Apocalipsis 2:18

Jiyaniijia Jesucristoori socua cua pacuterohua sequenuhuaj: —Tiyatira tiacajinia quijia cua seruucuara quia naajiore, Pueyaso pueya maanu jiitianani. Naa quia sequere nojuaja: “Pueyaso Niyanu, juhua mani rimianacuyano namijiaaracani, juhua bronce mohuaquishano shacantuuca niohuacaracajuhuaj, nojuajaari naa quia sequeya:

Apocalipsis 2:8

Jiyaniijia Jesucristoori naa cua sequereejuhuaj: —Esmirna tiacajinia quijia cua seruucuara quia naajiore, Pueyaso pueya maanu jiitianani. Naa quia sequere nojuaja: “Naa sequeyari cante puetunu casaajanaa coteetenacuajani, na tucuatajanio. Nojuacuajaari cusoquiaari, na nuhuaji samiitiaquiaariuhuari. Janiyacuajaari nojuajani.

Apocalipsis 3:1

Jiyaniijia Jesucristoori socua cua sequeree: —Sardis tiacajinia quijia cua seruucuara quia naajiorejuhuaj, Pueyaso pueya maanu jiitianani. Naa quia sequere nojuaja: “Naa sequeyari cante Pueyaso Sohuanu jiyaramiquiquiaa cuno siete Pueyaso pueya maapueecuacuajani, nojori jiuujiajinia na poonijionura. Nojuacuajaari cuno siete Pueyaso pueya maapue jiitianaa Jiitianajanaa. Janiyacuajaari cunoni. ‘Janiyari puetunu quia miishanojuanaa niishiyani. Pueyari quia jiyaniya quiaari saminio. Janiya cutaraari niishiyani quiaari juhua macu.

Apocalipsis 3:14

Jiyaniijia Jesucristoori socua naa cua sequeree: —Laodicea tiacajinia quijia cua seruucuara quia naajiorejuhuaj, Pueyaso pueya maanu jiitianani. Naa quia sequere nojuaja: “Cua tojiri. Naa sequeyari noo pueyano cana sequesanote seetanu rupaajanaacuajani. Puetunu na caminiujiushanojuanaa Pueyasojiniji quiarani, cunoori seetanujuanaa. Pueyasoori na shipinitiquiaari puetunu na shipinishano casaajanaa. Cunocuajaari janiya. Cunora, cua tojiri.

Apocalipsis 3:7

Jiyaniijia Jesucristoori socua cua sequeree: —Filadelfia tiacajinia quijia cua seruucuara quia naajiorejuhuaj, Pueyaso pueya maanu jiitianani. Naa quia sequere nojuaja: “Cua tojiri. Janiyacuajaari tojetaarucuajanaa maninia miijiani, cua Que tojijia cua quiniuucua. Puetunu cua sequesanojuanaari seetanujuanaa. Jiyaniijiajanaa cua quiniuucua cua supuetana David niti, janiyari cua Que tiootiu riatataja jiitianani, cua saquiriojosano pueya cua tiuquinitianura cua Queecua. Janiya jaara cuno tiootiu riatareni, tamonuuri maja na naata na tionuhua. Janiya jaara na tioreni, majaari quenaaja tamonu na naata na riatanuhua.