1 Samuel 7:3 - Arabela

³ Samuelri naacua puetunu narta Israel pueya sequequiaari naatej: —Pueyanaa, niaa jaara Pueyasoocua jiriquioterohua nioojia seetanujuanaa nia paniniutia nojuaja, nia tiacoji quiarijia nia quejoore cuno jeecojosano taucuaca pueyasohuani, juhua Astartee niquishano pueyasohuanio. Niaa jaara naa miiritij, Pueyasoori maja tari na shanacunu quiniutianiya cuno Filisteocuaca miitianura niajaniya.

1 Samuel 7:3 Iomraidhean Croise

1 Croonicas 28:9

Quiajaniya saniniuujia quiyanu Salomoonnaa, seetanujuanaa quia que cojuana Pueyaso niishijia quia quiriquia. Seetanujuanaa quioojiajinia nojuaja quia paniniutia shitimia quia miiriquia puetunu neranojanaa. Pueyasocuajaari puetunu pa niishiriojotajajinia pa niishiriojosano niishijia. Naacuatej, nojuajaari maninia pa niishiriojosano, sacuaraatia pa niishiriojosano niishiyacuaja. Nio cua sequesanoori seetanujuanaa. Naacuatej, quiaa jaara Pueyaso paniri quia naacuriquiano, nojuajaari quia naacunutaniya. Saniniuujia, quiaa jaara na shocotere, nojuaja cutaraari quia ruuretariquiano tojetaarucuajanaa.

Mateo 15:8

“Nio pueyari saa na rupaataja cua maniniuhuaqueetaquiaa. Nojori jiuujiaari saniniuujia tucuacaanu quiya janiyajiniji.

Mateo 4:10

Jesuuri na sequeree: —¡Niiquiji quia quiaare Satanásnaa! Naa naajiotasano quiyacuajaari Pueyaso Rupaajinia: “Saaja quia Jiyaniijia Pueyaso quia shuquiritiare cutara. Saaja nojuaja quia tojiri”.

Mateo 6:24

’Maja nia naata poonijionu maninia caapiqui camarnura. Niaa jaara caapiqui camarnuraca quiri, niaari tamonu paniniutianiya, niaari saniniuujia tamonu niquiniu paniyaquiniutianiyacujua. Naacuajitij, niaari shuquiriaatia poonijionutaniya nia panishano camarnura. Niaari tamonu soojotanutaniyacujua. Naajuhuaj pueyanaa, majaari nia naata Pueyasora poonijionu maninia, cumaneecaacua nia jiaatiasacarijiuhuaj.

Lucas 4:8

Jesuuri saaja na sequeree: —Pueyaso Rupaajiniacuajaari naa naajiotasano quiya: “¡Quia Jiyaniijia Pueyaso quia shuquiritiare! ¡Saaja nojuaja quia tojiri!”

Juan 4:24

Pueyasoori sohuanu. Naaratej, cante Pueyaso shuquiritiniu panijiacani, nojori cuaara secojoora Pueyaso puetunu noojiatajanaa, Pueyaso Sohuanu tojijiaca nojori quishacari.

Deuteronomio 6:13

Saaja nia Camarnu Pueyaso nia timitiariquia, naajuhuaj, saa nojuaja nia tojiriquia. Nia sequesano jaara saaja cuaracashitishaariquia, saaja maatia nia sequeriquia cutara: ‘Seetanujuanaari cua sequesano. Pueyasocuajaari na niishiya.’

Josuee 24:14

—Naa Pueyaso miiniuucua maninia niajaniyatej, na tojitiajaca nia quiriquia. Nioojiajinia nia paniniutia nojuaja, na panishano miijiaca nia quiriquia. Nia supuetanaa quishacarijia Eufrate moo casaqueyaji, Egipto jiyajiniajuhuaj, nojoriiri na pueyasohuara na jiyatetusanoocuara jacamatujuaca quijia. Quiarijianij, niaari naa miijiojuacajuhuaj, juhua nojorijia. Quiarijia saniniuujia, puetunu cuno sacuaraatia nia miijiosanojanaa nia tarinitiare saaja Pueyaso panishano miijiaca nia quiniuria.

Josuee 24:23

Josueeri nojori sequeree: —Nia sequesano jaara seetanujuanaa quiri, tojetaarucuajanaa nia carterecuaraja jeecojosano casaa Pueyaso niti nia jiyatesanoniqui. Camarnu Pueyasoocua nia riujiuuriohua, seetanujuanaa nioojiajinia nia paniniutia nojuaja. Nojuacuajaari tariucuacaanu pa supuetana Israel Pueyaso.

Jueces 10:6

Jiyacaritij, Israel pueyari saaja sesa miiniu coteequiaariuhua Pueyasora. Nojoriiri Pueyasojuanaa cartetuquiaari jeecojosano pueyasohua tojitiajaca nojori quiniuria. Cuno, Israel pueya panishano pueyasoori juhua Baal niquishano quijia, juhua Astartee niquishanonio. Naajuhuaj, nojoriiri nio taucuaca jiyacajiniji pueyasohua jiyanishano tojitiajaca quiquiaarijuhuaj: Siria, Sidoon, Moab, Amoon, Filisteocuaca pueyasonio. Israel pueyari naa Pueyasojuanaa cartetuquiaari pueyaso jiyanishoosequeecuaratej. Nojoriiri maja tari na catijiatunu quijia na seya Pueyasoocuara.