Numeru 6:27 - Ritonõpo Omiry: A Bíblia Sagrada na língua Aparai do Brasil

²⁷ Ynara tykase Ritonõpo: — Moro sã Arão tõ, imũkuru tõ maro kure rokẽ Izyraeu tõ ripõko mã toto ya. Mame kure rokẽ toto rĩko ase.

Numeru 6:27 Iomraidhean Croise

Jenexi 32:26

— Kurumekakoh jepe! Ẽmehnõko nase, tykase mokyro Jako a. — Arypyra, orumekara ase kure jyripopyra ro awahtao, tykase Jako.

Jenexi 32:29

— Kuruko, onoky oesety? tykase Jako. — Oty katoh jesety poko ekaropõko mah? tykase ynororo. Mame kure rokẽ tyripose ynororo eya.

2 Samueu 7:23

Opoetory tõ Izyraeu panõ pyra roropa mana sero nono po, typynanohse toto oya opoetoryme toto ehtohme. Imehxo Exiketyme oehtoh waro imehnõ ehtohme ajamitunuru ke takorehmase toto oya. Ejitu poe toto tymyhpokase oya. Mame imehnõ ahno taropose oya toto neponãmarykõ maro, toto esahpyrykõ pona opoetory tõ ytotohme.

1 Koronika 4:10

Ynara tykase ynororo Ritonõpo Izyraeu Esemy a: — Ritonõpo, kure rokẽ kyriko. Nono konõto ekaroko ya. Ymaro exikehpyra exiko. Kypynanohko jetũ kamexipory se exiketõ winoino emero. Mame totase ynororo Ritonõpo a, ipenetatoh tokarose eya.

2 Koronika 7:14

mame ypoetory tõ otururuhtao ya, tyyrypyrykõ poko emynyhmaryhtao, zae pyra toto ehtoh rumekaryhtao roropa eya xine, toto otururu etãko ase kapu aeino, iirypyrykõ korokãko ase, esarykõ kurãkãko ropa ase.

Saumu 5:12

Ritonõpo, yna Esemy, kure rokẽ mokaro rĩko mase, õmiry omipona exiketomo, kure oehtoh toto ewomãko mana osewomatoh samo.

Saumu 67:7

Eya kure rokẽ tyrise sytatose; ahno tõ emero, sero nono põkomo Ritonõpo waro toto ehtohme aomipona ehtohme roropa!

Exutu 6:3

Osenepoase Aparão a te, Izake a te, Jako a roropa Ritonõpo Jamihmehxo Exiketyme. Yrome jesety kurã Oesẽkõme onekaropyra exine eya xine.

Izaja 43:7

Mokaro emero ypoetoryme mã toto; toto tyrise ya isene toto ehtohme, imehxo jehtoh enepotohme imehnomo a.”

Jeremia 14:9

Oty katohme osenuruhkãko sã mahno, soutatu samo tapotũkehse ahtao imehnõ onewomasaromepyra ynororo ahtao? Yrome omoro Ritonõpo yna maro mase, opoetoryme ynanase. Yna onurumekara exiko!”

Numeru 23:20

Tyripose ywy eya kure rokẽ tyripotohme; kure rokẽ tyripose ahtao eya, moro onytyoromasaromepyra ase.

Mateu 28:19

Morara exiryke ytotoko emero pata tõ pona. Emero pata põkõ amorepatatoko jomipona toto ehtohme, ypoetoryme toto ehtohme. Mame ẽpurihkatoko toto Papa Kapuaõ omi poe, Imũkuru omi poe, Zuzenu omi poe, enara.

Epezu 1:3

“Kure mase Papa Kapuaono,” sykatone Ritonõpo a, Jezu Kyrixtu Kuesẽkõ zumy a, kure rokẽ tyrise kuexirykõke, Tumũkuru Kyrixtu maro. Mame Tuzenu emero ekarõko kyya xine mana. Kure kapuaõkõ ritopõpyry sã kure kyritorỹko Ritonõpo mana.

Teuteronomiu 28:10

Ritonõpo poetoryme oehtohkõ waro exĩko imehnõ ahno tõ emero sero nono po ouno xine exĩko roropa mã toto.