Numeru 6:20 - Ritonõpo Omiry: A Bíblia Sagrada na língua Aparai do Brasil

²⁰ Moromeĩpo mokyro oturukety morohne ekarõko mana tynekaroryme kurã Ritonõpo a. Mokarohne kurã tokarosẽme exĩko oturukety zohme kaneru puropuru maro, ipety maro oturukety zohme, Ritonõpo nyripohpyry ae ro. Moromeĩpo mokyro nazireume exikety uwa eukuru jehnahpyry ẽnõko mana ise tahtao.

Numeru 6:20 Iomraidhean Croise

Ekereziaxti 9:7

Naeroro otuhko ãtãkyemaryme; uwa eukuru ẽko õseahmaryme. Morohne riry oya kure Ritonõpo a mana.

Izaja 25:6

Ypy Xião po otuhtoh konõto rĩko Ritonõpo Jamihmehxo Exikety mana, emero nonory põkõ otuhtohme; tonahsẽ rĩko mana, tõsẽ kurãkomo eukuru jehnahpyry kurã roropa.

Izaja 35:10

Toremiarykõme pata Jerusarẽ pona omõnõko mã toto, kohtãko mã toto tãkye rokene. Tãkye exikehpyra exĩko mã toto jũme, atasamara, emynyhmara, xitara mã toto.

Rewitiku 10:15

Moro okyno pety enehnõko Izyraeu tõ mana, ipuropuru maro, ikasery tyahkase ahtao anỹtohme Ritonõpo ẽpataka. Moro okyno pũ tanỹse aexihpyry õtykõme mana jũme, apakomotyã roropa Ritonõpo nyripohpyry ae ro.

Rewitiku 23:11

Oserematoh mykapo moro tymõse tiriiku enehnõko oturukety mana Ritonõpo ẽpataka Ritonõpo zamaro oehtohkõme.

Rewitiku 7:30

Oemary ke moro tõsẽ apoĩko mase tyritohme apoto pona onekaroryme Ritonõpo a; ipuropuru, ikasery maro ipuropuru poko onekaroryme kurã kuhse tokarosẽme Ritonõpo a.

Rewitiku 7:31

Ikasery zahkãko oturukety mana apoto apõ po, yrome ipuropuru oturuketõ zohme exĩko mana.

Rewitiku 7:32

Okyno pety apotunuru wino ahno nekarohpyryme osepeme ehtohme, oturukety zohme exĩko mana,

Rewitiku 7:34

Okyno puropuru, ipety maro ahno nekaroryme kurã Ritonõpo a, moro apoĩko Ritonõpo mana Izyraeu tõ wino ekarotohme oturuketomo a, Arão pakomotyamo. Jũme moro tõsẽ apoĩko mã toto ahno nekarohpyry osepeme ehtoh wino, Ritonõpo omi poe.

Rewitiku 9:21

yrome ipuropuru, ipety tõ roropa apotunuru wino tokarose Arão a Ritonõpo a tynekaroryme kurano. Moro onyahkara nexiase, tukurãkase eya oturuketõ zohme, Moeze nyripohpyry omi poe.

Zakaria 10:7

Izyraeu tõ orutua kõ jamihme exĩko mã toto, soutatu tõ samo, tãkye exĩko mã toto eukuru ẽnanõ samo. Moro ekarory etãko ipoenõ mana, ipakomotyã roropa, mame tãkye exĩko mã toto. Atãkyemãko mã toto ywy, Ritonõpo, nyrihpyry poko.

Zakaria 9:15

Ritonõpo Jamihmehxo Exikety typoetory tõ ewomãko mana; topetõkara soutatu tõ poremãkãko mã toto, ipyrekõ kararahnõko mã toto, topetõkara munuru kuãnõko mã toto eukuru jehnahpyry samo, kohtãko mã toto toetỹse exiketõ samo, pehme sã exĩko kasana sã munu ke ikuamyryhtao tynekaroryme apoto apõ pona.

Zakaria 9:17

Kure kuhse sero nono exĩko ropa mana, enekure roropa! Tiriiku nae exĩko, uwa eukuru roropa itamurume. Poetohti tõ wãtãko roropa mã toto jamihme, enekure roropa.

Numeru 18:18

Mokyro pũ õtyme exĩko mana imehnõ ahno nekarotyã kurã samo: ipuropuru te, ipety apotunuru wino maro õtyme ehtoh samo.

Numeru 5:25

Yrome moro tuna onẽpopyra ro ahtao moro sewata apoĩko ropa oturukety mana nohpo emary poe, anỹtohme Ritonõpo ẽpataka, apoto apõ pona tyritohme.

Numeru 6:21

— Moro Ritonõpo nyripohpyryme mana nazireume toexiry se exikety poko Ritonõpo Tosẽ omiry omipona rokẽ toehtohme. Yrome tõmiry totapose ahtao nazireu a imepỹ kyryry ekarory poko morohne maro, ah mokyro tõmihpyry omipona nexino.

Mateu 26:29

Etatoko pahne, uwa eukuru onẽzomopyra ase orihpyra ro jahtao. Tyoro ẽnõko ase euhkasenano Ritonõpo esao rokene, tykase Jezu eya xine.

Maku 14:25

Etatoko pahne, uwa eukuru onẽpyra ropa ywy, orihpyra ro jahtao. Tyoro ẽnõko ase, euhkasenano, Ritonõpo esao rokene, tykase Jezu eya xine.

João 19:30

Ẽxĩpo ynara tykase ynororo eya xine: — Epo. Notyhkano, tykase toerohtopõpyry poko. Morarame morara kaxĩpo sã rokẽ toetywykase zupuhpyry. Kynorihne rahkene.