Numeru 32:3 - Ritonõpo Omiry: A Bíblia Sagrada na língua Aparai do Brasil

^3-4 — Sero nono typoremãkase Ritonõpo Kuesẽkomo a, Izyraeu tõ esaryme, pata Atarote te, Tipõ te, Jazea te, Ninira te, Hexipõ te, Ereau te, Sepã te, Nepo te, Peõ, enara; sero nono kure mana pui tõ nahpatohme. Tokyke ynanase tuhke pui tõkehko.

Numeru 32:3 Iomraidhean Croise

Neemia 9:22

“Oya ahno typoremãkapose eya xine, tuisa konõto tomo, katonõ nonory, tosarykõ ehpiõ po, Hexipõ nonory typoremãkase Izyraeu tomo a, tuisa Seõ nonory roropa, Pasã nonory roropa, moroto Oke tuisame ahtao.

Izaja 15:6

Iporiry Ninirĩ tonore mana; onahpoty emero tanoryse mana, otyro emero toorihse mana, okyno tõ napyry tonahse ipunaka.

Jeremia 48:1

Ritonõpo Jamihmehxo, Izyraeu tõ Esemy ynara tykase Moape tõ poko: “Emynyhmatoko pata Nepo põkõ poko, ipatarykõ tonahkase exiryke! Pata Kiriataĩ tapoise nexiase, isoutatu tõ tapyĩ jamihme exikety tytahkase, tomase nono pona, epõkõ typoremãkase.

Jeremia 48:2

Imehxo Moape tõ ehtopõpyry tonahse. Hexipõ po, epetõkara osenetupuhnõko mã toto tynyrirykõ poko: ‘Ehmaropa, Moape tõ enahkase!’ Soutatu tõ ytõko mã toto pata Matamẽ poremãkase; mynyhme rokẽ exĩko moro pata põkomo.

Jeremia 48:32

Xitãko ase itamurumehxo Xipima põkõ poko, Jazea põkõ poko roropa, yrome itamurume hkopyra. Pata Xipima, uwa zoko sã mase; ãmoriry tõ ahtãko tuna konõto Aorikyhpyry epozakoxi mya pata Jazea pona. Yrome seromaroro oepetõkara a anarykatyã tonahkase tiriiku tõkehko, uwa zoko tõ roropa.

Jeremia 48:34

— Mokaro pata Hexipõ põkomo te, pata Ereau põkõ roropa kui ãko mã toto, toto kui katoh etãko imehnõ mana Jasa po. Osetãko roropa pata Zoa põkomo a te, mya roropa Horonaĩ põkomo a, pata Tyrisenã Ekerate põkomo a roropa. Iporiry Ninirĩ roropa tãpaise.

Jeremia 48:45

Imehnõ epãko mã toto, tapotũkehse, osewomatoh zupĩko pata Hexipõ po repe. Yrome Hexipõ, tuisa Seõ patahpyry zahnõko mana. Moape nonory ehpio tyahkase, ypy tõ emory roropa, osetapary se exiketõ esary.

Ezekieu 25:9

epetõkara, etonaketõ enehpõko ase, pata tõ Moape ehpio kõ ewomananõ maro etonatohme. Moro pata tõ kurehxo exiketõ ynara mã toto: Pete-Jeximote te, Paau-Meõ te, Kiriataĩ, enara.

Numeru 21:28

Apoto tutũtase exiryke Hexipõ poe, apoto tuisa Seõ patary poe, isoutatu tõ apoto sã nexiase, pata Ara tonahkase eya xine, Moape po. Ypy tõ tonahkase, tuna Aranõ inikahpozakoxi.

Numeru 21:30

Yrome seromaroro Hexipõ jamitunuru tonahse; Hexipõ poe Tipõ pona, emero tonahkase. Nopa tonahse, apoto toehse Metepa pona.”

Numeru 21:32

Moromeĩpo ahno tonyohse Moeze a pata pona, Jazea enetohme. Mame ipatarykõ tapoise eya xine, amoreu tõ tonyohse moro poe eya xine.

Numeru 32:1

Mame Rupẽ ekyry tõ Kate ekyry tõ roropa tokyke tuhke nae toh nexiase, pui tõkehko. Moro nono, Jazea nonory te, Kireate nonory roropa tonese ahtao eya xine, nono kure pui tõ nahpatohme,

Numeru 32:2

toytose toto oturuse Moeze tomo a, oturukety Ereaza maro, Izyraeu tõ tuisary tõ maro. Ynara tykase toto:

Jozue 13:17

Morohne maro Hexipõ kynexine, pata tõ maro moro jakuraramã po: Tipõ te, Pamote-Paau te, Pete-Paau-Meõ te,

Jozue 13:19

Kiriataĩ te, Xipima te, Zerete-Sahara roropa ypy po jakanahmã po.

Jozue 21:39

Hexipõ te, Jazea, enara, ona pata tõ zomye exikety maro. Atapona asakoropane pata tomo.

Juize 11:26

300me jeimamyry taropose Izyraeu tomo a Hexipõ po, Aroea po roropa. Imehnõ pata tõ po tooehse roropa toh kynexine moro pata tõ pũto, pata tõ po roropa emero tuna Aranõ ehpikuroko. Oty katoh moro pata tõ anapoipyra mexiatose pake?