Numeru 32:15 - Ritonõpo Omiry: A Bíblia Sagrada na língua Aparai do Brasil

¹⁵ Ritonõpo omiry omipona se pyra awahtao xine Izyraeu tõ rumekãko ropa mana ona tonorẽ po, tonahkasẽme exĩko mã toto opokoino xine.

Numeru 32:15 Iomraidhean Croise

2 Koronika 15:2

Toytose ynororo tuisa Asa zuruse. Ynara tykase ynororo eya: — Tuisa Asa, Juta tõ maro emero, etatoko pahne! Ritonõpo Izyraeu tõ Esemy amaro xine mana, imaro awahtao xine. Zupiryhtao oya xine osenepõko oya xine mana. Yrome irumekaryhtao oya xine orumekatorỹko roropa mana.

Jeremia 38:23

Ynara ase roropa eya: — Tuisa Zetekia opyxiã emero opoenõ roropa tokarosẽme exĩko mã toto papironio tomo a, omoro roropa epara exĩko mase mokaro winoino. Tynamotome aarõko Papironia tuisary, mame sero pata tonahkasẽme exĩko mana apoto ke.

Numeru 32:16

Mame Moeze ẽpataka toehse toh nexiase. Ynara tykase toto: — Topu ke kaneru tõ esary rĩko ynanase taro, pui tõ esary roropa, pata tõ rĩko roropa ynanase yna poenõ esaryme yna pyxiã maro.

Mateu 18:7

Sero nono po iirypyryme imehnõ riponanõ nae. Urumekapõko mã toto oya xine, oorypyrykõ poko rokẽ oehtohkõme. Toipe toh mã repe. Yrome mokaro wãnohnõko itamurume Ritonõpo mana, tykase Jezu eya xine.

Romanos 14:15

Imepỹ Jezu poetory zae pyra tyrise kyya xine ahtao tõsẽ onyryke kyya xine mokyro pyno nymyry pyra sytatose. Toto pyno Kyrixtu exiryke kynorihne toto pynanohtohme. Naeroro toto pyno sehtone roropa. Eya xine popyra moro tõsẽ onyryhtao kyya xine, onõpyra sehtone toto maro kuahtao xine.

Jozue 22:15

Toytose toto Kireate nonory pona oturuse Rupẽ tõ maro, Kate tõ maro te, Manase tõ maro xixi tũtatoh wino. Ynara tykase toto eya xine: