Numeru 27:23 - Ritonõpo Omiry: A Bíblia Sagrada na língua Aparai do Brasil

²³ Mame Ritonõpo omi poe tomary tõ tyrise eya Jozue zupuhpyry pona. Moro ke Moeze myakãme Jozue toehse.

Numeru 27:23 Iomraidhean Croise

Numeru 27:18

Ynara tykase Ritonõpo Moeze a: — Jozue ikohmako, Num mũkuru, orutua emese kure exiketyme mã ynororo, oemary tõ tyriko epona.

Numeru 27:19

Mokyro xikihme tyriko oturukety Ereaza ẽpataka, imoihmãkõ ẽpataka roropa; omyakãme mokyro ekaroko toto neneryme.

Numeru 27:22

Mame Ritonõpo nyripohpyry tyrise Moeze a. Jozue tonehse eya imoihmãkõ ẽpataka, Ereaza ẽpataka roropa.

Numeru 28:1

Ynara tykase Ritonõpo, Izyraeu tõ Esẽ Moeze a:

Teuteronomiu 3:21

— Oturuase roropa Jozue a. Ynara ase: “Ritonõpo nyrihpyry menease mokaro tuisa tõ asakorõ poko, Seõ poko Oke maro. Moro sã tyrĩko roropa mana mokaro tuisa tomo a emero, inonorykõ pona oytorykohtao.

Teuteronomiu 3:28

Oturuko Jozue a orẽpyra ehtohme. Mokyro ijamihtanohko, Izyraeu tõ arotohme moro nono poremãkatohme eya xine. Moro enẽko mase.”

Teuteronomiu 31:23

Mame tõturuse Ritonõpo Jozue a, Num mũkuru a, ynara tykase: — Orẽpyra exiko, imehnõ zuno pyra. Ypoetory, Izyraeu tõ arõko mase moro nono pona, ynekarory oya xine poremãkapose, mame amaro xine exĩko ase.

Teuteronomiu 34:9

Jozue, Num mũkuru tymenekase Moeze a tymyakãme ehtohme. Tomary tyrise eya Jozue zupuhpyry pona, naeroro Ritonõpo Zuzenu imaro kynexine, tuaro tyripõko mana. Aomiry omipona toehse Izyraeu tomo, Ritonõpo nyripohpyry tõ omipona roropa Moeze nekarohpyry eya xine.