Numeru 24:9 - Ritonõpo Omiry: A Bíblia Sagrada na língua Aparai do Brasil

⁹ Reão jamihmã sã Izyraeu mana: tynyhse ynororo ahtao ipakary zuno mã toto. Kure rokẽ Izyraeu tõ ripory se exiketõ, kure rokẽ exĩko mã toto. Popyra Izyraeu tõ riponanõ, popyra tyriposẽme exĩko mã toto.”

Numeru 24:9 Iomraidhean Croise

Jenexi 12:3

Kure orinanõ rĩko ase kure. Yrome popyra orinanõ rĩko ase popyra. Mame opoe kure ehtoh enehpõko ase imehnomo a, sero nono põkomo a emero.

Jenexi 27:29

Ahno tõ tuisaryme oripory se ase imehxo oexiry enetupuhtohme imeimehnomo a. Oekyry tõ esẽme oehtohme, oekyry tomo a kure oritohme. Popyra oripory se exiketõ popyra roropa exĩko mã toto. Kure exĩko mã toto kure oripory se exiketomo, tykase ynororo Jako a.

Jenexi 49:9

Aimo Juta, reão mũkurume sã mase, tõsẽ tosekase ahtao, mame tosaka ytõko ropa mana. Tohrame exĩko reão samo, reão nohpory sã roropa. Ipoko toexiry zuno imehnõ mana emero.

2 Koronika 9:18

Moro tuisa apõ opyi nae kynexine, 6me onuhtoh maro. Moro apõ konõto poko pupu apõ kynexine tapuhse uuru ke. Moro panõ exipitopyra kynexine tuisa apõme imepỹ nonory po.

Exite 6:13

Typyty a tokarose emero, tope tomo a roropa morara ehtopõpyry poko tyya. Mame ynara tykase ipyty, epe tõ maro, tuaro exiketomo: — Poremãpitõko mase õsetaparykõ poko Moatekai maro. Juteume mã ynororo, onyporemãkapopyra mase rahkene. Poremãnõko rokẽ mase rahkene.

Jo 41:10

Ihtomaryhtao zehno exĩko mana. Onoky ytõko nae mokyro ẽpataka ikuhtohme?

Saumu 122:6

Oturutoko Kuesẽkomo a Jerusarẽ põkõ poko, osepeme toto ehtohme. “Kure rokẽ Jerusarẽ pyno exiketõ tyripory se ase!

Saumu 2:12

ozehno xine aexiryino te, oenahkaryino oesemary ae oytoryhtao. Tãkye matose exĩko oewomaneme Ritonõpo riryhtao oya xine!

Exutu 23:22

Yrome aomipona yronymyryme awahtao xine, inyripohpyry riryhtao oya xine, oepetõkara poremãkapõko ase.

Izaja 31:4

Ritonõpo tõturuse ymaro, ynara tykase ya: “Reão a kaneru tosekase ahtao, oserehpyra mana, epara roropa mana kui karyhtao kaneru pyno exiketomo a, tuhke toto ahtao ro, opore kui karyhtao roropa. Moro saaro ywy Ritonõpo Jamihmehxo Exikety oserehpyra ase tyhtose jahtao etonatohme Ypy Xião põkõ ewomatohme.

Mikeja 5:8

Mokaro Izyraeu tõ isene ro exiketõ imehnõ ahno tõ rãnao reão sã exĩko mã toto onokyro tõ rãnao, reão wãtasenã sã roropa exĩko mã toto kaneru tõ esekaryhtao, toto apoĩko, toto ryhmãko, toto onypynanohsaromepyra imehnõ exĩko mana.

Numeru 22:12

Ynara tykase Ritonõpo Paraão a: — Mokaro maro ytopyra exiko, popyra Izyraeu tõ onyripopyra exiko roropa, ahno kurãme tyripose toto exiryke ya.

Numeru 22:6

Ajohpame sã, osehko xiaro axiny mokaro ripotohme popyra. Ymotye jamihme mã toto. Popyra ehtoh tonehpose mokaro pona awahtao otarame mokaro poremãkapõko ase, toto aropotohme taroino. Zuaro ase: imehnõ kure tyripose ahtao oya, kure toto exĩko. Yrome popyra toto ehtoh tonehpose ahtao oya popyra ehtoh oehnõko toto pona.”

Numeru 23:24

Izyraeu owõnõko mana reão nohpory samo, reão sã roropa oseremara mana tykarimory onõpyra ro tahtao, imunuru onẽpyra ahtao roropa.”

Numeru 24:10

Mame Parake tyekĩtapãse Paraão poko. Tomary totapase eya zakorõ ke zehno toexiryke, ynara tykase ynororo: — Kykohmase ooehtohme popyra jepetõkara ripotohme. Yrome kure rokẽ toto tyripose oya oseruao.

Mateu 25:40

— Mame ynara ãko mã tuisa konõto oya xine: “Etatoko pahne, ypoetory tõ jakorõ tõme mana. Mame jakorõ tõ etuarimaketõ, kure tyrise oya xine ahtao, kure kyriatose roropa,” ãko ynororo oya xine mana.

Mateu 25:45

— Morarame ynara ãko tuisa konõto eya xine mana: “Etatoko pahne, imehnõ poko enupunara mexiatosene, aetuarimarykohtao. Toto pyno pyra mexiatosene. Toto anakorehmara roropa mexiatosene. Morara exiryke, jakorehmara mexiatosene,” ãko ynororo eya xine mana.

Atos 9:5

— Onoky hma? tykase Sauru tõserehse toexiryke. — Ywy ase, Jezu. Oty katoh yyryhmãko mah, ypoetory tõ ryhmãko?

Teuteronomiu 30:7

Moro popyra ehtoh ke oepetõkara wãnohnõko Ritonõpo Oesẽkõ mana, ose pyra xine exiketõ emero orohmanohpõko,