Numeru 24:6 - Ritonõpo Omiry: A Bíblia Sagrada na língua Aparai do Brasil

⁶ Airiki panõ tõ sã mã toto, tarykase exiketõ samo atakenaka, tupito po sã tuna ehpio, tykyrysã samo tarykase ahtao Ritonõpo Kuesẽkomo a, apupari tõ samo ahtãko tuna tõ ehpio.

Numeru 24:6 Iomraidhean Croise

Jenexi 13:10

Mame Ro tõsenuhmase jakanahmã Joatão wino emero, tymenekase eya mya pata Zoa pona, tuna nae kynexine itamurume, Ritonõpo narykahpyry sã kynexine, Ejitu nonory sã roropa kynexine. Moro jakanahmã po pata tõ kynexine, Sotoma, Komora roropa, moro pata tõ onenahkapopyra ro Ritonõpo ahtao.

Saumu 1:3

Moro sã awahtao xine wewe tõ sã exĩko matose tarykase ahtao tuna ehpio; ahtãko mana, eperytãko roropa toperytatoh po toehse ahtao, zary mã aremãpyra roropa mana. Moro sã orẽpyra exĩko matose, onyrirykõ kure exĩko roropa mana emero.

Saumu 104:16

Konopo itamurume oehnõko wewe tõ pona, Ritonõpo Kuesẽkõ kyryry apupari tõ pona, inarykatyã pona ypy tõ Ripano po.

Saumu 45:8

Ixtaratu kurã nae nase oupõ poko, mira te, aroe tomo, enara. Eremiatoh etõko mã toto onetaryme tuisa tapyĩ tõ konõto tao, maafim ke emeporyme.

Kãtiku 6:11

Yhtoase utupi pona amẽtoeira tõ esaka, otyro tõ enese jakanahmã po uwa zoko tõ ekutary enese roropa, wewe tõ, romãzeira tõ ekutary enese roropa.

Izaja 41:19

Wewe tõ arykãko ase ona tonorẽ po: apupari tomo, akaxia tõ roropa te, murta tomo, oriwera tõ roropa; nono tonorẽ po pinieiro tõ ahtanohpõko ase, zĩporo tõ maro te, xipirexite tõ maro, enara.

Izaja 58:11

Ywy Ritonõpo, zae ehtoh poko aarotorỹko ase; ynekarory kurã ke tuesapare exĩko matose konopo oehpyra ro ahtao, jamihme oritorỹko ase, kure rokẽ rahkene. Tupito arykahpyry sã exĩko matose ekurehpyra konopo ahtao, iporiry enatyry sã exĩko matose anorypyra exikety samo.

Jeremia 17:18

Mokaro poremãkapoko yyryhmary se exiketõ ehxirotohme, yrome kypynanohko, Ritonõpo. Enaromỹke toto tyriko yrome jerehpyra exiko. Popyra ehtoh enehpoko mokaro pona; enahkako toto ipunaka.

Jeremia 31:12

Oehnõko mã toto eremiase tãkye toexirykõke ypy Xião pona; atãkyemãko mã toto ynekarory tõ poko eya xine, tiriiku tõkehko, uwa eukuru, azeite, pui tomo te, kaneru tomo, enara. Tupito tarykasãme exĩko mã toto tuna itamurume nae ahtao, emero ise toto ehtoh nae exĩko mã toto.

Ezekieu 47:12

Mame moro tuna asakoro ehpikuroko eperytaketõ emero rokẽ ahtãko mana. Zary tõ aremãpyra mana, eperytakehpyra moro wewe mã kehko. Emero nuno po epery tõ exisenã exĩko mã kehko, tuna oehkehpyra exiryke Ritonõpo Tapyĩ tae. Moro epery tõ tonahsẽme kurãme exĩko mana, zary tõ opime exĩko.

Joeu 3:18

Morarame moro toehse ahtao emory mã tõ pehme exĩko mã kehko uwa zoko ke, onahpoty enahnõko pui tõ mana ypy tõ po, tuna itamurume iporiry tõ ao exĩko Juta tõ nonory po. Ytapyĩ tae tuna tũtãko mana, jakanahmã Akaxia ehxikatohme.

Numeru 24:5

Enekure potu oesarykomo, Izyraeu tomo! Enekure atapyĩkomo!