Numeru 24:4 - Ritonõpo Omiry: A Bíblia Sagrada na língua Aparai do Brasil

⁴ kure rokẽ Ritonõpo omiry etãko roropa. Jesekumuru po typorohse ywy, jenuru tõ onetõ sã, Ritonõpo a tyripose, Jamihmehxo Exikety enepotohme.

Numeru 24:4 Iomraidhean Croise

Jenexi 15:1

Moromeĩpo tõsenepose Ritonõpo Aparã a, ynara tykase ynororo eya: — Aparã, enaromyra exiko. Oewomãko ase oryhmara oepetõkara ehtohme, kurã ke rokẽ oepehmãko ase.

Jenexi 15:12

Mame kohmãsasaka ahtao, Aparã tynyhse tyrõnaka. Mõtoino rokẽ tõserehse ynororo, enaromỹke toehse, tykytyky tykase.

1 Tuisa 22:17

Mame ynara tykase Mikaia eya: — Izyraeu tõ soutatu tõ enẽko ase sapararahme ypy tõ poro kaneru tõ samo tosẽke pyra. Mame ynara tykase Ritonõpo Kuesẽkomo: “Moxiã tosẽke pyra mã toto; ah nytõ toto tosaka xine ropa, osetapara ehtohme,” tykase.

Saumu 89:19

Pake ahtao, enepotoh ae moturuase õmiry omipona exiketomo a: “Soutatu akorehmase, orẽpyra exikety; tuisame mokyro yriase, ynymenekahpyry ahno wino.

Ezekieu 1:28

Moro saerehkatoh okohkuri sã nexiase akurũ poko. Moro saerehkatoh zemime exikety nexiase enetupuhpotohme moroto Ritonõpo imehxo saerehkatoh nexiase.

Numeru 12:6

ynara tykase Ritonõpo: — Seromaroro, etatoko ke jotururu oya xine. Urutõ tõ nae ahtao arãnao xine osenepõko ase eya xine enepotoh ae te, oturũko ase roropa toto maro aosenetykõ ae.

Numeru 22:20

Mame koko tooehse Ritonõpo Paraão a, ynara tykase: — Mokaro toehse exiryke okohmase tymaro xine oytotohme, atakimako toto maro oytotohme. Yrome ynyripory rokẽ tyriko.

Numeru 22:31

Mame Ritonõpo poe, Paraão a Ritonõpo nenyokyhpyry tonese moroto osema tao tapema ke tomahpõke. Paraão typorohse tosekumuru po nono pona, tõmyty po nono pokoxi.

Numeru 24:15

Mame ynara tykase ynororo imeĩpo ehtoh poko: “Sero nase Paraão otururu, Peoa mũkuru, ynekarohpyry sero jenuru kure osenuhmaryhtao,

Numeru 24:5

Enekure potu oesarykomo, Izyraeu tomo! Enekure atapyĩkomo!

Atos 10:10

Morarame Peturu tomitapãse. Tõtukuru se repe. Yrome tõsẽ atahnopyra ro ahtao tõsenehse ynororo Ritonõpo poko.

Atos 10:19

Morarame toepohnopyryhtao ro Ritonõpo Zuzenu omiry totase Peturu a: — Etako pahne, ahno mokaro oupĩko.

Atos 22:17

— Morarame tarona tooehse ropa jahtao, jotururuhtao Ritonõpo maro, imaro oturutoh tao, juaro ro Jezu enease. Ymaro noturuase. Ynara nase ya: “Axĩ ke mya ytoko Jerusarẽ poe. Tarõkõ õmiry etary se pyra exĩko toh mana, ypoko õtururuhtao,” nase Jezu ya.

Apokaripxi 1:10

Nomĩko ae Ritonõpo poko exiase. Mame Zuzenu tooehse ya. Tuaro pyra jahtao omi totase ya, ỹkae opore exikety, rue etone samo.

Apokaripxi 1:17

Mokyro tonese ya ahtao, nono pona epukase imyhtokoxi, ahno ekepyry samo. Mame tapose ywy eya tomary ke apotunuru wino. Ynara nase ya: — Oserehpyra exiko. Ywy ase Osemazuhme aexihpyry, Etyhpyryme aexihpyry, enara.

1 Samueu 19:24

36 Mame moroto tupõ touse eya. Tõturuse Ritonõpo omiry poko Samueu ẽpataka. Mame tohrame tykohmãse ynororo tupoke pyra samo, tõmehse roropa moro saaro. Morara exiryke ynara tykase ahno ipoko: “Sauu roropa urutõ kõ maro nexino, nary.”