Numeru 24:20 - Ritonõpo Omiry: A Bíblia Sagrada na língua Aparai do Brasil

²⁰ Mame moro enepotoh ae amarekita tõ tonese Paraão a, naeroro ynara tykase: “Amareke tõ imehnõ motye orẽpyra toh nexiase repe. Yrome etyhpyryme tonahkasẽme exĩko mã toto jũme.”

Numeru 24:20 Iomraidhean Croise

1 Koronika 4:43

Amarekita tõ akoĩpyry isene ro aexityã totapase eya xine. Mame moroto toehse toto seromaroro pona ro.

Exite 3:1

Moromeĩpo orutua tymenekase tuisa konõto Xerexe a, takorehmane imehxo exiketyme ehtohme. Mokyro esety kynexine Hamã, Hametata mũkuru, Akake ekyrỹpyryme.

Exite 9:14

“Ỹ,” tykase tuisa, tõmiry tysekeremapose eya jarao imoihmãkõ netaryme pata Susã po. Mame Hamã mũkuhpyry tõ 10mãkõ ekepyry tõ tanỹse kae tyhwyme wewe pokona.

Exutu 17:14

Mame ynara tykase Ritonõpo Moeze a: — Onyrihpyrykõ poko imeroko wenikehpyra oehtohkõme, oepetõkara poremãkatopõpyry poko oya xine. Kaxiko Jozue a: “Amarekita tõ enahkapõko ase porehme.”

Exutu 17:16

Mame ynara tykase ynororo: — Ritonõpo esety kamisa poko anỹtoko kakoxi. Kuepetõkara amarekita tõ poremãkapõko Ritonõpo mana, jumãme.

Exutu 17:8

Mame amarekita tõ tooehse osetapase Izyraeu tõ maro Repitĩ po.

Numeru 24:19

Jako pakomotyã wino, orẽpyra exikety exĩko mana; pata põkõ enahkapõko mana.”

Numeru 24:24

Xipere poe epetõkara oehnõko mã toto tywapukõ ae. Axirio tõ poremãkapõko mã toto, Hepea tõ maro. Yrome imeĩpo tonahkasẽme exĩko mã toto, jumãme.”

Numeru 24:7

Konopo itamurume nae Izyraeu tõ exĩko aukurukõme mana te, otyro puhturu ehxikatohme tarykase ahtao eya xine. Ituisarykõ jamihmehxo exĩko mana, Akake motye, tuisamehxo exĩko roropa mana tuisa tõ rãnao.

Juize 6:3

Emero rokẽ tỹkyryrykõ tarykase ahtao Izyraeu tomo a, Mitiã põkõ tooehse, amarekita tõ maro roropa, ona põkõ maro etonatohme.

1 Samueu 14:48

Mame orẽpyra Sauu tõsetapase amarekita tõ maro typoremãkase toto eya. Izyraeu tõ towomase roropa eya imehnõ toehse ahtao toto ryhmase.

1 Samueu 15:2

Amarekita tõ wãnohnõko mana tõsetapase toexirykõke Izyraeu tõ maro aepyrykohtao Ejitu poe.

1 Samueu 30:1

Morarame asakoro tõmehse ahtao Tawi tõ toeporehkase ropa typatarykõ Zikirake pona repe. Yrome toto esahpyry po, amarekita tõ tooehse nexiase, Zikirake tyyryhmase eya xine, tyahkase roropa eya xine.

1 Samueu 30:17

Yrokokoro ẽmepyryme Tawi tomo a totapase amarekita tomo ikohmamyry pona ro. Totapase toto eya xine emero exisasaka. Orutua kõ 400mãkõ nuasemãkõ rokẽ toepase toto kameru tõ po.