Numeru 24:19 - Ritonõpo Omiry: A Bíblia Sagrada na língua Aparai do Brasil

¹⁹ Jako pakomotyã wino, orẽpyra exikety exĩko mana; pata põkõ enahkapõko mana.”

Numeru 24:19 Iomraidhean Croise

Jenexi 49:10

Juta tuisame exĩko mana. Ipakomotyã tuisame exikehpyra mana. Imehnõ ahno tynekarory enehnõko eya. Aomipona exĩko imehnõ nonory põkõ mana.

Izaja 11:10

Moro ẽmepyry toehse ahtao tuisa Tawi pary tuisame exĩko mana, imityme roropa mana Jese tõ Rihpõme exiryke; pãteira sã exĩko mana imehnõ nonory põkomo a. Imeimehnõ nonory põkõ ytõko mã toto eya imaro ehtohme, ipatary kure rokẽ exĩko mana.

Mikeja 5:2

Ynara ãko Ritonõpo mana: — Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe.

Mikeja 5:4

Mokyro tuisa oehnõko mana typoetory tõ pynanohtohme, kaneru pynanohne samo, Ritonõpo jamitunuru ke. Imehxo exĩko mana Ritonõpo Izyraeu tõ Esẽ omi poe. Ipoetory tõ towomasẽme exĩko mana, tuisa jamihme exiryke mya nono etyhpyry pona.

Numeru 24:18

Izyraeu tõ epetõkara poremãkãko mana, etomita tomo. Mokaro nonory apoĩko mana Izyraeu tõ nonoryme ehtohme. Tyjamitunuru enepõko Izyraeu tõ mana.

Numeru 24:20

Mame moro enepotoh ae amarekita tõ tonese Paraão a, naeroro ynara tykase: “Amareke tõ imehnõ motye orẽpyra toh nexiase repe. Yrome etyhpyryme tonahkasẽme exĩko mã toto jũme.”

Mateu 25:46

— Morarame mokaro aropõko mana, apotoimo htaka, jũme toto etuarimatohme. Yrome mokaro rokẽ kurãkõ jũme orihpỹme exĩko toh mana Ritonõpo maro, tykase ynororo eya xine.

Mateu 28:18

Morarame typoetory tomo a Jezu toytose tahtao ynara tykase ynororo: — Emero esẽme toehse ase Ritonõpo poe. Kapuaõkõ esẽme ase, sero nono põkõ esẽme roropa ase.

Ruka 19:12

Mokaro osenetuputyry waro toehse Jezu. Naeroro ynara tykase ynororo eya xine toto osenetupuhtohme: — Pata esẽ kynexine. Pata tamuru pona toytory se kynexine, moẽ pona, tuisamehxo toehtohme. Mame tuisamehxo toehse tahtao tooehtohme ropa, tosaka ropa.

Ruka 19:27

Mame seromaroro moxiã yzehnotokomo, tosẽkõme jexiry satokõkara, enehko toto xiaro ya. Etapatoko toto yneneryme,” tykase esẽkomo, tykase Jezu eya xine.

1 Korĩtiu 15:25

Mame tuisa konõtome Kyrixtu exĩko. Zehno exiketõ poremãkapõko Ritonõpo mana. Toto jamitunuru enahkapõko roropa mana. Kyrixtu omipona exĩko mã toto emero.

Epereu 1:8

Yrome Tumũkuru poko ynara tymeropose Ritonõpo a: “Ritonõpome mase. Tuisame oehtoh exikehpyra mana jũme. Zae oexiryke ipunaka tuisa kurãme mase.

1 Peturu 3:22

Seromaroro Jezu Kyrixtu toytose ropa kapu aka. Ritonõpo maro mana tuisamehxo. Emero kapuaõkõ esẽme mana, tuisamehxo exiketõ esẽme roropa mana, jamihme exiketõ esẽme roropa mana.

Apokaripxi 19:16

Zupõ poko roropa esety tymerose jaxiry poko roropa: “Tuisa tõ tuisary, Esẽkõ esemy,” tymerose roropa nexiase.