Numeru 23:5 - Ritonõpo Omiry: A Bíblia Sagrada na língua Aparai do Brasil

⁵ Mame omi tokarose Ritonõpo a Paraão a ekarotohme Parake a. Mame tonyohse ropa ynororo eya Parake zurutohme.

Numeru 23:5 Iomraidhean Croise

Exutu 4:15

Oturũko mase Arão maro. Zurũko mase aoturutohme. Ãkorehmatorỹko ase õtururukõ poko te, ãmorepatorỹko ase onyrirykõ poko.

Porowepio 16:1

Ahno osenetupuhnõko mã toto ise toehtoh ritohme repe, yrome Ritonõpo rokẽ tyripõko mana.

Porowepio 16:9

Tukurohtao tynyriry poko osenetupuhnõko ahno mana, yrome Ritonõpo rokẽ oehtoh tyripõko mana.

Izaja 51:16

Kapu tyrise ya taunuhmapose roropa, sero nono tyrise ya roropa. Ynara ãko ase Jerusarẽ põkomo a: ‘Ypoetoryme matose, jomihpyry ekaroase oya xine, jemary ke oewomatorỹko ase.’ ”

Izaja 59:21

“Ynara jomiry etapõko ase oya xine,” ãko Ritonõpo mana: “Juzenu, amaro xine exikety te, jomiry roropa ynekarohpyry oya xine, jũme amaro xine exikehpyra exĩko. Morohne poko opoenõ amorepãko matose te, apakomotyã roropa jũme orumekara xine ehtohme,” ãko Ritonõpo mana.

Jeremia 1:9

Mame tomary ke ypotapihpyry tapose Ritonõpo a, ynara nase ya: — Eneko ke! Jomiry ekarõko ase oya, imehnõ zurutohme.

Numeru 22:20

Mame koko tooehse Ritonõpo Paraão a, ynara tykase: — Mokaro toehse exiryke okohmase tymaro xine oytotohme, atakimako toto maro oytotohme. Yrome ynyripory rokẽ tyriko.

Numeru 22:35

Ynara tykase Ritonõpo nenyokyhpyry: — Ytoko moxiã maro; yrome oturuko ynekarory ae rokene. Naeroro Paraão toytose mokaro tamuximãkõ, Parake nenyohtyã maro.

Numeru 23:16

Mame Ritonõpo tõseporyse Paraão maro. Omi tokarose eya Parake zurutohme. Mame tonyohse ropa ynororo Parake a omi ekarotohme eya.

Numeru 23:4

Moroto Ritonõpo tõseporyse imaro. Ynara tykase Paraão: — Apoto apõ 7me yrino. Pui mũkuru tõ 7me tyahkase ya 7me kaneru tõ maro moro apoto apõ tõ po.

Numeru 23:6

Naeroro toytose ynororo Parake a. Tynyahkatopõpyry pũto ro nexiase Moape tamuximãkõ maro.

Ruka 12:12

Ynara exiryke, Ritonõpo Zuzenu ãkorehmatorỹko mana ezukurukõ poko moro tao awahtao xine, tykase Jezu eya xine.

João 11:51

Yrome typoe pyra morara tykase. Ritonõpo Zuzenu poe rokẽ morara tykase ynororo Ritonõpo maro oturuketõ tuisaryme toexiryke moro jeimamyry ae. Morara exiryke mokaro turuse eya Jezu orikyry poko, juteu tõ ewome aorikyry poko.

Teuteronomiu 18:18

Jekyry tõ wino urutõ menekãko ase asã exikety. Jomiry ekarõko ase eya ahno zurutohme, ynyripohpyry emero porehme.