Numeru 23:23 - Ritonõpo Omiry: A Bíblia Sagrada na língua Aparai do Brasil

²³ Pyaxi tomo a, popyra toto ripory kukuruhtao toiparo rokẽ moro kuhnõko mã toto, Izyraeu tõ onyryhmara mã toto. Seromaroro ynara ãko mã toto emero Izyraeu tõ poko: ‘Enetoko ke Ritonõpo nyrihpyry!’

Numeru 23:23 Iomraidhean Croise

Jenexi 3:15

Oxiehno nohpo maro orĩko ase. Ipoenõ oxiehno rĩko roropa ase opoenõ maro, jũme. Mame opuhpyry akurihmõko mana. Omoro ihtainy esekãko mase.

Saumu 31:19

Kure kuhse okyryry tõ onukurãkahpyry ekarotohme õmiry omipona exiketomo a! Kure oehtoh enẽko imehnõ mana emero, oenetupuhnanõ ewomary oya enẽko mã toto.

Saumu 64:9

Ahno emero enaromỹke exĩko; Ritonõpo nyrityã poko oturũko mã toto, osenetupuhnõko mã toto inyriry tõ poko tyjamitunuru ke.

Izaja 41:4

Onoky morohne poko tõsenetupuhse emero tyripotohme? Onoky moino ro apitorymã poe morohne poko tõsenetupuhse morara ehtohme seromaroro? Ywy, Ritonõpo, moroto exine apitoryme, morarame ywy, Ritonõpo, moroto exĩko ase sero etyhpyry po.

Izaja 44:25

Imeĩpo ehtoh ekaronanõ tyrĩko ase putupyra exiketõme, urutõ ajohpãkõ omiry ae onyripopyra ase. Tuaro exiketõ omiry tyrĩko ase zae pyra, zuaro toto ehtoh enepõko ase zuaro pyra ehtoh samo.

Ezekieu 21:21

Papironia tuisary etypohnõko mana osema apiakatoh po. Tyrityã poe tuaro se ynororo tosemary menekatohme. Naeroro typyre wino asakoro pyrou anỹnõko mana, apotunuru wino, opozery wino, enara, tyneponãmary a ekaropõko mana, erery enẽko roropa mana, okyno erery totapase aexihpyry tynekaroryme.

Tanieu 9:15

— Ritonõpo, yna Esemy, ajamitunuru tonepose oya opoetory tõ tarose oya ahtao Ejitu poe, mame wenikehpyra mã toto seroae ro ajamitunuru poko. Yrome yna rypyry poko toehse yna, azahkuru toehse ynanexiase.

Mikeja 7:15

Ajamitunuru enepoko yna a onyrihpyry sã yna enepyryhtao oya Ejitu poe.

Numeru 24:1

Morarame kure rokẽ Izyraeu tõ riry se Ritonõpo ehtoh tonetupuhse Paraão a. Naeroro mya ytopyra nexiase enetupuhpotoh eraximase Ritonõpo poe. Toeramase rokẽ ynororo ona amerehmã wino rokene,

Mateu 12:25

Toto osenetupuhtoh waro Jezu kynexine. Morara exiryke ynara kynako eya xine: — Pata tamuru põkõ oxiehno ahtao atatapoĩko toto. Mame okynã pyra osenahkãko mã toto. Morararo pata pitiko ahtao. Moro põkõ osetaparyhtao osenahkãko mã toto. Tapyi taõkõ roropa tyekyry zehno ahtao osenahkãko mã toto.

Mateu 12:27

“Joroko tamuru poe joroko tõ tũtanohpõko mokyro mana,” ãko matose ypoko repe. Naeroro oturupoxi oya xine. Onoky poe roropa joroko tõ tũtanohpõko ropa opoetory tõ nahe? Joroko tamuru poe joroko tõ tũtanohpõko toh nae? Arypyra. Morararo joroko tamuru tyjamitunuru onekaropyra ya mana. Opoetory tõ eneryke oya xine azahkuru oexirykõ enetupuhnõko matose.

Mateu 16:18

Juaro oehtoh mekaro ya. Naeroro awaro jehtoh ekaroxi oya. Oesety, “Peturu” kary, “Topu pitiko” kary. Topu onytyoromara imehnõ mana. Moro saaro jenetuputyry oya onytyoromara imehnõ mã exĩko, yronymyryme jenetuputyryke oya. Morarame asã emero ypoetory tõ orẽpyra tyrĩko ase, yronymyryme jenetuputyryhtao eya xine. Mame orẽpyra exikehpyra mã toto toorikyrykõ ponãmero, tykase Jezu eya.

João 11:47

Morara exiryke tõximõse toto parixeu tomo te, Ritonõpo maro oturuketõ tuisary maro. Juteu tõ tuisary tõ maro. Enara toh kynexine tõximõse. — Otara ãkohxo sytatohu taroino Jezu poko? Orẽpyra kuhmahko, kurãkõkara kurãkãko kuhmahko.

Atos 10:38

Seromaroro amarokõ roropa Jezu waro exĩko matose. Ritonõpo a Tuzenu tokarose eya emero zuaro ehtohme. Morarame toytoytose ynororo. Ahno poko toenupunase. Joroko nyryhmatyã tukurãkase ropa eya, kurãkõkara roropa, Ritonõpo imaro exiryke.

Atos 15:12

Morarame Panape tõ otururu etatohme emero tymynyhpãse toto. Mame Pauru tõturuse toto netaryme Ritonõpo Zuzenu nyrihpyry kurã poko, kurãkõkara kurãkatopõpyry poko roropa juteutõkara maro.

Atos 4:16

— Otara ãko sytatou mokaro a Jezu poko toto oturukehpotohme? tykase toto, tõturuse oxime rokene. — Kurãkara kurãkahpõ mokaro. Tarõkõ emero zuaro mana, Jerusarẽ põkomo. “Ajohpe,” kara sytatose ipoko xine.

Atos 5:12

Kokoro rokẽ tõximõse toh rahkene Peturu tõ maro, Ritonõpo Tapyĩ taka, Saromão nyrihpyry taka. Mame jamihme tyrise toto Ritonõpo a kurãkõkara kurãkatohme ropa eya xine.

Atos 5:14

Mame tuhke Jezu poetory tõ toehse, orutua komo, nohpo tomo, enara. Tuhke tomãse toto.

Romanos 16:20

Ritonõpo poe torẽtyke pyra sytatose. Okynã pyra joroko tamuru akurihmõko Ritonõpo mana opupurukõ zopikoxi. Ijamitunuru enahkapõko mana ohtomazomopyra xine aehtohme. Kuesẽkõ Jezu kure oritorỹko mana.

Teuteronomiu 3:24

“Ritonõpo Jesemy, zuaro ase, imehxo oehtoh enepopitõko mase ya opoetoryme. Imepỹ ritõ pyra mana kapu ao te, sero nono po roropa asã exikety pyra mana. Senohne onyrityã kurã riry waro exikety pyra mana. Omoro rokẽ senohne osenuruhkatoh rineme mase.

Jozue 13:22

Morararo Izyraeu tomo a totapase roropa Paraão, Peoa mũkuru, pyaxime exikety, joroko tõ poko exikety imeĩpo ehtoh waro ehtoh poko exikety.

Apokaripxi 12:9

Zakareimo konõto tomapose kapu ae. Pake mokyro okoime. Esety joroko tamuru, Satanaxi esetyme roropa mana. Onekunohto ynororo. Sero nono põkõ tonekunohse eya porehme. Mokyro tomapose kapu ae nono pona, ipoetory tõ maro, joroko tõ maro.