Numeru 23:10 - Ritonõpo Omiry: A Bíblia Sagrada na língua Aparai do Brasil

¹⁰ Jako pakomotyã putoh katoh sã mã toto; tuhke mã toto, ikuhpỹme. Jorikyry se ase mokaro Ritonõpo poetory tõ samo. Jorikyry se ase torẽtyke pyra, ajohpe pyra exiketõ samo.”

Numeru 23:10 Iomraidhean Croise

Jenexi 13:16

Apakomotyã rĩko ase tuhke, ekuhpỹme, isawã samo sero nono po. Isawã onukuhsaromepyra. Moro sã apakomotyã tuhke exiry onukuhsaromepyra exĩko mã toto.

Jenexi 22:17

Apakomotyã tuhke emãnõko mã toto ypoe, ikuhpỹme toto ehtohme xirikuato ikuhpỹme ehtoh samo kapu ao te, isawã ikuhpỹme ehtoh sã roropa tuna konõto ehpio. Topetõkara poremãkapõko mã toto.

Jenexi 28:14

Apakomotyã roropa tuhke exĩko mã toto, ikuhpỹme isawã samo sero nono po. Sapararahme exĩko mã toto inikahpozakoxi te, ikurenaka te, xixi tũtatoh wino te, xixi omõtoh wino, enara. Mame opokoino xine apakomotyã maro, kure rokẽ imehnõ rĩko ase emero nono põkomo.

Saumu 116:15

Sam ãko Ritonõpo mana typoetory poko aorikyry eneryhtao eya!

Saumu 37:37

Zae ehtoh poko exiketõ eneko, ajohpe pyra exiketõ roropa; atatapoipyra exiketõ typoenõke, typakõke roropa mã toto,

Porowepio 14:32

Popyra exiketõ osenahkãko mã toto popyra tynyrityã ke, yrome zae ehtoh poko exiketõ towomase mã toto zae inyrityã exiryke.

Numeru 2:16

— Rupẽ tõ maro ytoketõ atapona 151.450me ytoytõko okomino, Juta tõ mykapo.

Numeru 2:24

— Eparaĩ tõ maro ytoketõ atapona 108.100me ytoytõko oximõmãkõ oseruaome samo rewita tõ mykapo.

Numeru 2:31

— Tã tõ maro ytoketõ atapona 157.600me toh nexiase. Etyhpyryme ytoytõko toh nexiase.

Numeru 2:9

— Juta tõ maro ytoketõ atapona 186.400me ytoytõko osemazuhme.

Numeru 31:8

Aorihtyã ekepyry tõ maro Ewi nexiase te, Rekẽ te, Zua te, Huru te, Repa, enara; 5me mitianita tuisary tomo. Paraão roropa totapase eya xine Peoa mũkuru.

2 Korĩtiu 5:1

Tapyi sã axĩtao rokẽ kuokokõ mana sero nono po. Morarame toorihse kuahtao xine kuekepyrykõ rumekãko sytatose. Mame imepỹ kuokokõ myakã nae Ritonõpo mana kapu ao. Tynyrihpyry ekarõko kyya xine mana kytapyĩkõme, jũme exiketyme.

Apokaripxi 14:13

Mame omi etase ropa kapu ae. Ynara nase: — Ynara imeroko: “Ritonõpo nyrohmanohpotoh poko erohketõ toorikyrykohtao tãkye exĩko toh mana.” — Aõ, ajohpe pyra nase, nezukuase Ritonõpo Zuzenu. Oseremãko mã toto toerohkehxĩpo xine. Toerohtamitukõ apoĩko roropa mã toto, nase Ritonõpo Zuzenu.