Numeru 22:3 - Ritonõpo Omiry: A Bíblia Sagrada na língua Aparai do Brasil

³ tonaroxitapãse ynororo Izyraeu tõ poko, tuhke toto exiryke. Enaromỹke Moape tõ toehse rahkene Izyraeu tõ zuno.

Numeru 22:3 Iomraidhean Croise

Neemia 13:2

Morara tykase Moeze tonahsã onekaropyra, tuna maro Amõ tõ exiryke, Moape tõ roropa Izyraeu tomo a tutũtase toto ahtao Ejitu poe. Mãpyra Paraão a tineru topehmase eya xine popyra Izyraeu tõ ripotohme eya. Yrome popyra toto ripotopõpyry tymyakãmase Ritonõpo a kure rokẽ toto riryke.

Saumu 53:5

Yrome imeĩpo enaromỹke exĩko mã toto, tykytyky ãko, moro oserehtoh panõ onukuhpitopyra toh nexiase, typoetory tõ epetõkara zehpyry pahnõko Ritonõpo exiryke. Turumekase mã toto, Ritonõpo a, naeroro toto poremãkãko Izyraeu tõ mana porehme.

Exutu 1:12

Yrome itamurumehxo tyrohmanohpose toto ahtao Ejitu põkomo a itamurumehxo Izyraeu tõ tomãse. Toto zuno toehse Ejitu põkomo,

Exutu 15:15

Etõ põkõ tamuximãkõ roropa tonaroxitapãse mã toto. Moape põkõ jamihmãkõ typoremãse mã toto. Kanaã põkõ emero tykytyky ãko mã toto.

Exutu 23:27

— Oepetõkara rĩko ase enaromỹke, juno toto ehtohme. Tuaro pyra toto rĩko ase, otupĩko mã toto imaro xine õsetaparykohtao. Owino xine oepetõkara enepanohpõko ase.

Izaja 23:5

Ejitu põkõ ihnamõko roropa mã toto zuaro toehse toto ahtao Tiro tõ enahkatopõpyry poko.

Teuteronomiu 2:25

Ynara tykase roropa Ritonõpo ya: “Taroino ahno tõ emero ouno xine tyripõko ase, sero nono po. Enaromỹke exĩko mã toto, tykytyky ãko mã toto ahno otururu etaryke opoko xine.”

Jozue 2:24

Mame etyhpyryme ynara tykase toto: — Tuaro toehse ynanase. Sero nono emero ekarõko Ritonõpo kyya xine mana. Moro põkõ emero enaromỹke mã toto, kunoxine mã toto.

Jozue 9:24

Ynara tykase toto Jozue a: — Moro sã tyrise yna a tuaro toehse yna exiryke Ritonõpo nyripohpyry poko Moeze a, sero nono ekarotoh poko porehme Izyraeu tomo a, sero nono põkõ etapatoh poko roropa emero. Moro sã toehse yna ouno xine exiryke, yna orikyry zuno.