Numeru 22:18 - Ritonõpo Omiry: A Bíblia Sagrada na língua Aparai do Brasil

¹⁸ Ynara tykase Paraão: — Uuru emero ekaroryhtao Parake a ya, parata maro emero tytapyĩ konõto tao aexityamo, Ritonõpo omiry onytyoromasaromepyra ase. Aomiry onymotyẽkara ase, Ritonõpo nyripohpyry omipona pyra jexiryino.

Numeru 22:18 Iomraidhean Croise

1 Tuisa 13:8

— Omõkomory zokonaka ekaroryhtao ya ytopyra ase amaro; otuhpyra ase, eukuru onẽpyra ase taro.

1 Tuisa 22:14

Yrome ynara tykase Mikaia eya: — Ritonõpo rokẽ Imehxo Exiketyme mana. Inetaryme ynara ãko ase oya; inekarory rokẽ zurũko ase! tykase.

2 Koronika 18:13

Yrome ynara tykase Mikaia eya: — Ritonõpo rokẽ Imehxo Exiketyme mana. Inetaryme ynara ãko ase oya, inekarory rokẽ ekarõko ase! tykase.

Jo 3:15

Otarame kowenatu sã exiry tytapyĩkõ pehkananõ uuru ke, parata maro.

Tanieu 5:17

Ynara tykase Tanieu: — Okyryry kurã ikurãkako. Ekarory se awahtao onekarory tõ ekaroko imepyny a. Yrome moro omi tymerose aexihpyry apuru poko sekeremãko ase, enetupuhtoh ekarõko roropa ase oya.

Numeru 22:19

Yrome seromaroro taro oẽmehtoko zuaro jehtohme. Otarame Ritonõpo oturutoh nae ro mana tõturutohme ya.

Numeru 22:38

Ynara tykase Paraão eya: — Yrome taro ase seromaroro amaro rahkene. Yrome oturusaromepyra ase jamoreme; Ritonõpo nekarory ke rokẽ ourũko ase, onymotyẽkara ase.

Numeru 22:8

Mame ynara tykase Paraão eya xine: — Taro oẽmehtoko, kokoro Ritonõpo a ezuhtoh ekarõko ase oya xine. Naeroro mokaro Moape tõ tamuximãkõ moroto tõmehse Paraão maro.

Numeru 23:26

Ynara tykase Paraão eya: — Morara exiryke moro sã tykase ywy oya, Ritonõpo nekarory rokẽ ekarõko ase oya, tykase ywy.

Numeru 24:12

Ynara tykase Paraão: — Õmiry aronanomo a oturuase, ynara ase eya xine,

Numeru 24:13

parata ke topehmase jahtao oya, uuru maro emero atapyĩ tao exikety, Ritonõpo, Jesẽ nyripohpyry omipona pyra ehsaromepyra ase. Mokaro zuruase: jamoreme emero rokẽ onyrisaromepyra ase, Ritonõpo omi poe rokẽ oturũko ase.

Atos 8:20

Yrome Peturu a tozuhse ynororo. Ynara tykase: — Ritonõpo oenyohsasaka mana apotoimo htaka otinerũ maro, inekarohpyry epekatyry se oexiryke tineru poko.

Titu 1:16

Moro saaro imehnomo: “Ritonõpo waro ynanase,” ãko toh mã repe. Yrome kure ehtoh poko pyra mã toto. Popyra ipunaka mã toto Ritonõpo neneryme. Imeimehnõ zehno mã toto Ritonõpo omipona pyra. Kure imehnõ riry waro pyra mã toto, enara.

Jozue 24:10

Yrome Paraão omiry etary se pyra exiase, naeroro kure rokẽ amarokõ tyripose eya. Moro sã kypynanopyatose oryhmara xine Parake ehtohme.