Numeru 22:12 - Ritonõpo Omiry: A Bíblia Sagrada na língua Aparai do Brasil

¹² Ynara tykase Ritonõpo Paraão a: — Mokaro maro ytopyra exiko, popyra Izyraeu tõ onyripopyra exiko roropa, ahno kurãme tyripose toto exiryke ya.

Numeru 22:12 Iomraidhean Croise

Jenexi 12:2

Apakomotyã mã tuhke emãnõko mana. Kure rokẽ orĩko ase, tuhkãkõ awaro exĩko mã toto, kure rokẽ imehnõ rĩko roropa mase.

2 Koronika 31:10

Ynara tykase Azaria, Ritonõpo maro oturuketõ tuisary, Zatoke pary, tuisa a: — Tynekarorykõ enehpitoryhtao ahno a Ritonõpo Tapyĩ taka, tonahsẽ yna napyryme epo toehse nase, imotye roropa. Kure typoetory tõ tyrise Ritonõpo a, morara exiryke senohne nae ynanase.

Saumu 144:15

Tãkye mã mokaro morohne nae exiketomo! Tãkye roropa mã toto Tosẽkõme Ritonõpo enetupuhnanomo!

Saumu 146:5

Tãkye mã mokyro takorehmaneke Ritonõpo ke, Jako esemy; tosẽme Ritonõpo enetupuhnõko mana typynanohneme.

Izaja 61:9

Apakomotyã imehxo exĩko mã toto imeimehnõ nonory po emero; toto eneryhtao imehnomo a zuaro exĩko mã toto kure rokẽ mokaro tyrise mã toto ya.”

Mikeja 6:5

Ypoetory tomo, wenikehpyra ehtoko Parake, Moape tuisary osenetupuhtoh poko oritohkõme te, Paraão, Peoa mũkuru ezuhtopõpyry poko roropa eya. Wenikehpyra ehtoko emero ehtopõpyry poko jakanahmã Akaxia tõ poe oytotopõpyrykõ poko mya oeporehkatopõpyrykõ pona pata Kiukau pona. Wenikehpyra ehtoko oepetõkara poremãkatopõpyry poko ya opynanohtohkõme.

Numeru 22:11

Ahno tutũtase Ejitu poe, sero nono pehkãko mã toto. Jaropory se mana, popyra mokaro ripotohme. Moro tyrise ahtao otarame toto poremãkãko mana, toto aropotohme taroino.

Numeru 22:13

Yrokokoro pakeimo Paraão towõse, ynara tykase tamuximãkomo a, Parake nenyohtyamo a: — Ytotoko ropa oesaka xine. Amaro xine jaropopyra Ritonõpo mana.

Numeru 22:6

Ajohpame sã, osehko xiaro axiny mokaro ripotohme popyra. Ymotye jamihme mã toto. Popyra ehtoh tonehpose mokaro pona awahtao otarame mokaro poremãkapõko ase, toto aropotohme taroino. Zuaro ase: imehnõ kure tyripose ahtao oya, kure toto exĩko. Yrome popyra toto ehtoh tonehpose ahtao oya popyra ehtoh oehnõko toto pona.”

Numeru 23:23

Pyaxi tomo a, popyra toto ripory kukuruhtao toiparo rokẽ moro kuhnõko mã toto, Izyraeu tõ onyryhmara mã toto. Seromaroro ynara ãko mã toto emero Izyraeu tõ poko: ‘Enetoko ke Ritonõpo nyrihpyry!’

Numeru 23:3

Ynara tykase Paraão, Parake a: — Taro exiko onyahkahpyry pũto, morotona ytõko ase. Otarame Ritonõpo oehnõko ya oturuse. Mame inyripohpyry emero ekarõko ase oya. Naeroro Paraão tõnuhse toiroro somokyhmã emory pona.

Numeru 23:8

Mokaro popyra onyriposaromepyra ase, popyra toto onyripyra Ritonõpo ahtao. Toto onuãnohposaromepyra ase, toto wãnopyry se pyra Ritonõpo ahtao.

Numeru 24:9

Reão jamihmã sã Izyraeu mana: tynyhse ynororo ahtao ipakary zuno mã toto. Kure rokẽ Izyraeu tõ ripory se exiketõ, kure rokẽ exĩko mã toto. Popyra Izyraeu tõ riponanõ, popyra tyriposẽme exĩko mã toto.”

Mateu 27:19

Morarame kowenatu apiakatoh tao typorohse Pirato ahtao pape taropose ipyty a ineneryme: — Mokyro onyryhmapopyra exiko kurãme aexiryke. Ipoko osenehse jẽmehno, tykase ynororo tynio a.

Romanos 11:29

Ritonõpo kure ehtoh onytyoromara mana. “Mokaro pynanohnõko ase,” karyhtao eya, toto pynanohnõko mana. “Moxiã menekãko ase ypoenõme toto ehtohme,” karyhtao eya, toto menekãko mana.

Epezu 1:3

“Kure mase Papa Kapuaono,” sykatone Ritonõpo a, Jezu Kyrixtu Kuesẽkõ zumy a, kure rokẽ tyrise kuexirykõke, Tumũkuru Kyrixtu maro. Mame Tuzenu emero ekarõko kyya xine mana. Kure kapuaõkõ ritopõpyry sã kure kyritorỹko Ritonõpo mana.

Teuteronomiu 2:7

— Wenikehpyra ehtoko, kure rokẽ amarokõ tyrise Ritonõpo a, Kuesẽkomo, oytorykohtao sero ona tonorẽ konõto poro, 40me jeimamyry. Opoko xine wenikehpyra toehse ynororo, opyno xine nexiase, ise oehtohkõ tokarose eya oya xine.

Teuteronomiu 23:5

Yrome Paraão omiry onetara Ritonõpo Kuesẽkõ nexiase; popyra ehtoh inenehpohpyry tymyakãmase Ritonõpo a kure ehtohme opyno xine Ritonõpo exiryke.

Teuteronomiu 28:6

— Kure oritorỹko mana emero poko oerokuruhtao.

Teuteronomiu 33:29

Izyraeu tomo, atãkyemãko matose! Imehnõ asã xine pyra mana, ahno typynanohse Ritonõpo Oesẽkomo a. Oewomatohkõme Ritonõpo mana, atapemãkõme roropa mana Oewomanekõme, orẽpyra oritohkõme roropa. Tosekumurukõ po porohnõko oepetõkara mana, osepynanohpõko oya xine. Mame inonorykõ apoĩko matose ononorykõme.

Teuteronomiu 7:14

Imehnõ sero nono põkõ motye kure oritorỹko Ritonõpo mana. Amarokõ emero tumũkue exĩko matose, oeky tõ roropa emero tumũkue exĩko mã toto.