Numeru 21:7 - Ritonõpo Omiry: A Bíblia Sagrada na língua Aparai do Brasil

⁷ Naeroro toytose toto Moeze a oturuse imaro, ynara tykase toto: — Iirypyryme toehse ynanase, Ritonõpo kerekeremaryke yna a, okerekeremaryke roropa yna a. Oturuko Ritonõpo a okoi tõ arotohme ropa yna winoino. Tõturuse Moeze Ritonõpo a ahno pyno ehtohme.

Numeru 21:7 Iomraidhean Croise

Jenexi 20:17

Morara toehse Sara exiryke, Aparão pyty, tyrohsẽ tonehpose Ritonõpo a Apimereke tapyĩ taõkõ pona. Nohpo tõ emero emũkuasaromepyra tyripose toto Ritonõpo a. Mame Aparão tõturuse Ritonõpo a Apimereke tõ poko, tukurãkase ropa toto Ritonõpo a, Apimereke te, ipyty te, ipoetory tõ maro emero, toto emũkuatohme ropa.

Jenexi 20:7

Seromaroro nohpo ekaroko ropa inio a. Morararo urutõme aexiryke oturũko ya mana opoko orihpyra oehtohme. Yrome nohpo onekaropyra ropa awahtao ourũko ase, orihnõko mase rahkene oekyry tõ maro.

1 Tuisa 13:6

Mame tuisa Jeropoão ynara tykase urutono a: — Ajohpãme sã ypoko oturuko Ritonõpo Oesemy a, jemary kurãkatohme ropa, tykase. Naeroro aomi poe tõturuse ynororo Ritonõpo a, mame tuisa emary tukurãkase ropa.

2 Tuisa 13:4

Mame Jeoakaze tõturuse Ritonõpo Izyraeu tõ esemy a, mame typoetory Izyraeu tõ ryhmatopõpyry Xiria tõ tuisary a eneryke tyya, aomiry totase eya.

Jo 42:10

Moromeĩpo tõturuse Jo ahtao tope tõ oseruaõkõ poko, kure rokẽ Jo tyrise ropa Ritonõpo a, imõkomory itamurumehxo tokarose roropa Ritonõpo a.

Jo 42:8

Seromaroro 7me pui orutua kõ apoitoko, 7me kaneru tõ maro ekarotohme Jo a. Mame onekarorykõme etapako toto jahkatohme opynanohtohkõme. Ypoetory Jo oturũko mana ya opoko xine. Aomiry etãko ase. Awãnohpyra xine exĩko ase oorypyrykõ emetakame, zae pyra õturutopõpyry ke ypoko, Jo nekarohpyry sã pyra.

Saumu 106:23

Naeroro: “Toto enahkapõko ase,” tykase Ritonõpo Izyraeu tõ poko; yrome Moeze, inymenekahpyry typoetoryme toexikihmase Ritonõpo ẽpataka toto ewomatohme, toto onenahkara aehtohme.

Saumu 78:34

Yrome toitoine totapase toto ahtao eya, tupise ynororo orihpyra exiketomo a; toeramase ropa toto tyyrypyrykõ rumekary se toehse toto, yronymyryme tõturuse toto Ritonõpo a.

Exutu 10:17

Seromaroro yyrypyry ikorokapoko Ritonõpo a. Oturuko roropa eya sero juãnohtoh xihpyry aropotohme ropa ywinoino.

Exutu 32:11

Yrome tõturuse Moeze Ritonõpo a. Ynara tykase ynororo: — Ritonõpo, yna Esemy, oty katohme opoetory tõ zehno mexino ajamitunuru ke toto enehxĩpo Ejitu poe?

Exutu 32:30

Yrokokoro ynara tykase Moeze imoihmãkomo a: — Oorypyrykõ xihpyry poko mexiatose Ritonõpo neneryme. Mãpyra seromaroro onuhnõko ropa ase ypy pona oturuse Ritonõpo maro. Otarame jomiry etaryhtao eya oorypyrykõ korokãko mana.

Exutu 8:28

Mame ynara tykase tuisa: — Ỹ, ytotoko. Aaropotorỹko ase. Oekykõ etapatatoko jahkatohme onekarorykõme Ritonõpo Oesẽkomo a. Yrome mya nymyry pyra ytotoko. Oturutoko ypoko roropa, tykase Ejitu tuisary eya xine.

Exutu 8:4

Pyhseky ãko pororu tomo opona xine te, ahno pona te, otuisary tõ pona, enara.”

Exutu 8:8

Mame Moeze tõ tykohmapose tuisa a Arão maro. Ynara tykase ynororo: — Oturutoko Oesẽkõ Ritonõpo a pororu tõ aropotohme ropa yna wino. Izyraeu tõ aropõko ase amaro xine okyno tõ zahkatohme onekarorykõme eya, tykase repe.

Izaja 26:16

Ritonõpo, opoetory tõ tuãnohse oya; yna etuarimaryhtao ynanoturuase oya.

Jeremia 15:1

Mame ynara tykase Ritonõpo ya: — Moeze maro Samueu tõ xikihme tooehse ahtao jẽpataka oturutohme ya mokaro pynanohtohme, toto pyno pyra jexiry. Aropoko toto taroino, mya toto ytotohme ywinoino.

Jeremia 37:3

Mame Jukau, Seremia mũkuru, oturukety Sowonia maro, Maaseia mũkuru tonehpose tuisa Zetekia a oturuse ymaro. Ynara tykase toto ya: — Ajohpãme sã, Jeremia, oturuko Ritonõpo Kuesẽkomo a, yna poko.

Ozeja 5:15

— Mame ytõko ropa ase jesaka, moroto exĩko ase toto eraximaryme. Tyyrypyrykõ enetuputyryhtao eya xine, toetuarimarykohtao roropa, oehnõko mã toto jupise.

Numeru 11:2

Kui tykase toto, tykohtase Moeze a takorehmapotohkõme; tõturuse Moeze ahtao Ritonõpo a, apoto tozehse.

Mateu 27:4

— Iirypyryme ase ahno kurã towokase ya exiryke. Mokyro orihmapory se pyra ase, tykase ynororo eya xine repe. Yrome oty kara toh kynexine. — Kũ omorohko, tykase rokẽ toto eya.

Atos 8:24

Mame ynara tykase Ximão eya xine: — Ajohpãme sã kaxitoko amarokõ ypoko. Oturutoko Ritonõpo a kure rokẽ jehtohme, juãnohpyra Ritonõpo ehtohme, tykase ynororo Peturu tomo a.

Romanos 10:1

Wekyry tomo, juteu tõ pynanopyry poko penetãko ywy yronymyryme. Wekyry tõme mã toto. Naeroro Ritonõpo maro oturukehpyra ase toto kurãkary poko.

Teuteronomiu 9:20

Arão zehno toehse roropa ynororo, etapary se nexiase. Morara exiryke oturuase Ritonõpo a, Arão pynanohtohme ropa.

Tiaku 5:16

Morara exiryke iirypyryme awahtao xine ekarotoko imehnõ netaryme, oorypyrykõ rumekatohme ropa oya xine, ikorokatohme roropa Ritonõpo a. Oturutoko Ritonõpo a imehnõ poko roropa okurãkatohkõme ropa. Mame aomipona exiketõ otururuhtao yronymyryme õmirykõ etãko Ritonõpo mana. Tyjamitunuru ekarõko oya xine mana tõmipona exiketõme oexirykõke.

1 Samueu 15:24

— Tyyrypyhpyke ase, tykase Sauu, — Ritonõpo Kuesẽkõ omihpyry omipona pyra toehse jexiryke. Õmihpyry roropa omipona pyra toehse ywy. Ahno zuno jexiryke, ise toto ehtoh tyrise ya.

1 Samueu 15:30

— Tyyrypyhpyke ase, tykase ropa Sauu. — Ajohpãme sã kure kuekaroko Izyraeu tõ esẽ neneryme, imoihmãkõ neneryme roropa. Ymaro eropa Ritonõpo Oesẽ eahmase oximaro, tykase.