Numeru 21:26 - Ritonõpo Omiry: A Bíblia Sagrada na língua Aparai do Brasil

²⁶ Hexipõ nexiase Seõ patary, amoreu tõ tuisary patary. Osemazuhme tõsetapase ynororo nexiase moapita tuisary maro. Moape tõ nonory tapoise eya tosaryme ehtohme tuna Aranõ pona.

Numeru 21:26 Iomraidhean Croise

Kãtiku 7:4

Opymyry tapyi kaetokohxo exikety sã mana, maafim risẽ samo. Oenuru tõ tuna pẽkamã sã mã kehko pata Hexipõ po, moro pata imehxo exikety omõtoh pũto. Oeunary nupunato mana, tapyi kaetokohxo exikety sã Ripano po. Moro poe pata Tamaxiku osenẽko mana.

Kãtiku 7:5

Oupuhpyry jũme tanỹse mana, ypy Karameru samo. Oũsety kamisa kurã sã mana. Moro kure ehtoh eneryke tuisa a tymyhse sã exĩko mana, anamotome samo.

Jeremia 48:2

Imehxo Moape tõ ehtopõpyry tonahse. Hexipõ po, epetõkara osenetupuhnõko mã toto tynyrirykõ poko: ‘Ehmaropa, Moape tõ enahkase!’ Soutatu tõ ytõko mã toto pata Matamẽ poremãkase; mynyhme rokẽ exĩko moro pata põkomo.

Jeremia 48:20

Ynara ãko ezuhnõko mã toto: “Moape nonory põkõ typoremãkase mã toto. Ixitatoko mokaro poko tonahkase toto exiryke. Zuruko toto tuna Aranõ ehpikuroko Moape poremãkatopõpyry poko.”

Jeremia 48:45

Imehnõ epãko mã toto, tapotũkehse, osewomatoh zupĩko pata Hexipõ po repe. Yrome Hexipõ, tuisa Seõ patahpyry zahnõko mana. Moape nonory ehpio tyahkase, ypy tõ emory roropa, osetapary se exiketõ esary.

Numeru 21:25

Morara exiryke amoreu tõ patary tõ tapoise Izyraeu tomo a emero. Moro pata tõ tyrise eya xine typatarykõme, Hexipõ te, pata pisarara roropa Hexipõ zomye exiketomo.

Numeru 21:27

Morara exiryke tuaro exiketõ moro poko ynara ãko mã toto: “Osehtoko Hexipõ pona, tuisa Seõ patary pona! Moro pata rĩko ropa mana, kure rokẽ Seõ patary exĩko ropa mana.

Teuteronomiu 1:4

Morara kynexine Seõ tõ poremãkaxĩpo Moeze a, amoreu tõ tuisary, pata Hexipõ pono, Oke maro, Pasã tuisary, pata Axitarote pono, Eterei põme roropa.

Jozue 13:16

Moro nono kynexine pata Aroea poe, jakanahmã Aranõ ehpio te, imepỹ pata roropa moro jakanahmã rãnao, pata Metepa pona, nono jakuraramã maro, moro pata zomye.

Jozue 13:17

Morohne maro Hexipõ kynexine, pata tõ maro moro jakuraramã po: Tipõ te, Pamote-Paau te, Pete-Paau-Meõ te,

Jozue 13:25

Esarykõme ynara kynexine: Jazea te, Kireate patary tõ emero te, amonita tõ esary zokonaka maro pata Aroea pona, Rapa poe xixi tũtatoh wino.

Jozue 21:39

Hexipõ te, Jazea, enara, ona pata tõ zomye exikety maro. Atapona asakoropane pata tomo.

Juize 11:26

300me jeimamyry taropose Izyraeu tomo a Hexipõ po, Aroea po roropa. Imehnõ pata tõ po tooehse roropa toh kynexine moro pata tõ pũto, pata tõ po roropa emero tuna Aranõ ehpikuroko. Oty katoh moro pata tõ anapoipyra mexiatose pake?