Numeru 18:26 - Ritonõpo Omiry: A Bíblia Sagrada na língua Aparai do Brasil

²⁶ rewita tõ zurutohme ynara: — Izyraeu tõ nekarohpyry tõ tapoise ahtao oya xine, omame porehme exiketõ ousemy toiro exikety, Ritonõpo nekarohpyryme oya xine, omame porehme exiketõ ousemy toiro exikety apiakãko matose ekarotohme onekarorykõme kurã Ritonõpo a.

Numeru 18:26 Iomraidhean Croise

Neemia 10:38

Oturukety toiro Arão paryme, rewita tõ maro exĩko moro zokonaka apoiryhtao eya xine. Mame morohne tapoise ahtao 10me ahtao toiro tarosẽme exĩko rewita tomo a ikurãkatohme Ritonõpo Tapyĩ taka, Ritonõpo Tapyĩ tao enahtohme.

Neemia 10:39

Morohne ahno nekarotyã arõko toto, Izyraeu tomo te, rewita tomo ikurãkatoh taka: tiriiku tõkehko te, uwa eukuru jehnahpyry te, azeite, enara. Moro tao Ritonõpo Tapyĩ mõkomory mana. Moroto oturuketõ esary toerohtoh poko toto ahtao te, omõtoh erasamo te, eremiaketõ roropa, enara. Ritonõpo Kuesẽkõ Tapyĩ onurumekara sytatose.

Numeru 15:21

Amarokomo, opoenomo te, apakomotyã roropa moro pão ekarõko matose Ritonõpo a onekarorykõme kurã eya.

Numeru 18:21

Ynara tykase Ritonõpo Arão a: — Omame porehme exiketõ ousemy toiro exikety ekarõko ase rewita tomo a. Moro tineru tokarose ahtao Izyraeu tomo a ya, moro tokarosẽme exĩko rewita tomo a Tapyi Kurã poko toto erohtamitume.

Numeru 18:25

Ritonõpo, Izyraeu tõ Esẽ turupose Moeze a

Numeru 18:27

Moro onekarohpyrykõ tupito poko erohkety nekarory sã mana tykyrysã apoipitoryhtao, uwa eukuru jehnahpyry tyripitoryhtao roropa eya.

Epereu 7:5

Rewi pakomotyã poko ourutorỹko ase. Ritonõpo maro oturuketõme toto ahtao Ritonõpo nymeropohpyry poe ynara ãko mã toto imehnõ juteu tomo a: “Omõkomorykõ apiakatoko zokonaka ekarotohme yna a,” ãko mã toto tyekyry tomo a. Aparão pakõme toto ahtao ro: “Zokonaka ekarotoko yna a,” ãko mã toto eya xine.