Numeru 17:2 - Ritonõpo Omiry: A Bíblia Sagrada na língua Aparai do Brasil

² — Oturuko Izyraeu tomo a, 12me oxiekyrymãkõ tuisary tomo a imyxiry enehtohme, 12me imyxiry tõ ehtohme atapona. Mame tuisa esety imeroko imyxiry pokona.

Numeru 17:2 Iomraidhean Croise

Jenexi 49:10

Juta tuisame exĩko mana. Ipakomotyã tuisame exikehpyra mana. Imehnõ ahno tynekarory enehnõko eya. Aomipona exĩko imehnõ nonory põkõ mana.

2 Koronika 31:17

Ritonõpo maro oturuketõ esetykõ tymerose oxiekyryme exiketõ maro. Mokaro rewita tomo 20me jeimamyry nae aexityamo, esetykõ tymerose oximaro erohketõ maro.

Saumu 110:2

Tuisame oehtoh orẽpyrahxo tyripõko Ritonõpo mana Jerusarẽ poe. “Oepetõkara Esẽme exiko,” ãko Ritonõpo Kuesẽkõ mana.

Saumu 125:3

Zae pyra exiketõ jũme pyra tuisame exĩko mã toto, zae exiketõ nonory esẽme. Okynahxo zae pyra exiketõ tuisame ahtao, otarame mokaro zae exiketõ popyra ehtoh poko exipitõko mã toto.

Exutu 30:26

Sero ahpatoh ke Tapyi Kurã, ymaro Oturutoh ahpako te, kaxo jomihpyry eny roropa te,

Exutu 4:17

Sero omyxiry aroko amaro. Ike yjamitunuru enepõko mase.

Exutu 4:2

Naeroro ynara tykase Ritonõpo: — Oty moro oemahpo? — Ymyxiry, tykase Moeze.

Ezekieu 19:14

Zoko tyahkase apoto ke; amoriry kehko tonahkase apoto a uwa tõkehko maro. Jũme amoriry tõ jamihme pyra exĩko mã kehko. Jũme tuisa myxiryme exipyra ropa mana. Sero eremiatoh emynyhmatoh poko, tuhke toremianohse kyya xine.

Ezekieu 21:10

Taere mana sahkatõme; tykorokase zemime ehtohme nenenehkane samo. Tãkye ehsaromepyra mã toto, enaroximatoh tonõ turumekase exiryke ypoetory tomo a emero, toto wãnohtoh tonõ roropa.

Ezekieu 21:13

Sero ke ypoetory tõ kuhnõko ase. Tyyrypyrykõ rumekary se pyra toto ahtao, senohne emero exĩko eya xine mana. Ywy, Ritonõpo Oesẽkõ, oturuno.”

Mikeja 7:14

Ritonõpo yna Esemy, yna pyno exiko kaneru pyno exikety samo, oekyme sã, kaneru tõ sã yna exiryke. Toiroro sã ynanase itu htao tapuruse samo nono kurã ke, otyro zamaro exikety ke. Onyrihpyry sã pake, yna aroko seromaroro onahpoty kurã pona Pasã po, Kireate po roropa.

Numeru 17:1

Mame ynara tykase Ritonõpo Moeze a:

Numeru 17:3

Moromeĩpo Arão esety imeroko Rewi tõ myxiry pokona. Toiro myxiry exĩko toiro oxiekyrymãkõ tuisary esety ke.

Numeru 7:1

Morarame tõtyhkase Moeze ahtao Ritonõpo Tapyĩ riry poko, Ritonõpo Tapyĩme Kurã typopase eya, Tapyi mõkomory maro, apoto apõ mõkomory maro. Morohne tapiakase eya Ritonõpo poko rokẽ ehtohme.