Numeru 16:29 - Ritonõpo Omiry: A Bíblia Sagrada na língua Aparai do Brasil

²⁹ Mokaro orutua kõ orikyry emero rokẽ orikyry sã ahtao, toto onuãnohpyra Ritonõpo ahtao, jenyohpyra Ritonõpo nexiase.

Numeru 16:29 Iomraidhean Croise

1 Tuisa 18:36

Mame emero tõtyhkase tahtao, tõturuse ynororo Ritonõpo a: — Ritonõpo, omoro mase Aparão Esemy, Izake Esemy te, Izyraeu tõ Esemy, ajamitunuru enepoko, Ritonõpome nymyry oekarotohme eya xine, opoetoryme jexiry enetupuhtohme roropa eya xine. Õmiry omipona senohne tyrise ya.

1 Tuisa 22:28

— Kure rokẽ ooepyry ropa awahtao, jomiry ae oturupyra Ritonõpo exiry, tykase Mikaia. Mame ynara tykase: — Otato ehtoko jomihpyry poko! tykase.

2 Koronika 18:27

Ynara tykase Mikaia: — Kure rokẽ ooepyry ropa ahtao, jomiry ae oturupyra Ritonõpo exiry! Mame ynara tykase ropa ynororo: — Otato ehtoko jomihpyry poko! tykase.

Jo 35:15

Popyra ehtoh poko exiketõ onuãnohpyra Ritonõpo, ekarõko mase. Iirypyrykõ poko oty kara roropa, ekarõko roropa mase.

Exutu 20:5

Anaxikahpyrykõ ẽpataka porohpyra ehtoko oesekumurukõ po mokaro eahmaryme. Ywy ro rokẽ Ritonõpome ase Oesẽkomo. Imepỹ ymyakã se pyra ase ipunaka zumoxike jexiryke. Yzehno exiketõ wãnohnõko ase: ipakõ roropa te, ipakõ poenomotyamo te, ipary pakomotyã roropa, enara.

Exutu 32:34

Seromaroro mokaro arota ynaropohpyry pona. Wenikehpyra exiko ynenyokyhpyry oesemarykõ enepõko oya xine mana. Yrome okynã pyra mokaro wãnohnõko ase toto rypyry epehpyryme.

Ekereziaxti 3:19

Etyhpyryme oxisã orihnõko mã toto, ahno, okyno, onokyro roropa. Ahno osewomara mana orihpyra ehtohme. Oxisã oseremãko mã toto isene ehtohme. Enẽko mase, toiparo rokẽ mana.

Izaja 10:3

Oty rĩko matou awãnopyrykohtao Ritonõpo a? Oty rĩko matou popyra ehtoh enepyryhtao eya awãnohtohkõme moino imepỹ nonory poe? Aza ytõko matou ãkorehmatohkõ zupiry poko? Otoko omõkomorykõ zonẽnõko matou?

Jeremia 5:9

Zae pyra oya xine mokaro wãnopyryhtao ya moro poko? Zae pyra oya xine tuãnohse Izyraeu tõ porehme iirypyrykõ emetakame?

Ramẽtasão 4:22

Jerusarẽ põkõ pake tuãnohse mã toto popyra toto ehtoh emetakame. Jũme pyra taroposẽme exĩko matose Ritonõpo a sapararahme imeimehnõ nonory tõ poro. Yrome amarokomo, Etõ põkomo tuãnohsẽme exĩko matose Ritonõpo a; jarãnaka oorypyrykõ ripõko mana.

Apokaripxi 11:5

Mame mokaro ryhmary kukuruhtao imehnomo a, apoto tũtãko ĩtae xine mana tyzehnotokõ enahkatohme. Morara ahtao mokaro ryhmary kuhnanõ emero orihnõko mã toto.