Numeru 16:26 - Ritonõpo Omiry: A Bíblia Sagrada na língua Aparai do Brasil

²⁶ Ynara tykase Moeze imoihmãkomo a: — Ameke ehtoko mokaro, popyra exiketõ tapyĩ winoino, ikyryrykõ anapopyra ehtoko ipunaka; tomeseke pyra awahtao xine amarokõ roropa tonahkasẽme exĩko matose mokaro popyra ehtoh pokoino.

Numeru 16:26 Iomraidhean Croise

Jenexi 19:17

Mame toiro Ritonõpo nenyokyhpyry ynara tykase Ro a: — Seromaroro tururume ytoko õsepynanohtohme! Õkakoxi xine osenuhmara ehtoko. Sero jakanahmã wino roropa osenuhmara ehtoko. Epatoko ypy pona; epara awahtao xine orihnõko matose.

Izaja 52:11

Ypoetory tomo, Papironia poe otũtatoko! Irumekatoko emero porehme, mame nuriame aexityã anapopyra ehtoko. Ekurãkatoko amarokomo, Ritonõpo Tapyĩ mõkomory kurã aronanomo.

Jeremia 51:6

Epatoko Papironia poe! Osepynanohtoko osepynanopyrykõ waro awahtao xine! Orihpyra ehtoko, iirypyryme Papironia ehtoh pokoino. Seromaroro emỹpõko ase Papironia nyrihpyry poko. Mokaro wãnohnõko ase inyrihpyrykõ emetakame.

Numeru 16:25

Mame Moeze toytose imehnõ tamuximãkõ maro Tatã tõ esaka Apirão maro.

Mateu 10:14

Mame otarame imepỹ tapyi taõkõ toitoine ose xine pyra exĩko mana. Otarãme pata põkõ toitoine roropa tymarõme ose xine pyra toh mana õmirykõ etary se pyra toexirykõke. Morara ahtao mytotatose ropa moro tae. Mame asãtajãkõ mysasakatatose mokaro neneryme, tyyrypyrykõ poko enetupuhtohme eya xine.

Atos 13:51

Mame tupupurukõ tysasakase eya xine toytotohkõme ropa, Ritonõpo omiry se pyra morotõkõ exiryke. Mame toytose ropa toto Ikoniu pona.

Atos 8:20

Yrome Peturu a tozuhse ynororo. Ynara tykase: — Ritonõpo oenyohsasaka mana apotoimo htaka otinerũ maro, inekarohpyry epekatyry se oexiryke tineru poko.

2 Korĩtiu 6:17

Ynara tykase roropa Kuesẽkõ kyya xine tyyrypyry onurumekara exiketõ poko: “Mokaro irumekatoko, toto maro pyra oehtohkõme. Tyyrypyrykõ poko exiketõ sã pyra ehtoko ipunaka. Morara awahtao xine oesarykõ ekarõko ase oya xine ymaro oehtohkõme.

Teuteronomiu 13:17

Ritonõpo omi poe enahkapohpyry onukurãkara ehtoko okyryrykõme. Moro sã awahtao xine tohne exikehnõko Ritonõpo mana, opyno xine exĩko mana. Tõmihpyry ae ro tõturutopõpyry ae ro kytamurukomo a amarokõ oemãkapotorỹko mana tuhke oehtohkõme.

1 Timoteu 5:22

Axĩ pyra imepỹ imenekako Jezu poetory amorepaneme tyritohme. Imehnõ amorepaneme onyripyra exiko iirypyryme ahtao iirypyrymã akorehmaneme oekaroryino. Imehnõ onymoipyra exiko tyyrypyrykõ poko toto ahtao.

Apokaripxi 18:4

Morarame imepỹ omiry etase kaino kapu ae. Ynara nase: — Moro pata irumekatoko, ypoetory tomo. Irumekatoko ipunaka. Mokyro anakorehmara ehtoko iirypyrykõ poko, awãnohpyra xine Ritonõpo ehtohme.