Numeru 14:21 - Ritonõpo Omiry: A Bíblia Sagrada na língua Aparai do Brasil

²¹ Yrome isene jexiryke, taro jexiryke roropa amaro, imehxo jehtoh sero nono pehkaryke, jomiry etapõko ase:

Numeru 14:21 Iomraidhean Croise

Saumu 57:6

Ahno apoitoh tyrise jepetõkara a japoitohme, torẽtyke toehse ywy ipunaka. Orame tahkase eya xine jesemary ao, yrome ynaroro toepukase zaka.

Saumu 72:19

Jũme Ritonõpo Imehxo Exikety eahmatoko! Ah sero nono pehme nexino Imehxo Aehtoh ke! Enara! Aõ! Kure mana!

Exutu 9:16

Yrome isene ro onomõko ase, yjamitunuru enepotohme oya xine juaro imehnõ ehtohme sero nono põkõ porehme.

Izaja 49:18

Osenuhmako omye enetohme, oekyry tõ oximõnõko mã toto; oehnõko ropa mã toto tosaka xine! Ywy Ritonõpo, isene Exikety, ynara etapõko ase: mokaro emero õkyry uuru risẽ sã mã toto, epyrypãko matose oekyry tõ poko, niotakety tõkyry poko epyrypakety samo.

Izaja 6:3

Oturũko toh nexiase opore oseya, ynara ãko: “Kurano, kurano, kurano! Ritonõpo Jamihmehxo Exikety kure mana; Saeremehxo aexiry sero nono pehkãko mana!”

Jeremia 22:24

Ynara tykase Ritonõpo Kuesẽkõ, Juta tuisary Joakĩ a, Jeoakĩ mũkuru: — Jomiry etapõko ase oya, ywy ase Ritonõpo, Isene Exikety. Jemahtao awahtao jemary poko apotunuru wino, omoro oũko ase.

Ezekieu 18:3

— Ajohpe pyra ase, ãko Ritonõpo mana, — taroino moro kazomopyra exĩko matose Izyraeu tõ nonory po.

Ezekieu 20:36

Omykõ apiakatopõpyry sã ona tonorẽ Xinai po, moro saaro ãpiakatorỹko ase, ãko Ritonõpo Imehxo Exikety.

Ezekieu 33:11

Mame ynara kaxiko eya xine: Ywy, Ritonõpo Oesẽkõ, jũme isene Exiketyme ase. Iirypyrymãkõ orikyry yzamaro pyra mana. Tyyrypyrykõ rumekary sehxo hano eya xine isene toto ehtohme. Izyraeu tomo, oorypyrykõ poko oehtohkõ etypohkatoko. Oty katohme oorikyrykõ se rokẽ hmatou?

Ezekieu 33:27

— Kaxiko eya xine, ywy, Ritonõpo Oesẽkõ, oturũko ase oya xine: Mokaro patãpo tõ põkõ totapasẽme exĩko mã toto. Mokaro jarao exiketõ ona põkõ roropa tosekasẽme exĩko mã toto onokyro tomo a. Mokaro tõtonẽse exiketõ ypy tõ poro, oramao aotonẽtyã roropa orihnõko mã toto tyrohsẽ ke.

Ezekieu 5:11

— Ynara ãko Ritonõpo Kuesẽkõ mana: Ytapyĩ kurã nuriame tyripose oya xine exiryke popyra oehtohkõke te, onyrityã xikuromã ke roropa, ajohpe pyra ynara ãko ase oya xine: oenahkapotorỹko ase opyno xine pyra exikety samo.

Apakuke 2:14

Sero nono pehme exĩko mana, imehxo Ritonõpo ehtoh waro ahno ehtoh ke, tuna konõto pehme ehtoh samo zueme ahtao.

Sowonia 2:9

Morara exiryke ywy, Ritonõpo, Izyraeu tõ Esemy, jomiry etapõko ase: Moape tõ nonory, Amõ tõ nonory roropa tonahkasẽme exĩko pata Sotoma tõ samo, Komora maro. Inonorykõ patãpome exĩko mana jũme rahkene. Ãtarykahme exĩko moroto mana, omoxino hpe roropa, eutary tõ roropa sautume rokene. Mokaro mõkomohpyry arõko ypoetory tõ akoĩpyry mana, inonohpyrykõ esẽme exĩko roropa mã toto.

Numeru 14:28

Ynara kaxiko eya xine: “Jomiry etapõko ase oya xine, onekaropohpyrykõ ya ekarõko ase oya xine. Ywy, Ritonõpo, oturuno.

Mateu 6:10

Emero oenetuputyry se ynanase. Yna akorehmako sero nono po, õmipona yna ehtohme ipunaka, õmipona kapuaõkõ ehtoh samo.

Teuteronomiu 32:40

Seromaroro jemary anỹnõko ase kakoxi, kapu aeino, jomiry etapõko ase, isene exikehpyra exiketyme jahtao ynara tyrĩko ase: