Numeru 13:30 - Ritonõpo Omiry: A Bíblia Sagrada na língua Aparai do Brasil

³⁰ Mame Moeze tykerekeremase toto a yrome toto tymynyhpãkapose Karepe a ynara karyke: — Ehmaropa etonatohme seromaroro moro nono põkõ poremãkatohme. Jamihme sytatose, orẽpyra exĩko sytatose!

Numeru 13:30 Iomraidhean Croise

Saumu 60:12

Ritonõpo kymaro xine ahtao orẽpyra exĩko sytatose, kyzehnotokõ poremãkapõko sytatose.

Numeru 13:29

Amarekita tõ moroto nono ikurenae po. Heteu tõ ypy tõ po mã toto, jepuseu tõ maro te, amoreu tõ maro. Kanaã põkõ tuna konõto Metiteraneu pũto mã toto, tuna Joatão ehpiõ po roropa.

Numeru 13:31

Yrome imehnõ mokaro imaro aytotyã ynara tykase: — Arypyra. Osetapasaromepyra sytatose mokaro maro, jamihmehxo mã toto, kymotye xine.

Numeru 14:24

Yrome ypoetory Karepe tyoro sã tuzenuke mana emero rokẽ sã pyra. Anamonohpyra jomiry omipona toehse mã ynororo. Naeroro moro pata pona tyripõko ase, inenehpyry pona. Ipakomotyã roropa ripõko ase moro nono esẽme.

Numeru 34:19

Ynara ikohmatoko ãkorehmatohkõme: Juta tõ tuisary Karepe, Jepone mũkuru. Ximeão tõ tuisary Samueu, Amiute mũkuru. Pẽjamĩ tõ tuisary Eritate, Kixirõ mũkuru. Tã tõ tuisary Puki, Jokiri mũkuru. Joze (Manase) tõ tuisary Hanieu, Epote mũkuru. Eparaĩ tõ tuisary Kemueu, Xipitã mũkuru. Zepurõ tõ tuisary Erisapã, Paranake mũkuru. Isakaa tõ tuisary Pautieu, Azã mũkuru. Asea tõ tuisary Aiute, Seromi mũkuru. Napatari tõ tuisary Petaeu, Amiute mũkuru.

Romanos 8:31

Morohne poko osenetuputyryhtao ynara ãko ase: “Ritonõpo kuakorehmanekõme ahtao, poremãnõko rokẽ kyzehnotokõ mana.”

Romanos 8:37

Yrome morohne toehse ahtao ro kyporemãkapopyra xine mã toto. Tãkye ro sytatose kuetuarimarykohtao ro Kyrixtu kypyno xine exiryke.

Piripo 4:13

Kokoro rokẽ tyjamitunuru ekarõko Kyrixtu ya. Naeroro emero rokẽ jetuarimaryhtao poremãpyra ase, yjamihtanopyryke Kyrixtu a, tyjamitunuru ke.

Epereu 11:33

Ritonõpo enetuputyryke tyya xine, imoihmãkõ typoremãkapose eya xine toto maro etonaryhtao. Zae ehtoh poko rokẽ toh kynexine. Naeroro Ritonõpo nekarory tapoise eya xine. Kaikuxi tõ mytary tapuruse Ritonõpo a toto onesekara ehtohme.