Numeru 11:13 - Ritonõpo Omiry: A Bíblia Sagrada na língua Aparai do Brasil

¹³ Otokoino tõsẽ apoĩko hano ekarotohme mokaro zohme? Ya oehnõko mã toto tyxitarykõme, tõsẽ ekaropõko mã toto.

Numeru 11:13 Iomraidhean Croise

2 Tuisa 4:43

Yrome tozuhse ynororo ipoetory a: — Ipune pyra hnae otuhtohme, 100me orutua kõ exiryke, tykase. Ynara tykase Eriseu: — Inahpako toto, ynara ãko Ritonõpo exiryke: Otuhnõko mã toto, mame wyi atakoinohnõko mana.

2 Tuisa 7:2

Yrome ynara tykase tuisa akorehmane Eriseu a: — Osenuhmatoh riryhtao Ritonõpo a kapu ao tiriiku epukatohme sewata maro morara ehsaromepyra mana, tykase. Ynara tykase Eriseu eya: — Oenuru ke morohne enẽko mase repe, yrome onenahpyra ekurehnõko mase, tykase.

Numeru 11:20

Yrome toiro nuno pune tõsẽ õnõko matose, tũtatoh pona oeunarykõ ae, ise pyra oehtohkõ pona. Moro sã exĩko Ritonõpo se pyra toehse oexirykõke, arãnao xine jahtao. Tykerekeremase roropa oya xine: ‘Oty katohme Ejitu turumekase kyya xine? Kurehxo exiry moroto ro kuahtao xine,’ ãko.”

Numeru 11:21

Ynara tykase Moeze: — 600 miume orutua kõ arõko ase. Mokaro zoh ekarõko mah, tõsẽ õtohme eya xine nuno pune?

Numeru 11:22

Kaneru tõ tuhke, pui tõ tuhkãkõ maro totapasẽme exĩko nae toto pune ehtohme? Kana tõ emero tuna konõto kuao tanỹsẽme exĩko nae mokaro zohme?

Mateu 15:33

Ynara tykase ipoetory tomo: — Yrome ahno esary kara sero taro. Otokoino moxiã napyry rĩko sytatohu? tykase ipoetory tomo, tõturupose Jezu a.

Maku 8:4

Mame ipoetory tomo a tozuhse: — Otãtohxo ke imoihmãkõ otuhmãko sytatou osepekahtoh pyra ahtao? tykase toto.

Maku 9:23

Ynara tykase Jezu eya: — Enetuputyryhtao oya emero riry waro ase Ritonõpo poe. Wenetupuhko pahne, tykase Jezu jorokohpã zumy a.