Numeru 11:10 - Ritonõpo Omiry: A Bíblia Sagrada na língua Aparai do Brasil

¹⁰ Mame mokaro xitary totase Moeze a. Emero tapyĩ taõkõ tyxitase tytapyĩ omõtoh tao. Tohne toehse Ritonõpo, Moeze roropa torekohmase.

Numeru 11:10 Iomraidhean Croise

Saumu 106:25

Tytapyĩkõ tao, okyno pihpyry risẽ tao tehme toexirykõ se toh kynexine ikerekeremãko, aomiry onetara, imoiry se pyra toh kynexine Ritonõpo Tosẽkõ omiry poko.

Saumu 139:21

Jesemy Ritonõpo, ozehnotokõ zehno roropa ase! Amaro tãtãtapoiry se exiketõ se pyra ase ipunaka!

Saumu 78:21

Morara exiryke morara kary etaryke tyya tyekĩtapãse ynororo. Apoto tukase eya typoetory tõ wãnohtohme. Typoetory tõ zehnohxo toehse ynororo

Saumu 78:59

Morohne eneryke tyya, tyekĩtapãse Ritonõpo kynexine, typoetory tõ Izyraeu turumekase eya.

Izaja 5:25

Naeroro tyekĩtapãse Kuesẽkõ typoetory tõ poko; tomary tanỹse eya, tuãnohse toto. Ypy tõ tykytyky tykase kehko, aorihtyã ekepyry tõ typahsẽ sã tõxinamasẽme exĩko pata esemary po. Morara toehse ahtao ro toto zehno Ritonõpo ehtoh enahpyra ro; tomary tanỹse ro mana typoetory tõ wãnohtohme.

Jeremia 17:4

Ononorykõ rumekapõko ase oya xine, ynekarohpyry oya xine. Oepetõkara namotome oripotorỹko ase imepỹ nonory po, zuaro pyra oehtohkõ po, ozehno xine jehtoh apoto sã exiryke, jũme ezehpyra exiketyme mana.

Numeru 11:1

Mame toetuarimarykõ poko tykerekeremase Ritonõpo eya xine. Aomirykõ etaryke tyya, tohne toehse Ritonõpo nexiase. Apoto tomapose eya toto pona. Moro apoto a tyahkase mokaro rãnao, toitoine tyahkase toh nexiase tosarykõ etyhpyry po.

Numeru 11:11

Ynara tykase ynororo Ritonõpo a: — Oty katohme popyra jyrĩko mah sero samo? Oty katoh torekohmase mahno ypoko? Oty katohme sero erohtoh tupimã mekaroase ya mokaro emero arory poko?

Numeru 12:3

(Moeze epyrypara ipunaka, imehnõ motye imehxo toexiry poko epyrypara nexiase.)

Numeru 12:9

Mame toytose Ritonõpo tohne mokaro poko.

Numeru 16:27

Naeroro ameke toytose imoihmãkomo Kora tõ tapyĩ winoino, Tatã maro, Apirão maro. Tatã tõ tutũtase Apirão maro, tehme toh nexiase tytapyĩ omõtoh tao, typyxiãkõ maro typoenõ maro.

Numeru 21:5

Ritonõpo tykerekeremase toto a, Moeze tykerekeremase roropa eya xine, ynara tykase toto: — Oty katohme Ejitu poe tonehse yna Ritonõpo a, Moeze a roropa? Kuorihtohkõme sero ona tonorẽ po, wyi pyra ehtoh po, tuna pyra roropa ehtoh po? Typenekehse sytatose sero tonahsẽ xihpyry poko!

Maku 10:14

Aotururukõ etaryke tyya tohne toehse Jezu typoetory tõ poko. — Ah poetohti noehno ya. Toto anaropopyra ehtoko ywinoino. Moxiaro pãkõ Ritonõpo esaka ytõko mana, tosẽkõme axĩ enetuputyryke eya xine.

Maku 3:5

Mame tãkye pyra Jezu tõsenuhmase. Tomyẽkõ tonese eya. Tohne toehse kynexine toemynyhmaryme otato pyra toto exiryke. Mame kurãkara a ynara tykase ynororo: — Oemary anỹko, tykase. Mame tãtaporamase ynororo. Emary osepune toehse ropa.

Teuteronomiu 32:22

Tohne jehtoh apoto zukãko sã mana, senohne emero enahkapõko mana sero nono po; ypy tõ apõ zahkãko roropa mana, ijahkapõko mana aorihtyã esary pona.