Numeru 10:29 - Ritonõpo Omiry: A Bíblia Sagrada na língua Aparai do Brasil

²⁹ Mame ynara tykase Moeze tokono a, Hopape a, Jetoro mũkuru, Mitiã pono: — Ytõko ynanase Ritonõpo nekarory pona. Inetapohpyry ae kure rokẽ Izyraeu tõ rĩko mana tymõkomoke itamurume toto ehtohme. Naeroro yna maro eropa, Ritonõpo a yna riryhtao kure, kure orĩko roropa ynanase.

Numeru 10:29 Iomraidhean Croise

Jenexi 12:7

Moroto tõsenepose Ritonõpo Aparã a. Ynara tykase ynororo eya: — Sero nono ekarõko ase apakomotyamo a. Moroto apoto apõ tyrise Aparã a, Ritonõpo eahmatohme, moroto tõsenepose eya exiryke.

Jenexi 13:15

Sero nono emero onenehpyry ekarõko ase oya, apakomotyamo a roropa jũme oesarykõme ehtohme.

Jenexi 15:18

Morara toehse ahtao tõmiry totapose Ritonõpo a Aparã a, ynara tykase eya: — Ajohpe pyra, jomihpyry ae ro sero nono ekarõko ase apakomotyamo a, Ejitu ehpio poe tuna Eupyrati pona,

Jenexi 17:8

Sero nono ekarõko ase oya, apakomotyamo a roropa. Seromaroro katonõme rokẽ matose taro. Sero nono Kanaã emero ekarõko ase jũme apakomotyã esaryme ehtohme, mame ywy toto Esẽme exĩko ase.

Jenexi 32:12

Wenikehpyra exiko õmihpyry poko: “Kure rokẽ orĩko ase te, apakomotyã tuhke exĩko, ekuhpỹme isawã samo tuna konõto ehpio,” katopõpyry.

Saumu 100:1

Ritonõpo eahmaryme oeremiatoko, emero sero nono põkomo!

Saumu 34:8

Anusasame Ritonõpo Kuesẽkõ ehtoh ikuhko tuaro oehtohme kure aexiry poko. Tãkye mã mokaro, imaro osewomaketomo.

Saumu 95:1

Osehtoko, Ritonõpo Kuesẽkõ eahmase! Seremiatone kuatãkyemarykõme Ritonõpo netaryme, kypynanohnekomo!

Exutu 18:1

Morarame Moeze enese toytose imeretamuru, Jetoro, Ritonõpo maro oturukety Mitiã po. Tuaro toehse ynororo Ritonõpo nyrihpyry poko Moeze maro, Izyraeu tõ maro. Izyraeu tõ arotopõpyry Ejitu poe Ritonõpo a, waro roropa ynororo kynexine.

Exutu 18:12

Mame toky tõ tonehse Jetoro a etapatohme jahkatohme tynekaroryme Ritonõpo a. Arão tõ Izyraeu tõ tamuximãkõ maro toytose toto imaro otuhse Ritonõpo eahmaryme.

Exutu 18:27

Mame tõsekazumase Moeze Jetoro maro. Toytose ropa ynororo tytapyĩ taka ropa.

Exutu 2:18

Mame toytose ropa toto tumykomo a. Jũkõ tõturupose eya xine: — Oty katohme axĩ moehtou ropa, kohmãpyra ahtao ro seroae? tykase.

Exutu 2:21

Mame Moeze toahmase Jetoro a moroto aehtohme tymaro xine. Naeroro moroto tõsesarise Moeze kynexine. Mame tõxiry Zipora tokarose eya jumy a ipytyme.

Exutu 3:1

Moroto toerohse Moeze, tymeretamuru eky tõ poko. Imeretamuru, Jetoro, Ritonõpo maro oturuketyme kynexine Mitiã po. Eky tõ tynahpase eya, kaneru tomo, poti tõ maro. Mame toto tarose Moeze a mya ona poro, ypy Xinai myhtokoxi. Moro ypy tymenekase Ritonõpo a, tosaryme ehtohme kurãme.

Exutu 3:8

Morara exiryke tyhtose ywy toto pynanohtohme Ejitu tõ wino, toto arotohme Ejitu poe nono konõto pona, nono kurano. Moroto nono kure mana, otyro zamaro mana. Moroto kananeu tõ nae te, heteu tomo te, amoreu tomo te, perizeu tomo te, heweu tomo te, jepuseu tomo, enara.

Exutu 6:4

Jomihpyry ekarone eya xine. Ynara akene: Sero nono ekarõko ase, Kanaã ekarõko ase apakomotyamo a. Moro nono po katonõme sã rokẽ toh kynexine.

Izaja 2:3

Ynara ãko mã toto: “Ehmaropa onuhse Ritonõpo esary pona, ehmaropa Ritonõpo Tapyĩ taka, Izyraeu tõ Esemy a. Kuamorepatorỹko mana zae ehtoh poko kuehtohkõme, inyripohpyry omipona exĩko sytatose. Ynara exiryke, kuamorepanekõ Ritonõpo poko Jerusarẽ poe oehnõko mana; ypy Xião poe typoetory tõ zurũko mana.”

Jeremia 50:5

Ekaropõko mã toto: “Otoko osema nae Xião pona?” Mame ytõko mã toto xiaro, Xião winakoxi. Ynara ãko mã toto: “Ehmaropa oximaro kuehtohkõme Ritonõpo maro, Kuesẽkomo a. Kuomirykõ setapotone eya, jũme wenikehpyra ropa kuehtohkõme.”

Numeru 10:28

Moro sã Izyraeu tõ atakenaka toytopitose toto, oxiekyrymãkõ oxikone.

Numeru 23:19

Ahno sã pyra Ritonõpo mana, ajohpe exiketõ sã pyra; tõsenetupuhtoh onytyoromara mana. Tõmiry totapose ahtao Ritonõpo a, moro rĩko mana; ‘Tyrĩko ase,’ tykase ahtao Ritonõpo a tyrĩko mã rahkene.

Atos 7:5

Ritonõpo onesaripopyra Aparão a repe. Yrome ynara tykase ynororo eya: “Sero imeĩpo ekarõko ase oya oesaryme, oesahpyo apakõ esaryme roropa toorihse awahtao,” tykase Ritonõpo Aparão a tumũkue pyra ro ahtao.

Teuteronomiu 30:5

atamurukõ nonohpyry pona ropa. Oesarykõme exĩko ropa mana, kure rokẽ oritorỹko Ritonõpo mana kure atamurukõ nyrihpyry motye eya.

Teuteronomiu 4:40

Morara exiryke aomihpyry omipona ehtoko, inyripohpyry tõ oya xine emero porehme, ynekarohpyry oya xine seroae. Mame amarokomo opoenomo, apakomotyã roropa tãkye exĩko matose. Tuhke jeimamyry aropõko matose sero nono po, Ritonõpo Kuesẽkõ nekarory po jũme oesarykõme.

Titu 1:2

Orihpỹme tymaro kyritorỹko Ritonõpo mana. Ajohpãkara mokyro Ritonõpo. Pake nono onyripyra ro tahtao ynara tykase ynororo tyya rokene: “Orihpỹme ypoetory tõ rĩko ase,” tykase.

Epereu 6:18

“Jomihpyry ae ro kure orĩko ase,” tykase toexiryke: “Ekurehpyra ase,” tykase roropa toexiryke, asakoro nae sytatose etyorõmara exiketomo. Ajohpe ehsaromepyra Ritonõpo mana. Naeroro kuewomanekõ maro toehse sytatose. Aomiry kurã etaryke kyya xine, oserehpyra sytatose. Kuytorykõ eraximãko sytatose Ritonõpo esaka. Naeroro onurumekara sytatose.

Apokaripxi 22:17

Kurã Zuzenu ynara ãko niotakety maro: — Osehtoko! ãko toto. Morara kary etaryhtao oya xine, morararo: — Osehtoko! kahtoko. Osehtoko tuna se exiketomo. Topehke pyra ynekarory apoitoko, õkurukõme samo jũme Ritonõpo maro oehtohkõme, emero rokene.

Juize 1:16

Moeze meretamuru pakomotyã, keneu tõ, toytose Juta tõ maro pata Jeriko, airiki panõ esary poe, ona pona Juta tõ nonory pona, pata Arate poe ikurenaka. Moroto kynexine toto amarekita tõ maro.

Juize 4:11

Ameke hkopyra Ketese poe Hepea esary kynexine, keneume exikety. Imehnõ keneu tõ winoino tãtapiakase Hepea kynexine. Hopape, Moeze akono pakomotyã keneu tõ kynexine. Moroto tytapyĩ tamose Hepea a wewe konõto, Zaananĩ pũto.

1 Samueu 15:6

Apitoryme ynara tykase Sauu keneu tomo a: — Ameke rokẽ ehtoko amarekita tõ winoino, toto maro kuetaparykõino. Izyraeu tõ pyno mexiatose aepyrykohtao Ejitu poe. Naeroro ameke toytose mokaro keneu tomo.