Numeru 1:54 - Ritonõpo Omiry: A Bíblia Sagrada na língua Aparai do Brasil

⁵⁴ Moro tyrise Izyraeu tomo a emero Ritonõpo nyripohpyry ae ro Moeze a.

Numeru 1:54 Iomraidhean Croise

Exutu 12:28

Mame toytose toto. Tyrise eya xine emero, Ritonõpo nyripohpyry Moeze tomo a Arão maro.

Exutu 39:32

Mame tõtyhkase toto toerohtohkõ poko Ritonõpo maro oturutoh, Tapyi Kurã poko. Izyraeu tomo a emero tyrise, Ritonõpo nyripohpyry Moeze a.

Exutu 39:43

Mame toto nyrihpyry tonese Moeze a. Emero tyrise eya xine zae ipunaka, Ritonõpo nyripohpyry ae ro. Mame tõturuse Moeze Ritonõpo a kure rokẽ Izyraeu tõ ritohme.

Exutu 40:16

Mame morara tyrise Moeze a emero Ritonõpo nyripohpyry ae ro.

Exutu 40:32

aomomyrykohtao Tapyi taka te, apoto apõ pona toytose toto ahtao, Ritonõpo omihpyry ae ro.

Numeru 1:19

Moro sã tukuhse toh nexiase ona Xinai po, Ritonõpo omi poe Moeze a.

Numeru 1:53

Yrome rewita tõ osesarĩko mã toto ymaro oturutoh zomye eraseme, imehnõ rewita tõ kara oehpyra ehtohme moro pũtokoxi Izyraeu tõ zehno jexiryino.

Numeru 2:1

Ynara tykase Ritonõpo Moeze a Arão maro:

Numeru 2:34

Moro saaro Ritonõpo nyripohpyry Moeze a, moro tyrise Izyraeu tomo a emero. Tõsesarise toh nexiase tyekyry tõ maro tykamisã, pãteira pũto. Mame toytoytose toto oximõme tyekyry tõ maro.

Numeru 36:10

Naeroro Makara, Tiriza, Hokara, Miuka, Noa maro, Zeropeate ẽxiry tomo Ritonõpo nyripohpyry omipona toehse toh nexiase. Tyniotase toh nexiase tumykõ ekyry mũkuru tõ maro.

Numeru 8:20

Naeroro Ritonõpo nyripohpyry Moeze a rewita tõ poko, emero tyrise Moeze a te, Arão a te, Izyraeu tõ maro rewita tomo a.

Numeru 9:22

Yrome totypohse akurũ ahtao Tapyi epoe asakoro ẽmepyry te, nuno tytororo te, jeimamyry porehme, totypohse pixo moro akurũ ahtao, Izyraeu tõ roropa tehme toh nexiase. Ytoytopyra toh nexiase. Yrome tõnuhse yroro ahtao ytõko toh nexiase.

Numeru 9:5

Ẽmepyry 14mã po, nuno apitorymã po oseahmatoh tyrise Izyraeu tomo a kohmãsasaka ahtao, ona Xinai po. Emero tyrise Izyraeu tomo a Ritonõpo nyripohpyry ae ro Moeze a.

Mateu 28:20

Amorepatoko toto emero jomipona toto ehtohme, ãmorepatopõpyrykõ omipona toto ehtohme. Etatoko pahne, amaro xine ase jũme joepyry ropa ponãmero, tykase Jezu eya xine. Enara.

Teuteronomiu 12:32

— Senohne Ritonõpo nyripohpyry omipona ehtoko, ynekarohpyry oya xine onymotyẽkara ehtoko, onoupyra roropa ehtoko aomihpyry ae.

1 Samueu 15:22

Ynara tykase Samueu eya: — Oty kurehxo Kuesẽkõ Ritonõpo a? Aomihpyry omipona kuexirykomo? okyno zahkary kynekarorykõme? Kurehxo Ritonõpo omipona kuehtohkomo, kure hkopyra kaneru kurã etapary jahkatohme kynekarorykõme eya.