Numeru 1:4 - Ritonõpo Omiry: A Bíblia Sagrada na língua Aparai do Brasil

⁴ Tamuxime exiketõ imenekako, toiro tuisame exikety toiro oxiekyrymãkõ wino ãkorehmatohkõme.

Numeru 1:4 Iomraidhean Croise

1 Tuisa 8:1

Morarame Izyraeu tõ tamuximãkõ tonehpose tuisa Saromão a, pata tõ tuisary tõ maro Jerusarẽ pona, Ritonõpo omihpyry ẽ arotohme Xião poe, Tawi patahpyry poe Ritonõpo Tapyĩ taka.

Exutu 18:21

Yrome kurehxo orutua kõ menekary oya, tuaro exiketomo tuisame toto ehtohme: miumãkõ tuisaryme te, 100mãkõ tuisaryme te, 50mãkõ te, 10mãkõ tuisaryme, enara. Ritonõpo omipona se exiketomo, zae rokẽ exiketomo, ajoajohpe pyra exiketomo, enara.

Exutu 18:25

Orutua kõ emese kure exiketõ, Izyraeu tõ tymenekase Moeze a miumãkõ tuisaryme te, 100mãkõ tuisaryme te, 50mãkõ tuisaryme te, 10mãkõ tuisaryme, enara.

Numeru 1:44

Orutua kõ 20me jeimamyry nae exiketõ, soutatume exiketõ 603.550me nexiase.

Numeru 17:3

Moromeĩpo Arão esety imeroko Rewi tõ myxiry pokona. Toiro myxiry exĩko toiro oxiekyrymãkõ tuisary esety ke.

Numeru 25:14

Mokyro esety, totapase aexihpyry mitianita maro Ziniri nexiase, Saru mũkuru, tamuxime exikety Ximeão ekyryme.

Numeru 25:4

Ynara tykase ynororo Moeze a: — Oximõme Izyraeu tõ tuisary tõ enehpoko, jomi poe toto etapatohme jẽpataka saereme ahtao. Moro tyrise ahtao oya xine, mokaro zehno jehtoh mynyhpãnõko ropa mana.

Numeru 30:1

Mame Moeze tõturuse Izyraeu tõ oxiekyry tõ tuisary tomo a. Ynara tykase: — Sero nase Ritonõpo nyripohpyry oya xine:

Numeru 4:34

Morarame Ritonõpo nyripohpyry omi poe rewita tõ tukuhse Moeze a Arão maro, Izyraeu tõ tuisaryme toexirykõke. Oseruao oxiekyry tõ tukuhse eya xine: Koate tomo te, Jeresõ tomo te, Merari tomo, enara. Jũkõ tapyĩ taõkõ tukuhse eya xine. Orutua kõ esety tymerose eya xine 30me jeimamyry nae exiketõ 50me jeimamyry ehtoh pona, erohtohme Tapyi Kurã poko. Ynara tuhke toto ehtoh nexiase: Koatita tomo: 2.750 mãkomo. Jeresonita tomo: 2.630 mãkomo. Merarita tomo: 3.200 mãkomo. Atapona: 8.580 mãkomo.

Numeru 7:2

Mame oxiekyrymãkõ tuisary tomo a, tamuximehxo toexirykõke, Moeze akorehmaneme roropa toh nexiase tyekyry tõ kuhtopõpyry poko,

Teuteronomiu 1:15

Naeroro tuisa tõ tapoise ya oekyry tõ wino, tuaro exiketomo, emese kure roropa exiketomo tyritohme otuisarykõme. Toitoine miumãkõ tuisaryme toehse; imehnõ 100me exiketõ tuisaryme toehse; imehnõ 50mãkomo; imehnõ 10mãkõ tuisaryme toehse. Mokaro maro imehnõ tuisa tõ tymenekase ya oxiekyry tõ tuisaryme toto ehtohme.

Jozue 22:14

Pineia maro Izyraeu tõ 10mãkõ tamuximãkõ toytose.