5 Mokaro zae pyra ehtoh onykorokara exiko! Iirypyryme toto ehtoh poko wenikehpyra exiko, yna zuroryke eya xine, yna nyriry tõ eunopyryke roropa eya xine.”
Totaehse ynororo ahtao ro typoremãse sã ahtao imaro yna osetapãko. Oserehnõko mana, imarõkõ epãko mã toto. Mame tuisa rokẽ etapãko ynanase,
Mame erohkehpyra ynanexiase pata apuru tõ riry poko. Okynã pyra apuru zokonaka tõtyhkase, kae exiry. Yronymyryme toerohse toto, tãkye toto exiryke.
Ah Ritonõpo wenikehpyra nexino itamuru tõ popyra ehtopõpyry poko, iirypyryme jeny ehtopõpyry poko roropa!
Ritonõpo, yna pyno exikehpyra oexiryke ajohpãme sã juãnohpyra exiko. Yna pyno oexiryke, iirypyryme jehtopõpyry ikorokako emero.
Yyrypyry onenepyra exiko, popyra jehtopõpyry ikorokako ropa, emero porehme.
Mãpyra iirypyhpopãkahpyryme exĩko mã toto emero, ehxirõko roropa mã toto. Ritonõpo, mokaro rypyry onykorokara exiko!
“Yrome ywy, ywy roro, Ritonõpo Oesẽkõme ase, naeroro oorypyrykõ korokãko ase, oorypyrykõ poko wenikehnõko roropa ase.
Popyra oehtohkõ ykorokase, oorypyrykõ roropa emero; osenepyra toehse mã kehko akurũ esahpyry samo. Osehtoko ropa ya Opynanohneme jexiryke.”
Yrome zuaro mase, Ritonõpo, mokaro osenetupuhtohkõ emero porehme jetapatohme. Mokaro popyra ehtoh anakorokara exiko, iirypyrykõ onykorokara exiko. Mokaro emako nono pona typoremãse toto ahtao. Toto zuãnohko zehno oehtoh ke.
“Mokaro epehmako popyra toto ehtopõpyry emetakame. Zuãnohko toto juãnohtopõpyry sã oya yyrypyry emetakame. Pusuh kakehpyra ase, kure pyra roropa ase ukurohtao.”
Arexãtere, mokyro kurimene poko erohkety, popỹ mokyro yhtomane. Apo Kuesẽkõ mokyro wãnohno iirypyryme aexirypo.