Naum 1:3 - Ritonõpo Omiry: A Bíblia Sagrada na língua Aparai do Brasil

³ Inehmỹke pyra Ritonõpo mana, axĩ pyra tohne exĩko, yrome jamihme mana, popyra exiketõ enẽko mana, toto wãnopyry eya ekurehpyra mana. Tyryrykane konõto maro ytoytõko mana, tyryrykane jamihmãkomo; akurũ putoh kane sã mana tanỹse ipupuru a.

Naum 1:3 Iomraidhean Croise

2 Samueu 22:10

Kapu totapuruhmakase eya, tyhtose ynororo. Akuru xinukutumehme sã toehse, ipupuru zopikoxi.

Neemia 9:17

‘Arypyra, Õmiry omipona pyra ynanase,’ tykase toto. Tuenikehse toto onyrihpyry poko emero; tuenikehse toh kynexine ajamitunuru enepotopõpyry poko. Toepyryparykõme, imepỹ tymenekase eya xine tutuisarykõme, Ejitu pona toto arotohme ropa, topehke pyra imehnõ namotome toehtohkõme ropa. Yrome omoro, Ritonõpo, yna rypyry korokaneme mase. Kurãme mase, yna pyno exiketyme. Okynã sã yna zehno pyra mase, opoetory tõ pynanopyry enahpyra mana. Morara exiryke toto onurumekara mexiase.

Jo 10:14

Jenery se mexiase iirypyryme toehse jahtao, moromeĩpo popyra jehtoh onykorokara oehtohme.

Jo 38:1

Moromeĩpo tyryrykane konõto wino tõturuse Ritonõpo, ynara tykase ynororo Jo a:

Jo 9:4

Tuarohxo Exiketyme mã ynororo, Jamihmehxo Exiketyme roropa. Atatapoiry se ahno ahtao imaro, onyporemãkasaromepyra mana.

Saumu 103:8

Ritonõpo kure mana, kuãnopyrykõ se pyra mana, kure kyrirykõ se mana, axĩ pyra zekĩtapanõko mana kypyno xine toexiryke.

Saumu 104:3

atapyĩ tyrise oya tuna epoe, kae kapu ao. Akurũ tõ rĩko mase akahõme, etonatoh kyryryme; tyryrykane aporiry tõ po ytõko mase.

Saumu 145:8

Ritonõpo Kuesẽkõ kure mana, kypyno xine mana; axĩ pyra zekĩtãko mana, kuãnopyrykõ se pyra mana, kypynanopyrykõ sehxo mana.

Saumu 147:5

Imehxo Kuesẽkõ mana, jamihme kuhse mana; tuarohxo ynororo, emero zuaro mana.

Saumu 50:3

Kuesẽkõ oehnõko mana, mynyhme pyra eporehkãko mana; apoto nyahkary sã esemazupurume oehnõko. Zomye tyryrykane itamurume exĩko.

Saumu 62:11

Ynara tykase Ritonõpo ynetaryme: “Ywy ro rokẽ jamihme ase,

Saumu 66:3

Ynara kahtoko eya: “Onyrityã pokoino osenuruhkãko ynanase! Ajamitunuru imehnõ jamitunuru motye exiryke, emero ozehno exiketõ tosekumuru po porohnõko mã toto oẽpataka.

Izaja 19:1

Sero omi mã Ejitu wãnohtoh poko. Akurũ po Ritonõpo ytõko mana Ejitu pona axiny. Ejitu põkõ neponãmarykõ tykytyky ãko Ritonõpo ẽpataka, Ejitu põkõ enaromỹke exĩko.

Izaja 66:15

Kuesẽkõ oehnõko mana apoto maro; ikyryry tõ, etonatoh kahu tõ tyryrykane konõto sã mã kehko; topetõkara wãnohtohme, toto zehno toehse toexiryke.

Jeremia 4:13

Enetoko ke! Kuepetõkara oehnõko mã toto akurũ samo. Toto kahu tõ osetapaketõ wiriwirikane jamihme exikety sã mã kehko, eky tõ kawaru axĩ sã ytõko, piano axĩ ytory motye. Typoremãse sytatose myhene! Tonahkase sytatose!

Tanieu 7:13

Mame osenehnõko ro exiase moro koko ahtao, ahno mũkuru panõ enease oehnõko akurũ rãnakuroko kapu ae. Toytose ynororo tuisa porohtoh pona, Jũme isene Exikety a, mame ẽpataka tarose ynororo.

Ozeja 8:7

Tyneponãmarykõ poko tyryrykane arykary sã eya xine mana, moromeĩpo wiriwirikane apoĩko sã mã toto, Axiria etonase oehnõko mana. Tiriiku tõkehko tarykase eya xine, yrome eperytara mana. Toperytase ahtao imeimehnõ oehnõko mana moro epery enahkase.

Joeu 2:13

Oorypyrykõ rumekary se oehtohkõ enetupuhpotoko; oupõkõ onyxihkara ehtoko, yrome okurohtao xine oxitatoko oorypyrykõ poko.” Eramatoko ropa Ritonõpo Kuesẽkomo a. Kure mana, awãnopyrykõ se pyra roropa mana; penekehpyra mã ynororo, kypyno xine mana; axĩ ekurãkãko ropa mana kuãnohpyra xine toehtohme.

Jona 4:2

Ynara tykase ynororo: — Ritonõpo, Jesemy, zuaro exiase ynonory poe oehpyra ro jahtao, serara exiry enetuputyase, imehnõ pyno oexiry waro exiase. Morara exiryke jepary se exiase Expania pona! Kure oexiry waro exiase, axĩ pyra iirypyrymãkõ wãnohnõko mase. Penekehpyra mase te, tyyrypyrykõ rumekary se ropa ahno ahtao axĩ ityoromãko mase, toto onuãnohpyra ekurehnõko mase.

Zakaria 9:14

Mame osenepõko Kuesẽkõ mana typoetory tõ epoe. Nenenehkane sã typyre ekomãko mana. Rue etõko mana. Ytõko mana tyryrykane konõto maro ikurenae.

Numeru 14:18

“Ywy, Ritonõpo, penekehpyra ase, imehnõ pynanohnõko ase; popyra toto ehtoh korokãko ase, iirypyry roropa. Yrome iirypyrymãkõ onyripyra ase zae ehtoh poko exiketõ samo. Popyra exiketõ rypyry epehmapõko ase imũkuru tomo a, ipakomotyamo a, imũkuru tõ pakomotyamo a roropa, asakoropane zumakahpõkomo a.”

Mateu 26:64

— Ywy ase, tykase Jezu. — Yrome etatoko pahne, moromeĩpo jenẽko ropa matose tuisamehxo jahtao, Papa Kapuaõ maro. Akuru htoko joepyry ropa enẽko matose, tykase ynororo.

Tiaku 1:19

Morara exiryke jakorõ tomo, otato sehtone. Opyno xine ase. Axi hkopyra imehnõ sezuhtone, axĩ pyra roropa syekĩtatone. Moro waro matose.

Apokaripxi 1:7

Enetoko ke! Oehnõko ropa mana akuru htoko. Emero mã mokyro enẽko, tuohpõkõ roropa. Mame sero nono põkõ emero xitãko mã toto mokyro eneryke tyya xine. Morara ahtao ro, osehko ropa Jezu, enara.